الشكمان وفايدته

**megaman** · 26-01-2009 08:44 PM

رجاء من الاخوة المهندسين او الفاهمين بشكل علمى تضيح دور الشكمان وطريقة عمله

**samirayad** · 26-01-2009 09:13 PM

المشاركة الأصلية كتبت بواسطة megaman

رجاء من الاخوة المهندسين او الفاهمين بشكل علمى تضيح دور الشكمان وطريقة عمله

الشكمان وظيفته نقل العادم الخارج من المحرك الى الوسط الخارجى.......وهو عباره عن مجموعة وصلات مكونه أولا من مشترك يأخذ العادم من الماكينه ويسلمه الى ماسوره أخرى مجمعه الى المشترك من خلال فلنشات وجوان حرارى خاص .......ونجد فى آخر الشكمان علبه الشكمان ويطلق عليها كاتم الصوت لكى يتم خفض صوت الغازات بعض الشىء كوسيله من وسائل عزل الصوت قليلا.......وأحيانا تزود بعض العربيات الحديثه بأكثر من علبه شكمان لكتم الصوت وذلك للحد من حدة صوت الغازات الخارجه وبالتالى شعور الركاب بالراحه.......وقد يزود الشكمان أيضا بعلبة بيئه وتحتوى داخلها على مواد معينه للتفاعل مع غازات العادم ومن ضمنها غاز أول أكسيد الكربون الضار وتحويله كيميائيا لغاز ثانى أكسيد الكربون....وذلك للحد من عملية التلوث نتيجة عوادم السيارات...........دا على قد ماقدرت ولو فيه اضافه أكون شاكر مقدما لصاحب الاضافه

**Ahmed Selim** · 26-01-2009 09:15 PM

هشرحلك على قدى لحد لما حد فاهم أكتر يشرح

الشكمان بياخد العادم من داخل الموتور وبيطلعه بره العربية
طبعاً العادم بيكون ناتج أحتراق خليط البنزين والهواء فى الموتور
و مينفعش نسيب العادم فى الموتور.......لازم يخرج........الشكمان فى بعض الحالات لو مش شغال بكفاءة تامة ( يعنى مش بيخرج العادم كله) بيخلى العربية تسخن.