بص يا باشا....انا مش جامد و خبير..بس هقول رأى و ادينا بنتناقش...و ده من واقع الكلام مع ناس بره و جوه المنتدى...
1- السيراتو مفهاش عوامل امان زى ABS و مش عامله Crash test بنفس درجة اللانسر...ده غير ان توكيلها اضعف من توكيل اللانسر
2- الصنى فعلا مفيهاش كلام...لانها مافيهاش اى عوامل الأمان اللى موجودة فى نقطة 1 ده غير السمعة الوحشة بتاعت المتجمعة فى مصر...انا متغاظ منها قوى
3- البروتون جميلة بس مين عمل بيها 200000 زى اللانسر و قال رأيه؟؟ لسه شوية عليها عشان تبان...و كمان توكيلها مش زى توكيل اللانسر و فيها عيوب تقفيل بسيطة...بس عيوب
4- الياريس تويوتا...و التويوتا يعنى تعظيم سلام..بس الياريس مش stable زى اللانسر بعد 140 ده غير ان سعرها قرب من البوما
5-اوبترا؟؟ فين الامان؟؟؟ و كمان الكورى ده كله الناس مابتشجعش الأوتوماتيك بتاعه
6- معرفش ايه الموديل اللى فى بيجو تنافس اللانسر فى نفس السعر...يا ريت تقولى..بس يكون بيمشى ببنزين 92 و قطع غياره مش دبح
7 - نفس الكلام بتاع 6
8 - سوبارو حلوة بس اغلى من اللانسر بتكلم عن البوما
الخلاصة اللانسر عربية صاغ سليييييييم...و اقل سعر عربية فى مصر تلاقى فيها كل الأمان و ال stability و الموتور و الشنطة و و و ...و بكرر انا قصدى على البوما
و ياريت لو حد يقنعنى بالعكس..عشان بقالى فترة بفكر اشترى و لقتها مناسبة جدا جدا و معرفتش الأقى بديل قوى...
و فى الأول و الأخر....اللانسر انتشرت..يعنى مافيش عربية تعرف تنافسها فى ال resale
و شكرا
المفضلات