برجك إيه ...تعالوا نسبح في عالم الأبراج

**HeMa_LanCeR** · 24-01-2009 12:54 AM

المشاركة الأصلية كتبت بواسطة نور العمر

أهلاً بحضرتك وب أ/ هيما .... من صفات الرجل الجوزاء... قلق ومتناقض ( لديه ازدواج فكري ) يجمع بين الشئء ونقيضه عشان كده عاوز حد لاسع فكريا عشان يكون قريب منه ويفهم حقيقته

مفيش في حياته ملل كثير حياته كلهاالحركة والنشاط ... بس معنى الحب عنده حاجة وتصرفاته مع هذا الحب حاجة تانية خاص ( وده بيقولوا عنه في عالم الأحبة محب غشيم ) ....... مثقف قوي .... ويحب يتكلم في كل حاجة ....... اجتماعي جداً ... و ( ثرثار ) جدا جدا بس أسلوبه جميل في الكلام ... ولو قال الصراحة بيقولها ببساطة بدون تجريح
مقنع جداً حتى ولو هو مش مقتنع أصلاً بالشئ بس يقدر يقنع إللي قدامه ( لو أصبح ممثل يبقى ممثل بارع ) ........ بيحب ينام كتييير عشان بيشتغل كتييير حركياً أو ذهنياً ..
يشد الرجل الجوزاء الجمال الخارجي ... وبعدين يبحث في جمال الجوهر ا( عكس القوس ) ... بيهتم بالمستقبل وإللي فات فات بالنسبة له

ويا هناه يا سعده إللي باباه جوزاء حيعيش أجمل أيام طفولته دلع وهدايا ............ ( أنا عاوزة بابي جوزاء )

أرجوا أن أكون قربت المعلومات عن البرج ... يا ترى ده فعلاً صحيح يا جوزاء

تمام كده وبالنسبه لموضوع الحب فهو فعلا انا رخم قوي فيه حب يعني حب اخد بحقي كله مش يوم دلع ويوم خناق
وبالنسبه للأزدواج دي كمان فعلا وقوي كمان بصراحه كل حاجه بالظبط
ماعدا شيء واحد
النوم الكثير لأني مش بحب انام كتير وهذا يمكن لأنني لا اعمل يعني دراسه فقط حتي الان ويمكن لما ادخل مجال العمل انام بالرغم اني كنت في مجال عمل لفتره قصيره وكان يستلزم علي اني افضل سهران بالأيام بس ده بحكم العمل

**meeezo333eg** · 24-01-2009 12:59 AM

على فكرة يا جماعة موضوع الابراج ده حرام تماما و الدكتور زغلول النجار اتكلم فيه قبل كده

اللى ما يعرفش ياريت يبحث فى الموضوع علشان يتاكد و اللى يعرف و مش فارقة معاه هو حر

**HeMa_LanCeR** · 24-01-2009 01:08 AM

المشاركة الأصلية كتبت بواسطة نور العمر

أدعوا إدارة المنتدى ... الدخول والمشاركة للتعارف عليهم من خلال أبراجهم ........... مع خالص التحية :k10:

انت بتعمل ايه :k26:
مالناش دعوه بالأداره
وبعدين الاداره هنا اشخاص غير معروفه
احترس

**نور القمر** · 24-01-2009 01:11 AM

المشاركة الأصلية كتبت بواسطة HeMa_LanCeR

انت بتعمل ايه :k26:
مالناش دعوه بالأداره
وبعدين الاداره هنا اشخاص غير معروفه
احترس

ههههههههههههههههههههههههه ههههه

**badry** · 24-01-2009 01:18 AM

المشاركة الأصلية كتبت بواسطة نور العمر

يا بختها إللي تتزوج برج الحوت ( متعاون جداً ) وبياخد الأمور ببساطة وحساس ( ودي فعلاً من صفات الحيتان في المحيط ).. كاتم الأسرار الأول - كريم جدا - أب حنون - وبيتوتي

الله يحفظك يا استاذة نور....بس بصراحة ده مش راى المدام بتاعتى

و بصراحه اغلب الصفات موجودة فيا الا موضوع انى اخد الامور ببساطة دى....
عموما المدام برج السرطان...المفروض تبقى عاملة ازاى؟؟؟
و هل هنعمر مع بعض؟؟؟؟

