شكرا للجميع على المرور الكريم وتحياتي وتقديري لاحلا منتدى و ربنا يبارك لكل الاعضاء الاعزاء
بالنسبه لموضوع المساعدين اتاثروا بسرعه واضطروا اسفين انهم يضربوا ودا راجع لكمية المطبات الي اكلتها ودا لاني موش بحفظ المطبات واذا علمته يطلعلي غيره كتير تلاقي واحد جايب اسمنت ومسوره وفارد كبري على مزاجه على الطريق على انه مطب ودي اوحش حاجه فى الطرق الزراعيه
المهم المساعدين ان قدرت احتمالهم وانهم فعلا اتهلكوا بعد 8 شهور من الخدمه الشاقه والطيران من فوق المطبات بس الحمدلله تم تغيرهم بس نصيحه للجميع اذا مساعد ضرب غير الجوز يعني اليمين والشمال ودا لان المساعد الجديد لاقوة تحمله عن القديم اقوى وبالتالي هيكون فى حمل على القديم واخيرا هيضرب وعموما من تجربتي مع حوار المساعدين او ما ضربت ثبات العربيه بقى صعب جدا بعد 110 تلاقي العربيه بتعوم فى الغرز الديقه او الوسعه ولا تعرف تعمل لا سبعه ولا تمانيه :k26:
المهم المساعدين المنارو بعد التركيب طبعا طقم امامي بس
وبعد ضبط الزوايه العربيه زاد ثبتها عما كانت زيرو ودا بسطني جدا غير كدا المساعدين ايام الشتا بتسعاد ان العجل ميتزحلقش مع الفرامل المفأجأه ودا تحت سرعة 80 ك\الساعه ودا شىء جميل جدا بس العيب الوحيد ان العربيه بقتلا ناشفه شويه من قدام بس موش الي هوه يزهق يعني موضوع تعود
عموما كان تغير للاحسن--- طقم المساعدين كلفوا 750جم وتركيبهم 30 عن العفشجي
بالنسبه لموضوع الضمان سألت فى التوكيل عن اي نوع مساعدين غير الي نازل يكونوا بيستحملوا المهم الرد الي كنت متوقعه ان قطع الغيار (المساعدين) نفس النوع فقلت بلاش خالص وانا محتاج مساعدين نشفيين وحاجه شبه سبورت كدا تستحمل الطرق بمطبتها بكباريها بحفرها بسلاطتها وبابا غنوجها الي هوه عين القط واكيد عرفينه :10D5C8~1107:
المهم كل الشغل كان برا التوكيل بس دا مأثرش علىالضمان نهائيا ولا عمل مشاكل لاني محافظ على الصيانه وتغير الزيت فى التوكيل عالطول ودفتر الضمان ساري ومفهوش اي مشكله
وكذالك موضوع الفلتر الرياضي حاجه خت العربيه كانها وحش وكفايه صوته مع السحب العربيات الي انت جي ورها تحس انك داخل تبلعها فتوسعلك الطريق خوفا من الصوت والزمجره الي جيه وراها وخصوصا بليل على الطرق السريعه تلاقي سعتك انت ماشي فى الحاره الشمال وكله يوسعلك ويروح الحاره اليمين لان الصوت زي ماقلت جامد جدا فتخيلهم انك جي على سرعة 180 ولا حاجه بس الحمدلله كان تفكير سليم تركيبه خصوصا انه بيوفر البنزين اذا كنت ماشي عادي يعني موش قارص على البنزبن لكن لم تقرص اعرف انها هتشد بنزين بزياده عن المعتاد ودا مقابل السحب الخرافي للعربيه
عموما تكلفة الفلتر = 125 جم وتركيبه ووصلت البي في سي =30 وخمسه دخان يبقى الحوار كله 160 جم .
وطبعا كل ما اعمل حاجه اسأل فى التوكيلفى ضرر ولا لا وافضل افحر على النت عشان اعرف الاضافه دي ليها اضرار ولا لا يعني ميكنش ليها ضرر كبير على المدى البعيد .
الزينون = الماني اصلي 8000 ك وتم تركيبه عند الكهربائي الي جمب البيت حاجه زي الفل وركيت يومها كمان انذار فضلت من الساعه 7 للساعه 1 مع الكهربائي بنخطط ونمخمخ فى التوصيات لحد ما وزعنا السلوك تمام وشغال والحمدلله الحياه جميله وزي الفل .
اهم حاجه الي ربنا كرمه وادله عربيه حافظ عليها ورعيها كويس وموش تمرمطها عشان واكيد فى ناس فهمه الكلام دا التخميس وشد الهاند على الفاضي والمليان ودوس بنزين بغباء على الواقف اليعني عمال يدوس مستنيها تعمل ايه يعني هتفضل تطلع فى الصوت لحد ما المتور يقلك بوعدك وفى مثل بيقول هز الحديد موش موفيد والعربيه تحافظ على شكلها وتحاول تخلي يوم فى الاسبوع نظافه وتعمل تشك على العربيه وتتكرم عليها بكام معطر كدا فى الصالون يخلوها مميزها عن العربيات البقيه وطبعا دا كله بيرجع لشخصية صاحب العربيه
بس عموما التنظيف والمراعه بيخلوا العربيه موش تفتح بقها وتقلك موش ماشيه فا ربنا يسترها معانا جميعا
نرجع تاني للموضوع الضمان والله انا قبل ما كنت اعمل حاجه فىالعربيه كنت بسأل فى الضمان اول مرا وتاني مرا كانوا نفس الرد انه مفيش مشكله وبعدين الناس موش فاهمموضوع الضمان دا كويس اذا حصل حاجه فى عربيه زيرو بعد استخدام اكثر من 6 شهور تقريبا اي حاجه عاوز تغيرها فى التوكيل هتدفع تمنها كامل + ضريبة المبيعات . وخصوصا لو كان العيب او العطل موش عيب صناعه .
بس اخر حاجه ركبتها سرينه فدرالي وطبعا احظروا من المرور الحمدلله موش اتمسكت خالص واهى بتعدي .
فى المستقبل القريب ان شاء الله هركب علبة شكمان ديفل واسبويلر .
بالنسبه للسوند سستم العربيه نزله ب سي دي
وسمعات صوتها بصراحه جبار وكل دا من غير جي ام
ودا خلاني موش افكر اني اعمل حاجه لان الصوت كويس ولو عاوز العربيه تمشي بدفع الصوت ينفع برده
كل الي عملته من نحية السوند سستم ان جبت اوديو ترنسفير الي بيركب فى الولاعه بتاعت العربيه بس انت ركب وامسك الرموت وعيش افضل قلب لحد ما تزهق .
عموما عربيه تستحق التقدير .
عموما شكرا واسف ان طولت عليكم فى رعاية الله الجميع
المفضلات