المرسيدس الصيني .. جيلي Fc الجديدة

**menabigboss** · 23-01-2009 07:50 PM

i`ve a question
if the car is bad, how is the insurance of the car is FIVE Years or 100000 KM....?how they did this insurance?thank u

**SemSem_eg** · 23-01-2009 08:03 PM

المشاركة الأصلية كتبت بواسطة menabigboss

i`ve a question
if the car is bad, how is the insurance of the car is FIVE Years or 100000 KM....?how they did this insurance?thank u

فعلا كلام منطقي جدا وانا نسيت أقول النقطة دي في مداخلتي

العربية عليها ضمان 5 سنين أو 100.000 كيلو يعني أكتر من الأفيو

شكرا على الملحوظة أستاذ مينا

يا ترى فيه آراء جديدة ؟

**Chery_fulwin** · 23-01-2009 09:55 PM

http://www.fannat.com/Magazine.aspx?NewsID=1202
تجربة قيادة

**طائر الليل** · 23-01-2009 11:12 PM

جيلىfc مانيوال ولا اوتوماتيك

**foxking_369** · 25-01-2009 11:52 AM

السادة الزملاء اللى بيهاجموا الجيلى و يقولوا اسوء عربيه صينى ياريت يقولونا اساس الادعاء دا لانى مثلا معايا الفروته و قربت على 3 سنين و الحمد لله معملتش اى حركه نقص معايا و سافرت بيها الساحل اكتر من 10 مرات فى الصيف اللى فات هى مشكله جيلى لما الوكيل القديم ساب التوكيل و هو اصلا كان واخد توكيل اكتر من عربيه صينى من بس الجيلى بس الوكيل الجديد ماشى على خطى كويسه علشان يرجع اسم جيلى تانى للسوق

بس العيب الاساسى للصينى فعلا هو سعر اعاده البيع و انا كنت عرضت عربيتى للبيع قبل كده ( بصراحه كان قدامى لانوس لقطه ) بس السعر كان فى الارض و قررت احتفظ بيها و مش هبيعها خالص و ربنا يكرمنى و اجيب واحده اكبر

و بعدين شئ غريب فعلا تقول اجيب اسبرانزا يقلولك لا وحشه هات بريليانس تقول اجيب بريليانس يقولك وحشه و تقول جيلى يقولوا اسبرانزا او بريليانس و فى الاخر ابعد عن الصينى خالص
بصراحه اللى عايز يشترى اى عربيه يشوفها كويس لو عجباه بجد يشتريها و يريح نفسه لان كده كده عمر مهيكون فى اتفاق على اى سلعه بين كل البشر و ربنا يبارك لنا كلنا فى عربياتنا حتى لو كارو .

**ahmad alshaaer** · 26-01-2009 02:24 AM

انا عندي الحل ليك ان شاء الله
اولا هتصلي استخاره
ودي اهم نقطه وحدد في صلاتك النوعين دول واللي هتجيبها تبقى هي والله الخير ليك ان شاء الله
وحاجه تانيه بأه ابعد عن الافيو خصوصا
2009 الكوري والاوتوماتيك
انت بتقتل نفسك بالافيو
بجد سي~ه للغايه
واانا واحد من اللي ركبوها 6 شهور وبعتها
وماعرفتش اني كنت راكب حنطور الا لما ركبت جين 2
بجد الافيو لااااااا
حتى التوكيل هيقرفك
يااخي ادخل على الشيفروليه وشوف الناس بتقول ايه عن الافيو 2009
سلاااااااام عليكم
يعني قصدي انك تقارن مثلا مع نوع تاني
ايه رايك مثلا في الجين 2
ادخل منتدى البروتون وشوف
عيوبها بعض عيوب التقفيل الخفيفه في الصالون
ولكن امكانيات وثبات وموتور
ادخل بقه منتدى بروتون وشوف
والاستخاااااااااااااااااا ره اهم حاجه

**madawbs** · 09-02-2009 09:57 AM

بص ياباشا علشان تريح نفسك التجربة اهم حاجة انا واحد صاحبى معاه جيلى mk 1600 مانيوال بقالها سنة وشوية معاه وزى الفل وعاملة حوالى 16000 كيلو دلوقتى وفاحتينها كل اسبوع الغردقة وراس غارب والسخنة ماشتاكيتش خالص وبيشكر فى التوكيل الجديد بتاعها جدا top gear

المشكلة عند ناس كتير انهم بيتكلموا على الجيلى القديمة (ودى كانت عربية مش كويسة) وكمان التوكيل اتغير والصيانة بقت احسن وصاحبى ده كمان شايف ان احسن حاجة فيها قطع غيارها الرخيصة ( زى ال128 تقريبا)

