مشكلة جابت لدماغي الفكر ارجو المساعدة

**moltoman** · 25-01-2009 11:55 AM

مع بداية فصل الشتاء ابتديت الاحظ وجود كمية بسيطة من
المياة اسفل مكان طلمبة المياة كل يوم الصبح وبعدين لما اروح الشغل القيها لما اقف تنقط شوية من نفس المكان المهم روحت للدكتور بتاعي قالي طلمبة المياة المهم غيرنا الطلمبة والمسورة كانت متاكلة غيرنها وكلة تمام روحت وبعدين وقفت ببص لقيت بردة تنقيط مياة وبعدين يقف وانزل الصبح مالقيش حاجة بمعني ان التنقيط بعد مشوار وبعدين ويبقاش في تنقيط مع اني مغير غطاء الرداتير والتنقيط بعيد عنة معلش انا اسف للاطالة بس رجاء حد يفسرلي دة اية مع ان الدكتور بتاع العربية قالي عادي هيمنع لوحده .:k30:

**Sherif Khalifa** · 25-01-2009 11:59 AM

يا جماعة انتو لية دايما مش بتكتيبو نوع العربية

ممكن و هيكون اسهل على الجميع اضافة النوع للبيانات الشخصية

**moltoman** · 25-01-2009 12:02 PM

اعتز العربية 128

**moltoman** · 25-01-2009 01:57 PM

اية ياجماعة 25 مشاهدة ولا رد فينكم يا محترفين الصيانة

**zeyad1810** · 25-01-2009 02:09 PM

اكيد فى حاجة الدكتور دة عملها غلط ممكن يكون جوان الطرمبة فية حاجة وهو اللى بينقط بس مافيش حاجة اسمها هيمنع لوحدة دة كدة بيوزعك علشان يريح دماغة
الافضل تشوف حد غيرة يكون بيفهم ويبصلك على سبب التنقيط

**sobhysm** · 25-01-2009 02:23 PM

غطاء الردياتير فيه جلدة (بيسموها سكس بلف)لازم تتشال علشان الريداتير يخرج كبس الهواء كان عندى نفس المشكلة والريداتير نفخ وكوعة الميه ضربت بسسب الغطاء الجديد ولما بياع الريداتير شال الجلدة دية العربية أتظبطت

**samirayad** · 26-01-2009 11:30 PM

المشاركة الأصلية كتبت بواسطة moltoman

مع بداية فصل الشتاء ابتديت الاحظ وجود كمية بسيطة من
المياة اسفل مكان طلمبة المياة كل يوم الصبح وبعدين لما اروح الشغل القيها لما اقف تنقط شوية من نفس المكان المهم روحت للدكتور بتاعي قالي طلمبة المياة المهم غيرنا الطلمبة والمسورة كانت متاكلة غيرنها وكلة تمام روحت وبعدين وقفت ببص لقيت بردة تنقيط مياة وبعدين يقف وانزل الصبح مالقيش حاجة بمعني ان التنقيط بعد مشوار وبعدين ويبقاش في تنقيط مع اني مغير غطاء الرداتير والتنقيط بعيد عنة معلش انا اسف للاطالة بس رجاء حد يفسرلي دة اية مع ان الدكتور بتاع العربية قالي عادي هيمنع لوحده .:k30:

مايمكنم الطلمبه اللى جبتها كانت مش متخزنه كويس وبالتالى الميكانيكال سيل تلف أيضا....وحتحتاج طلمبه ثانيه

**gebreel** · 27-01-2009 12:10 AM

شوف الحنفية بتاعت الريدياتير ممكن تكون هي سبب التنقيط او ممكن يكون فيه خرم في الريدياتير بسيط زي مكان عندي و بيتلحم بالمادتين اللي بيتخلطو على بعض دوول اي واحد بتاع ريدياتير يعملهالك