الموضوع: احذروا التصوير الليلي و الغير ليلي على المحور,,

يا حلاوة انا كدة هدفع بالعبيييط مخالفاااات

أنا دائماً بامشي 80 على المحور وبامشي على اليمين عشان ما أضايقش الناس اللي عاوزين يجروا.

بس المشكله إن في بعض الأماكن في المحور السرعه فيها 60! وطبعاً الأماكن دية مش واضحه أوي ومش محفوظه، هي قبلها يافطه بس مش من السهل إنك تلمح اليافطه دية وانت سايق، فا بصراحه تبقى رخامه أوي لو حطوا رادار عند المناطق اللي السرعه فيها 60.

يا ريت لو حد سمع عن حد إتصور رادار على سرعه أقل من 80 في المحور يقول.

شكراً

المحور من اول ميدان لبنان لغاية نزلة الصحراوي السرعه 80كم\ساعه
من اول نزلة الصحراوي لغاية اكتوبر السرعه 60 كم\ساعه والعكس
و خد بالك لان دايما في رادار على 60 قدام هايبر
يعني ما بين نزلة الصحراوي و ميدان جهينه والعكس

سؤال..
ليه الطريق الصحراوي السرعة فيه 100؟؟
عشان هاي واي.. و الطريق مفتوح.. صح..؟؟
طيب ليه بقي ميبقاش المحور و الدائري السرعة فيهم 100 زي الصحراوي..؟؟ و للعلم انهم اوسع من الصحراوي في بعض الاماكن.. و علي اسوأ الفروض في نفس الوسع.. و المفروض انه مفيش بيني ادمين يمشوا ولا يعدوا علي الطرق دي.. زي الصحراوي بالظبط..

انا شايف ان كلا الكلام الفارغ ده.. مالوش اي هدف الا لم الفلوس و خلاص..هيستفيدوا ايه من التحديد السخيف ده للسرعة..؟؟!!!!!!!
ولا اي حاجة..بدون اي هدف.. الاهم من كده انهم يتابعوا الحارات و التخطي فيها.. يعني الحارة اليمين يبقي السرعة فيها 60 ولا حتي 40.. و الشمال اعلي و هكذا..
ولا حتي يتابعوا التخطي من علي اليمين.. ولا اللي ماشي بسرعة 20 علي الشمال خالص..

يعني في مليون حاجة المفروض انها يتابعوها قبل ما يعملوا شاطرين قوي علي السرعة..!!!!!!!!!!!!!!!!!
و 50 علامة تعجب.. علي قانون المرور الجديد..!!!!!!!!!!!!!!!!!!!!!!!!!!!!!!!!!!!! !!!!!!!!!!!

كلام حضرتك صح من ناحية التعنت,
انا شايف ان سرعة 80 دي قتل للطريق و خصوصا في الاتجاه الي رايح اكتوبر,
الاتجاه الي جي من اكتوبر ممكن تكون 80 مناسبه في ظل ان اتساع الطريق مش متناسق ابدا ما بين اوله و اخره
يعني الطريق بيكون 5 حارات و فجأه بيبقى حارتين فقط (الي هي قبل ميدان لبنان) فلو السرعه عاليه هيبقى تدفق السيارات على المنطقه الضيقه اعلى في وقت اقل فهيكون في كثافه و اختناق مروري عاليين جدا,
انما في الاتجاه الاخر الطريق متساوي ونضيف و كبير و واسع و يستحمل لغاية 120 بدون اي مشاكل لان الكثافه المروريه هتتوزع على اكتر من طريق اخر زي الصحراوي او الداخل في مدينة زايد او يسلكوا دخلة ميدان جهينة على طريق الواحات او يكمل على اكتوبر و الدليل على كده ان عمري ما شفت المحور واقف في الاتجاه من ميدان لبنان لغاية اكتوبر غير لا قدّر الله لو كان في حاجه,

انما المشكله اني عمري ما شفت طريق رايح 80 و راجع 100

المشاركة الأصلية كتبت بواسطة Ahmad Allawy

سؤال..
ليه الطريق الصحراوي السرعة فيه 100؟؟
عشان هاي واي.. و الطريق مفتوح.. صح..؟؟
طيب ليه بقي ميبقاش المحور و الدائري السرعة فيهم 100 زي الصحراوي..؟؟ و للعلم انهم اوسع من الصحراوي في بعض الاماكن.. و علي اسوأ الفروض في نفس الوسع.

ده صحيح يا أحمد بس فيه نقطة مهمة و هي الضغط علي الطريق.