**KarimAbulEla** · 24-01-2009 01:30 AM

انا برج الجدى
و انا مهتم جدا بموضوع الابراج و انا اقصد فى هذه الناحية الصفات التى يتميز بها كل برج على حدة و ليس طبعا الطالع و المستقبل يعنى باختصار زى ما ذكرت الاخت الفاضلة صاحبة الموضوع الرئيسى لكل برج طابع خاص و بالتاكيد سهل جدا تعرفه و تقارنه بالصفات المتعارف عليها

الطريف فى مواضيع الابراج ديه ان انا و المدام نفس البرج
و ده يبقى شيء جيدا فى بعض الابراج
و بيبقى كارثة فى ابراج اخرى
و للاسف انا من بتوع الابراج الاخرى !!!!

**Sharky** · 24-01-2009 02:59 AM

أنا من برج العذراء

مميزات البرج:
يتميز بالعبقرية و الذكاء و المرونة و قوة الملاحظة و الصراحة الشديدة و دقة المواعيد و لديه القدرة على إقناع الاخرين و القدرة على التكيف معهم و يهتم كثيرا بالأناقة و يحب أهله و عائلته

عيوبه :
خجول - أنانى - عصبى - شديد العناد - كثير الإنتقاد للأخرين - غير رومانسى

أكثر الأبراج التى أكرها :
برج العقرب

**نور القمر** · 24-01-2009 03:02 AM

المشاركة الأصلية كتبت بواسطة Sharky

أكثر الأبراج التى أكرها :

برج العقرب

ممكن نعرف سر كراهيتك لبرج العقرب

**Sharky** · 24-01-2009 03:11 AM

المشاركة الأصلية كتبت بواسطة نور القمر

ممكن نعرف سر كراهيتك لبرج العقرب

معلش يا نور القمر مكنتش اعرف إنك عقرب
بس انا بكره رجال هذا البرج و ليس نسائه
على فكره أنا مراتى عقرب

كرهى لهذا البرج لإنى كل من تعاملت معهم من الرجال من مواليد هذا البرج و جدت بهم الاتى :
1- مستبدين جدا جدا جدا
2-فى حالة الخلاف معهم دائما لا يظهرون ما بداخلهم و يتظاهرون بالعكس حتى تسنح لهم الفرصة للإنتقام منك
3- يجيدون فن الوقيعة بين الناس و يستمتعون بذلك
4- لا ينسون أبدا الإساءة حتى لو مر عليها سنوات فى إنتظار الفرصة لردها
5- يكره الأشخاص التى تفهم ما بداخلهم و يحاولون بشتى الطرق فشل هؤلاء الناس
6- دائما سيئ الظن بالناس

**محمد جلال** · 24-01-2009 03:32 AM

المشاركة الأصلية كتبت بواسطة KarimAbulEla

انا برج الجدى
و انا مهتم جدا بموضوع الابراج و انا اقصد فى هذه الناحية الصفات التى يتميز بها كل برج على حدة و ليس طبعا الطالع و المستقبل يعنى باختصار زى ما ذكرت الاخت الفاضلة صاحبة الموضوع الرئيسى لكل برج طابع خاص و بالتاكيد سهل جدا تعرفه و تقارنه بالصفات المتعارف عليها

الطريف فى مواضيع الابراج ديه ان انا و المدام نفس البرج
و ده يبقى شيء جيدا فى بعض الابراج
و بيبقى كارثة فى ابراج اخرى
و للاسف انا من بتوع الابراج الاخرى !!!!

كويس انك قولت علشان الواحد يعمل حسابه وربنا يستر

الموضوع: برجك إيه ...تعالوا نسبح في عالم الأبراج

LinkBack

أدوات الموضوع

عرض

-

-

-

المواضيع المتشابهه

كيف تعرف الأبراج من الشخصيات؟

الصفات الشخصية والشكلية للابراج??? انت برجك اية?

تعالوا أما أضحكوا ...

برجك من سيارتك (هزار مش جد)

صفات الأبراج

الكلمات الدلالية لهذا الموضوع

المفضلات

المفضلات

ضوابط المشاركة