برجك إيه ...تعالوا نسبح في عالم الأبراج

**نور العمر** · 23-01-2009 07:47 PM

المشاركة الأصلية كتبت بواسطة TeXo

و انا كمان برج الجوزاء , و معرفش حاجه

أهلاً بحضرتك وب أ/ هيما .... من صفات الرجل الجوزاء... قلق ومتناقض ( لديه ازدواج فكري ) يجمع بين الشئء ونقيضه عشان كده عاوز حد لاسع فكريا عشان يكون قريب منه ويفهم حقيقته

مفيش في حياته ملل كثير حياته كلهاالحركة والنشاط ... بس معنى الحب عنده حاجة وتصرفاته مع هذا الحب حاجة تانية خاص ( وده بيقولوا عنه في عالم الأحبة محب غشيم ) ....... مثقف قوي .... ويحب يتكلم في كل حاجة ....... اجتماعي جداً ... و ( ثرثار ) جدا جدا بس أسلوبه جميل في الكلام ... ولو قال الصراحة بيقولها ببساطة بدون تجريح
مقنع جداً حتى ولو هو مش مقتنع أصلاً بالشئ بس يقدر يقنع إللي قدامه ( لو أصبح ممثل يبقى ممثل بارع ) ........ بيحب ينام كتييير عشان بيشتغل كتييير حركياً أو ذهنياً ..
يشد الرجل الجوزاء الجمال الخارجي ... وبعدين يبحث في جمال الجوهر ا( عكس القوس ) ... بيهتم بالمستقبل وإللي فات فات بالنسبة له

ويا هناه يا سعده إللي باباه جوزاء حيعيش أجمل أيام طفولته دلع وهدايا ............ ( أنا عاوزة بابي جوزاء )

أرجوا أن أكون قربت المعلومات عن البرج ... يا ترى ده فعلاً صحيح يا جوزاء

**د./اليشع ثابت** · 23-01-2009 07:48 PM

المشاركة الأصلية كتبت بواسطة نور العمر

أهلا يا فندم نورتنا ببرجك الشقيق ( القوس ) وده شيء يسعدني جداً وشكراً جدا على التعليق الجميل ده ......
ونسيت أكمل إن أصعب الأبراج بالنسبة للقوس ( العقرب ) لا توافق تماما ( عن تجربة 1000% ) وأجمل توافق مع برج الأسد ....

شكراااااا لحضرتك على المتابعة
المحترمة والرد الجميل

**نور العمر** · 23-01-2009 07:55 PM

المشاركة الأصلية كتبت بواسطة wildwest100

انا بقا برج الاسد بحب كل حاجة فى الدنيا خلقها ربنا

أهلاً بحضرتك

ده حقيقي ......... بحس إن الأسد فيلسوف وسقراط بين الناس
وأهم حاجة عنده ( الاحساس بالرضا ) حتى ولو كان نفسه يملك الدنيا ... بس راضي بإللي معاه

أنا بحب البرج ده قوي جدا خالص

**نور العمر** · 23-01-2009 07:57 PM

المشاركة الأصلية كتبت بواسطة rockana9112007

هو مفيش عقارب خالص هناااا ولا اية ؟؟؟

ربنا يجعل كلامنا خفيف عليهم

**نور العمر** · 23-01-2009 07:58 PM

المشاركة الأصلية كتبت بواسطة MomoMedo

انا برج السرطان

يا أهلاً بالألوان

**نور العمر** · 23-01-2009 08:02 PM

المشاركة الأصلية كتبت بواسطة Ayman_52

موضوع جامد جدا....

اول واحد من برج العذراء...شخصيه بتحب الهدوء ...شكاك شويه ..صريح...مابيحبش الشىء الثابت يعنى بيحب التغيير....كسول...مابيحبش الاضواء والزحمه...بيحب يتقن الحاجه اللى بيعملها...هادى فى اغلب الاحوال....عملى الى حدا مــا.....مجامل الى حدا ما(مابيحبش يكسف حد)

افضل شريك بالنسبالى -الحـــوت-...بنــات
-الجــــدى-...ولاد

أهلاً وسهلاً .. بالرقة والجمال كله
ده سليم وخصوصاً في جزئية ( مجامل ) فهو مجامل جدا ... مرن وغير متعالي ولذيذ وبيحب خفة الدم .... بس حزنه وحش قوي وبيصيبه بالمرض الشديد .... عشان كدة نصيحتي لهذا البرج بلاش تندمج في الاكتئاب كتيير ودائماً إهرب منه بأي طريقة
صديقتين لي أنتيم ( عذراء )

**rockana9112007** · 23-01-2009 08:04 PM

تعرفى يانور انا مش زعلان من كلامك عشان سمعت كتير كلام زيو .بس بالنسبة لرجل العقرب ومرأة القوس انا خطيبتى قوس وفى بينا كميا غريبة ومتفاهمين جدااا جدااا وبنحب بعض من 8 سنين .اتخطبنا يوم 7/1 /2009 اللى كان ذكرى حبنا الثامنة (7/1/2001) اة صحيح فى الاول كان بينا مشاكل الدنيا بس الحمد لله نجحت انى اجننها زيى.وهيا بالنسبالى المرأة الوحيدة فى العالم .وكمان كان ليااا صداقات كتير قوية وجميلة بالبرج دة
المهم فى الاخر برج العقرب دة برج كويس قوى بس لو فهمتى صاحبو .عشان غالبااا احنااا طباعنا حادة جدااااومعظم تصرفاتنا فيها حدة بس دة نابع ان جوانا مفيش لون رمادى ياابيض يااسود يابحبك قوى قوى يابكرهك ومش عاوز اشوف خلقتك.فدة بيخلى معظم الناس مش عارفة تتعامل معانا ودة اللى بحسو فعلا
ياريت تناقشينى وتقوليلى رأيك
خالص تحياتى

**نور العمر** · 23-01-2009 08:05 PM

عاوزين كل برج يتكلم عن نفسه ....... وعن أحب الأبراج إليه.... ومرسي على المشاركات الجميلة دي ......

**AboELsoud** · 23-01-2009 08:14 PM

موضوع جامد جدا
انا برج العقرب بس معرفش عنه اي حاجه
بس لو عرفت هاقول على اللي فيا

**badry** · 23-01-2009 08:15 PM

انا حوت
حتى ماقولتش برج الحوت
لا بقول انا حوت وش كده.....حاسس انى حوت بجد و مكانى فى المحيط...
مش اوى كده...:)
لأ بجد حاسس انى قريب من اخلاق الحيتان جدا

الموضوع: برجك إيه ...تعالوا نسبح في عالم الأبراج

LinkBack

أدوات الموضوع

عرض

-

-

-

-

-

-

المواضيع المتشابهه

كيف تعرف الأبراج من الشخصيات؟

الصفات الشخصية والشكلية للابراج??? انت برجك اية?

تعالوا أما أضحكوا ...

برجك من سيارتك (هزار مش جد)

صفات الأبراج

الكلمات الدلالية لهذا الموضوع

المفضلات

المفضلات

ضوابط المشاركة