الموضوع: برجك إيه ...تعالوا نسبح في عالم الأبراج

[QUOTE=نور القمر;614895] جبتلكم صفات برجي من النت اللي هو برج العقرب 28 اكتوبر
واعتقد جزء كبير اوي منها بيعبر عن شخصيتي الحقيقية


[SIZE=4]الشخصية: صاحب عزيمة- قوي- عاطفي- ذو حدس- ذو طاقة - مثير - شخصيته جذابة- كتوم للأسرار
سلبيات: كثير الرفض- يحب السيطرة - محب للتملك- غيور -عنيد تصدقوا فعلا صح


ليه يا نور القمر كده ... مش عارفة أقولك إيه :k30: بس انتي لذيذة قوي على انك تكوني برج العقرب ....... القوس والعقرب صعبين قوي .... والعقرب بيغير من القوس موووووووووووت عن تجربة بس المرأة العقرب أفضل كتيير من الرجل العقرب ربنا يجعل كلامنا خفيف عليهم

على كل الاختلاف في البرج لا يفسد للود قضية

المشاركة الأصلية كتبت بواسطة meeezo333eg

على فكرة يا جماعة موضوع الابراج ده حرام تماما و الدكتور زغلول النجار اتكلم فيه قبل كده

اللى ما يعرفش ياريت يبحث فى الموضوع علشان يتاكد و اللى يعرف و مش فارقة معاه هو حر

الحمد لله كلنا لا نفضل الخوض في شئ حرام .... بس الحرام هو التنجيم والتنجيم هو نظام حظك اليوم وحيحصل إيه بكرة واللا الشهر ده واللا السنة دي ... ونظام التوقعات العبيط ده وده طبعاً كذب.
لكن حضرتك احنا بنتكلم عن صفات برجية وطباع موجودة في الأشخاص مواليد البرج الواحد......... انا قريت كتيير جدا وركزت كتيير في الموضوع ده وجدته حقيقي ... الانسان جزأ من الطبيعة وبيتاثر بكل العوامل إللي حواليه .... ووقت ميلاده ومكان نشأته والزمان والتوقيت كل ده بيسيب آثار على شخصيته

أكرر دي صفات وسلوكيات وليس تنجيم وتوقعات .... ولك كل الاحترام في رأيك

المشاركة الأصلية كتبت بواسطة HeMa_LanCeR

انت بتعمل ايه :k26:
مالناش دعوه بالأداره
وبعدين الاداره هنا اشخاص غير معروفه
احترس

مش عاوزة أعرفهم ... التعارف عن البرج فقط وشكراً

المشاركة الأصلية كتبت بواسطة badry

الله يحفظك يا استاذة نور....بس بصراحة ده مش راى المدام بتاعتى
و بصراحه اغلب الصفات موجودة فيا الا موضوع انى اخد الامور ببساطة دى....
عموما المدام برج السرطان...المفروض تبقى عاملة ازاى؟؟؟
و هل هنعمر مع بعض؟؟؟؟

المسألة نسبية من شخص لآخر حسب المؤثرات الخارجية ... والمقصود من إنه بياخذ الامور ببساطه ( إنه مش رخم ) لكن لا يتفه من الأمور طبعا.
المرأة السرطان وبرج السرطان عموما برج ( ملون ) يعني متقلب كل لحظة بحال ( اكتر من القوس كمان ).
يمكن المشكلة عندكم تكون إن أنتم الاثنين بيتوتين ... ( قاعدة على قلبك ومربعة ) ... كبر دماغك معاها شوية وخدها على قد عقلها خالص ... في الاول والآخر هي مخلصة لك شكلا وموضوعا

المشاركة الأصلية كتبت بواسطة KarimAbulEla

انا برج الجدى
و انا مهتم جدا بموضوع الابراج و انا اقصد فى هذه الناحية الصفات التى يتميز بها كل برج على حدة و ليس طبعا الطالع و المستقبل يعنى باختصار زى ما ذكرت الاخت الفاضلة صاحبة الموضوع الرئيسى لكل برج طابع خاص و بالتاكيد سهل جدا تعرفه و تقارنه بالصفات المتعارف عليها

الطريف فى مواضيع الابراج ديه ان انا و المدام نفس البرج
و ده يبقى شيء جيدا فى بعض الابراج
و بيبقى كارثة فى ابراج اخرى
و للاسف انا من بتوع الابراج الاخرى !!!!