بس على فكرة الحاجة الوحيدة الى انا شايفها مش حلوة فيها ان الاكصدام الى ورا اتفك المسمار بتاعه. غير كدة العربية زى الفل وانا مش بادافع عنها لاى سبب لا انا راكبها ولا هاشتريها ( انا مبسوط بعربيتى والحمد لله ) ولا صاحب التوكيل يبقى جوز خالتى ولا حاجة دى كلمة انا شايف انها حق والله اعلم

**doctor1** · 12-02-2009 12:23 PM

السلام عليكم
والله يا جماعه بجد انا احترت معانا هو السؤال ايه بالظبط ... تعالوا نحدد نفسنا فى سؤال واحد ونجاوب كلنا عليه
ياترى احنا فى مصر دلوقتى لسه الفكر بتاعنا زى زمان والسوق عندنا لسه زى زمان ؟؟؟؟
بمعنى زمان كان الواحد مننا بيشترى العربيه وبيحط فيها فلوسه كنوع من انواع الإستثمار المضمون لما بيفكر يبيع هيكسب فيها وان لا قدر الله ماحصلش نصيب وكسب يبقى اكيييد مش ممكن يخسر زيها زى الدهب كده
لكن انا متأكد ان السوق والفكر المصريين دلوقتى اتغيروا تماما وتحولنا الى سوق وفكر استهلاكى
بالظبط كده زينا زى دول الخليج ليه مش مهم نتكلم دلوقتى فى الأسباب ولكن هى دى النتيجه والحقيقه
يبقى لازم لما نيجى نشترى انهارده اى عربيه المفترض ان معاييرنا الشرائيه بتتغير تبعاً للفكر الجديد
صينى ايوه صينى وايه المانع
طالما انا كمشترى شايف انها بتوفرلى الكماليات اللى انا محتاجها ويمكن زياده فى الرفاهيه كمان وبسعر تنافسى كبير جدا ورهيب فى معظم الحالات وبصراحه انا أولى بالكماليات والرفاهيه دى وبفرق الفلوس دى كلها
انما المهم هنا .... والأهم كمان ....
انى زى ماباشترى اى نوع او ماركه حتى لو امريكى او يابانى او حتى اوروبى محترم باعتمد على ايه ؟؟؟
اول شىء لازم افحص العربيه دى كويس جدا واتأكد ان مافيهاش عيوب تصنيع مثلا
وان يكون لها فترة ضمان لعيوب التصنيع من الشركه المصنعه لها ومن توكيلها هنا كمان
وان قطع الغيار لها موجوده ومتوفره بشكل مايعطلنيش عن مصالحى لو احتجتها وبسعر مناسب غير مغالى فيه
وبعد كده العيوب اللى ممكن تظهر فى العربيه نتيجة سوء استخدامى لها فده حاجه بترجع ليا انا واستعمالى للعربيه واعتقد انكم توافقونى ان استعمالى للعربيه نتيجتة هتكون واحده على اى نوع وماركه للعربيه مهما كانت بلد التصنيع او جودتها
ارجوكم سامحونى على التطويل فى تعليقى واتمنى انى اكون قدرت اوصل وجهة نظرى لكم
واشكركم

**doctor1** · 12-02-2009 12:27 PM

وكمان طبعا لو احتجنا فى اى وقت اننا نبيع وهنضطر نخسر فيها فلوس ليه مانفكرش ان قيمة الخساره الماديه اللى هنخسرها دى تمن ويمكن يكون تمن بسيط فعلا للكماليات اللى انا استمتعت بيها طوال فترة اتعمالى للعربيه دى
واعتقد انى بكده مش هاعتبرها خساره فادحه
على الأقل دى طريقتى فى التفكير ووجهة نظرى فى الشراء والبيع فى حياتى
وشكرا

**Rsarabia** · 13-02-2009 02:01 PM

المشاركة الأصلية كتبت بواسطة doctor1

وكمان طبعا لو احتجنا فى اى وقت اننا نبيع وهنضطر نخسر فيها فلوس ليه مانفكرش ان قيمة الخساره الماديه اللى هنخسرها دى تمن ويمكن يكون تمن بسيط فعلا للكماليات اللى انا استمتعت بيها طوال فترة اتعمالى للعربيه دى
واعتقد انى بكده مش هاعتبرها خساره فادحه
على الأقل دى طريقتى فى التفكير ووجهة نظرى فى الشراء والبيع فى حياتى
وشكرا

طيب ليه متدفعش فلوسك فى عربية لما تيجى تبيعها متسخرش فيها كتير و بردو هتستمع بنفس الكماليات اللى موجودة فى الصينى