تجربتي بعد عام كامل مع النوبيرا 2008

**speed3001** · 24-01-2009 07:35 AM

تجربتي بعد عام كامل مع النوبيرا 2008
عدت سنه والحمدلله بخير وبقينا فى 2009 عشت سنه مليانه بالتغيرات فى الحياه الشخصيه والاجتماعيه ومن احلا التغيرات كانت النوبيرا عربيه محترمه وجميله وفعلا اصيله بمعنى الكلمه
فى البدايه هتكلم عن العيوب الي حصلت معايا خلال السنه :
المتور:زي الفل اسد بجد وبتاع شغل والي عاوز يسحب ويشد وغاوي سرعه يبقى المتور دا هيعيش اللحظه :k4: لان استجبته عاليه جدا والسحب خرافي بالنسبه لعربيه 1600
العفشه:طبعا اظطرت اني اغير طقم مساعدين امامي بطقم امام منارو اسبورت ودا بسبب ان المساعد اليمين ضرب بعد كمية المطبات الرهيبه الي كنت بطير من عليها وبعدها باسبوع المساعد اليمين زعل هوه كمان وقال اما اضرب اشمعنا صحبي المهم تم بحمدلله تغيرهم بالمنارو اسبورت ودا غير اداء العربيه كتير ودا من ناحية الثبات اساسا العربيه ثابته بس دا زودها ثبات اكتر.
شكل العربيه جميل وشيك جدا بس نصيحه لكل واحد اوعى تركن عربيتك فى الشارع دخلها جراش وريح دماغك موش تنزل زي حالاتي وتلاقيها واخده بوسه فى الرفرف الشمال من عربيه نقل ريحة عليها بس المدلله ربنا ستر ومتشوهتش العربيه دا غير اطفال الشوارع الي بيحبوا يطلعوا مواهبهم على العربيات وخصوصا بالادوات المناسبه (مسامير - امواس) اي حاجه يقدر يوصل افكاره على بودي العربيه وطبعا لازم يفرغ الطاقه الفنيه الي عنده .
المهم ركبت كسوه جلد اسود ودي كانت بحوالي 400 جم خلا شكل الصالون تحفه وكمان حمى الفرش الاصلي للعربيه الي هوه من مصانع تاكي الي فى القاهره
غيرت نظام الضوء بنظام زينون بوش الماني 8000ك ---ودا عمل فارق واضح على الطرق بليل خلا الليل نهار ودا فدني جدا بالذات على الطريق الي بسافر وخصوصا بليل لان مشكلته المطبات الغريبه تعدي الصبح مفيش مطب تيجي تعدي بليل تلاقي 50 مطب ما علينا ربنا بيسترها الحمدلله.
ركبت فلتر رياضي صيني من غير الماسوره بوصلة بي في سي ديركت على خرطوم الفلتر الاساسي -- الفلتر عمل فرق كبير فى السحب خصوصا على الافات العاليه ودا بعد 3000 rpm
بالنسبه للصيانه كل 5000 كيلو متر غير شد العفشه وخلافه من الصيانه الي مكنتش بتزهق الواحد:k26: .
بالنسبه للبودي الحمدلله تمام بس الي عرفته بعد عزاب كبير ان الرفارف الاماميه خفيفه نوعا ما ودا بيخلي اي نموسه تقف على الرفروف تعلم
وفى مشكله كنت ظهرت من فتره وتقريبا لسه موجوده وهى جلب المقصات المفروض انهم خفاف حاليا والمفروض انهم يتغيروا ودا هيحصل ان شاء الله خلال فتره وجيزه .
طبعا العربيه بعد ليالي وايام من الركنه فى الشارع بقت متعلمه ومحتاجه سمكره خفيفه فى الرفرف الشمال امامي والشنطه وشكرا.
عموما الحمدلله العربيه معملتش معايا مشكله ولا عطلت ولا حاجه خلال السنه الحمدلله .
الخلاصه بالنسبه لتجربتي:
1.الخساير (طقم مساعدين امامي )
2.شوية حك وخربيش وكل دا وهى مركونه ووقفه فى مكانها الحمدلله
بس المميزات طبعا كتير كتير ولو قعدت سنه قد السنه الي عشتها مع العربيه موش هقدر اقول ولو حتى 01. من حقها والحمدلله عليها وربنا يبارك فيه ويبارك لكم جميعا .
اخيرا اسبكم مع صورتين my love

تحياتي للجميع ومنتظر ردوكم الكريمه

**Sherif Khalifa** · 24-01-2009 09:05 AM

ربنا يبركلك فيها

سؤال

هل المساعدين المونرو عملت معاك فرق فى الاحساس بالمطبات؟

بمعنى المسعدين الاصلى مفيش صوت للعربية مع المطبات و العربية ناعمة فا المساعدين المنرو ناشفين فى المطبات واصوات و كدة ولا اية الاخبار؟

**ahmad--ezzat** · 24-01-2009 10:30 AM

هى النوبيرا كدة موتور وراحة وكلوووووووووووووووووو
ربنا يباركلك فيها

**same7mousa** · 24-01-2009 12:45 PM

يا ترى التغييرات دي اتكلفت كام و عملتها في الضمان و لا بره و لو عملتها بره خرجت من الضمان و لا لأ

**KoDaK_Gti** · 24-01-2009 05:03 PM

ربنا يباركلك فيها جملية ماشاء الله

**hazoma_nubira** · 24-01-2009 08:07 PM

ربنا يباركلك فيها وعقبالنا ما نعدى السنة واحنا بنتغزل فيها كده
وانت جبت المفيد عيوب النوبيرا لا تقارن ابدا بمزاياها الجميلة

**pampino** · 24-01-2009 08:51 PM

ربنا يباركلك فيها ... اد اية العربية دى انا بعشقها خصوصا وهى معايا من 2006

**moudy88** · 24-01-2009 09:34 PM

ربنا يباركلك فيها......بس معقوله المساعدين مايستحملوش كده والعربيه لسه زيرو!!!!!!!!!!

**RED_OCTOBER_IV** · 24-01-2009 09:49 PM

بسم الله ماشاء الله ربنا يباركلك فى صحتك ثم فى عربيتك ويكفيك شر العين وبجد الفرش الجلد جامد و الزينون عامل شغل وفعلاً النبيرا عربيه اصيله بس مش الاتوماتيك منها .