ده طبيعي حضرتك لإن البرج في حد ذاته ( تقييييييييييييييل شوية ) الرجل يتميز بالجدية والمراة الجدي عندية وصعبة بعض الشئ ....... لكن أكيد بتتلاقوا في صفات كتيير أهمها الواقعية ... بس لازم الزوجة الجدي تتنازل عن عنادها وتصبح طفلة تحيا في ظل والدها ... لان هذا يرضي الزوج الجدي جداً ... وكمان الرجل الجدي ده من أكرم وأسخى الأزواج .... مش كده بردو

المشاركة الأصلية كتبت بواسطة Sharky

أنا من برج العذراء

مميزات البرج:
يتميز بالعبقرية و الذكاء و المرونة و قوة الملاحظة و الصراحة الشديدة و دقة المواعيد و لديه القدرة على إقناع الاخرين و القدرة على التكيف معهم و يهتم كثيرا بالأناقة و يحب أهله و عائلته

عيوبه :
خجول - أنانى - عصبى - شديد العناد - كثير الإنتقاد للأخرين - غير رومانسى

أكثر الأبراج التى أكرها :
برج العقرب

برج العذراء هو برج الرقة والجمال على المستويين الرجل والمرأة وليس شرط جمال الشكل وإنما الأساس جمال الروح والشخصية .................. وله ألف حق يكره العقرب ........ هو ده يتحب أساسا

بس حضرتك متأكد إن دي عيوب العذراء ...... معتقدش خالص :k26: على الأقل في المرأة العذراء

المشاركة الأصلية كتبت بواسطة Sharky

معلش يا نور القمر مكنتش اعرف إنك عقرب
بس انا بكره رجال هذا البرج و ليس نسائه
على فكره أنا مراتى عقرب

كرهى لهذا البرج لإنى كل من تعاملت معهم من الرجال من مواليد هذا البرج و جدت بهم الاتى :
1- مستبدين جدا جدا جدا
2-فى حالة الخلاف معهم دائما لا يظهرون ما بداخلهم و يتظاهرون بالعكس حتى تسنح لهم الفرصة للإنتقام منك
3- يجيدون فن الوقيعة بين الناس و يستمتعون بذلك
4- لا ينسون أبدا الإساءة حتى لو مر عليها سنوات فى إنتظار الفرصة لردها
5- يكره الأشخاص التى تفهم ما بداخلهم و يحاولون بشتى الطرق فشل هؤلاء الناس
6- دائما سيئ الظن بالناس

وجول وجول وجول وجول وجول وجول وجول وجووووووووووووووووووووووو ووووووووووووووووووووووووو ووووووول
صدقت بحق ( اللهم أجعل كلامنا خفيف عليهم)

المشاركة الأصلية كتبت بواسطة bemocarlo

وبرج الثور ايه اخباره؟

اغلبهم يميلوا للضخامة نوعاً ما ... مش ثور خالص ده هادي وحالم جدا............ بس عند الغضب ( أوعى حد يلبس أحمر قدامه ... الكل لازم يجري ) :k48: مليان بالحماس وغامض شويتين ... إللي ميعرفوش كويس يفتكره ساذج ... لكن المفجأة غير كده خالص واقعي فيمشاعره العاطفية وإللي بيقوله بيعمله ( من الآخر مش بياع كلام ) لكن بيحب المرأة الذكية إللي تحترم وتقدر قدراته وتطلعاته ... وهو برج ترابي يعني هادء بطبعه وقليل الكلام
المرأة الثور غير تقليدية بالمرة .. وتبان أنانية شوية بس الأنانية مش شرط تحب نفسها ... بس تعني إنها تحب تكون في أحسن حال دائما وهذا يشغلها أكثر.... بتحب بيتها قوي .. ادخل انت بس حتلاقيك داخل قصر حتى ولو شقة صغيرة ... ذوقها في المظهر الخارجي عجيب حبتين .. بس متقدرش تقول عليها بلدي خالص .... واللا إيه :