الموضوع: أه اللى مريحك فى الميتسوبيشى وخلاك متمسك بيها جدا

شكرا م/أحمد على مرورك أنا مأقصدش أقول انها عربيه معيوبه
أنا بأتكلم على أساس كثرة انتشارها فى الشوارع رغم ان بنفس الثمن ويمكن أقل هتلاقى أنواع كثيره جدا جميله وكامله وامكانياتها أحدث بكتير حتى فى شدة الموتور مع قلة استهلاك البنزين وهو يعتبر أهم حاجه اليومين دول لانه يعتبر ميزانيه تانيه فوق ثمن السياره وكأنه قسط شهرى .
الميتسوبيشى بتحب تبلع حاجه اسمها بنزين ويارتها بتدى على أد ما تاخد دا بالنسبه للبنزين يعنى فيه حاجات أكتر بكتير مبنبصلهاش وبرضه بيشتريها وهما مغمضين ليه ؟؟؟ حاولوا تقنعونى .

عايز مثال .
1- الكيا سيراتو مثلا عربيه ممتازه وقطع غيارها رخيصه وعفشتها زى التويوتا .
2- النيسان صنى .... مش عايزه كلام .
3- البروتون واجا أو الجين2 مثلا برغم اسعار قطع غيارها غاليه لحد ما بس فى نفس الوقت أصليه مش مضروبه والكل عارف المضروب وجربه .
4- التويوتا ولو حتى ياريس وهى تعتبر أقل فئه فى تويوتا أفضل عندى بكتيير من الانسر عن تجربه .
5- شيفروليه أوبترا جميله وعمليه جدا .
6-بيجو
7-سيات كوردوبا
8- سوبارو امبريزا
يا سلام كمان لو قدرت تكمل شويه وتركب تويوتا كورولا أو أوبل فيكترا أو هوندا سيفيك ب100 لانسر ولا كلامى غلط ؟؟؟
فكر تانى وتالت ورابع وراجع نفسك وقول : ليه سوق السيارات المستعمله معظمه لانسر من أقدم لاحدث موديل دا كده مش دليل .