يعني فعلاَ المحور أوسع من الصحراوي بس مينفعش نقارن عدد السيارات المستخدمة للطريق الصحراوي (مسافرين من القاهرة لإسكندرية و العكس) بعدد السيارات المستخدمة للمحور رايحة و جاية ما بين المهندسين و 6 أكتوبر ، المحور الصبح علي 7 و نص و لحد 10 بيبقي عليه كثافة سيارات تخليك تمشي 60 بالعافية بجد و بتبقي العربيات لازقة في بعض وهي ماشية رغم إنه طريق مفتوح ، فا اما أدي رخصة لأي حد إنه يمشي علي 100 وسط الإختناق المروري ده و يبقي قانوني فا ده معناه إن كل الناس هتاخد غرز "قانونية" و هتبقي الحوادث "قانونية" برضه و مش هتقدر تلوم أي حد بيجري لأن السرعة القصوي هو معداهاش .

فا انا شايف إن 80 سرعة عادلة جداَ للمحور و بالعكس يا ريت يبقي فيه كل متر رادار .. لو الناس كلها مشيت 80 مش هيبقي فيه أي مشكلة ، انما اما الواحد يمشي حتة 100 و حتة 60 و حتة 120 و الفوضي دي .. حرق اعصابه عالفاضي ده إن معملش حادثة و فقد تركيزه و بوظ يومه و الأهم من كل ده تعدي علي حرية الأخرين في الإحساس بالأمان علي الطريق .

المحور و الدائري يعتبروا طرق مدينة لذلك السرعات دي مناسبة لهم جداَ .

المشاركة الأصلية كتبت بواسطة MoToRiZeR

ده صحيح يا أحمد بس فيه نقطة مهمة و هي الضغط علي الطريق.

يعني فعلاَ المحور أوسع من الصحراوي بس مينفعش نقارن عدد السيارات المستخدمة للطريق الصحراوي (مسافرين من القاهرة لإسكندرية و العكس) بعدد السيارات المستخدمة للمحور رايحة و جاية ما بين المهندسين و 6 أكتوبر ، المحور الصبح علي 7 و نص و لحد 10 بيبقي عليه كثافة سيارات تخليك تمشي 60 بالعافية بجد و بتبقي العربيات لازقة في بعض وهي ماشية رغم إنه طريق مفتوح ، فا اما أدي رخصة لأي حد إنه يمشي علي 100 وسط الإختناق المروري ده و يبقي قانوني فا ده معناه إن كل الناس هتاخد غرز "قانونية" و هتبقي الحوادث "قانونية" برضه و مش هتقدر تلوم أي حد بيجري لأن السرعة القصوي هو معداهاش .

فا انا شايف إن 80 سرعة عادلة جداَ للمحور و بالعكس يا ريت يبقي فيه كل متر رادار .. لو الناس كلها مشيت 80 مش هيبقي فيه أي مشكلة ، انما اما الواحد يمشي حتة 100 و حتة 60 و حتة 120 و الفوضي دي .. حرق اعصابه عالفاضي ده إن معملش حادثة و فقد تركيزه و بوظ يومه و الأهم من كل ده تعدي علي حرية الأخرين في الإحساس بالأمان علي الطريق .

المحور و الدائري يعتبروا طرق مدينة لذلك السرعات دي مناسبة لهم جداَ .

انا بس اللي اقصده..
ان لو الطريق زحمة اصلا.. خلاص.. محدش هيعرف يجيب السرعة القصوي اصلا.. يعني لما المحور بيكون واقف.. في حد بيعرف يجيب 80 اصلا..؟؟ صعب قوي.. و محدش بيجري و يغرز كتير علي السرعة دي اصلا عشان اسلوب سواقة المصريين.. انه اللي سايق بالراحة مش بيعدي حد.. و بيقفل علي اي حد يحاول يعدي منه.. وا نت اكيد مجرب..

بس لو اسلوب الحارات و السرعات بتاعتها مطبق.. يبقي مفيشمشكلة.. امسكني لو ماشي علي 100 ف الحارة الغلط.. و امسك اللي ماشي علي 40 علي الشمال.. لكن متقفلش الطريق كله و تستنزف كل الناس فلوس..

عموما هي وجهات نظر.. لكن في اتفق علي ان اللي بيحصل ده مش صح علي الاقل دلوقتي..
يعني الموضوع ده يبقي اخر حاجة يبصوا عليها.. و يحصلوا فلوس عليها..