تقريرعن العربية من التوكيل:

**samirayad** · 02-02-2009 02:12 PM

عاوز اسال سؤال بئا هل لما العربية تفوق وسحبها يشد كده ده يأثر على الفرامل لاني بقيت بلبس المطبات اكتر من الاول يعني حسيت ان الفرامل ضعفت عن الااول[/quote]
طبعا لما العربيه بيتحسن آدائها...حتحتاج قوه فرمليه أفضل من الحاليه.....بس ايه المشكله عندك فى الفرامل ....ياريت توضح بأسهاب

**nasroo** · 02-02-2009 02:35 PM

الاول حمدلله على السلامة وثانيا شكرا على سرعة الرد والاهتمام يا باشا

العربية في الاول كنت بفرمل بحس ان ضغطة خفيفة العربية بتقف بعد امتار قليلة لكن بعد التظبيط ادوس جامد والاقيها لسا بتمشي لدرجة اني بلبس المطبات جااااااااامد -انا مش عارف ده من السحب العالي بتاعها ولا يمكن عشان تيل الفرامل والمساعدين كلها اتفكت واتركبت تاني عشان اغير بلي العجل الامامي.

**MMamdouh** · 02-02-2009 02:38 PM

ممكن يكون التيل محتاج تطبيع

MMamdouh

**samirayad** · 02-02-2009 03:13 PM

المشاركة الأصلية كتبت بواسطة azamell

يعني ايه تطبيع يا باشا - هو انا كده كده هروح لمحمد عبده تاني عشان اويلسيل الفتيس وبالمرة اخليه يشوفلي الفرامل ورجرجة طارة الدركسيون اللي بتيجي بعد الـ100 كم دي

التطبيع ببساطه شديده هو أن التيل يأخذ نفس شكل الجزء اللى مركب عليه....نتيجة عملية الصنفره المستمرة مع دوسة الفرامل.....وأشكرك لذوقك

وعاوز برضه أضيف كلما زادت كفاءة التطبيع كل مازاد الأداء الفرملى....نتيجة زيادة المكان المحتك للتيل مع أقراص الفرامل

**khaledazizeg** · 02-02-2009 06:37 PM

احب اقول حاجة انا كان معايا دايو لانوس 2005 وعاملة 52 الف كيلو
انا كنت رحت للتوكيل والعربية كانت عاملة 32 الف كيلو
طلعلى حاجات ب8 الاف جنية انا اهملت وقلت ان هما بيستعبطوا
ولكن فعلا طلع كلامهم صح كل الى كان مكتوب اتعمل بالملى بس فى خلال سنة وفعلا كلامهم مظبوط وانا رحت التوكيل الى عند جسر السويس ابوغالى

**nasroo** · 03-02-2009 10:27 AM

المشاركة الأصلية كتبت بواسطة moby

2-
ياريت حضرتك توضح هل تم تركيب الأويل سيل بدون فك الأسكترا خارج السيارة ؟؟
وكيف تم تركيبه أو فك أيه بالضبط..للأهمية
ولك خالص الشكر وكل أحترام

لازم يفك الاسكترا هو فكها وورالي مكان الاويل سيل والزيت اللي كان مرشح ومغرق الدنيا بعدين غير الاويل سيل وركب الجديد في عامود الدركسيون وركبها تاني مكانها هو تغيير الاويلسيل مش مشكلة لكن المشكلة في تركيبه تاني

**MMamdouh** · 03-02-2009 10:36 AM

المشاركة الأصلية كتبت بواسطة khaledazizeg

احب اقول حاجة انا كان معايا دايو لانوس 2005 وعاملة 52 الف كيلو
انا كنت رحت للتوكيل والعربية كانت عاملة 32 الف كيلو
طلعلى حاجات ب8 الاف جنية انا اهملت وقلت ان هما بيستعبطوا
ولكن فعلا طلع كلامهم صح كل الى كان مكتوب اتعمل بالملى بس فى خلال سنة وفعلا كلامهم مظبوط وانا رحت التوكيل الى عند جسر السويس ابوغالى

طيب ياريت تقولنا ايه اللى كانت محتاجاه عربية لانوس عاملة 32 الف فقط و تكلفتة 8 الاف جنية... اصل احنا عربياتنا عاملة اضعاف الكيلومترات دى و متصرفش عليها نص المبلغ دة صيانة

MMamdouh

**samirayad** · 03-02-2009 10:41 AM

المشاركة الأصلية كتبت بواسطة azamell

لازم يفك الاسكترا هو فكها وورالي مكان الاويل سيل والزيت اللي كان مرشح ومغرق الدنيا بعدين غير الاويل سيل وركب الجديد في عامود الدركسيون وركبها تاني مكانها هو تغيير الاويلسيل مش مشكلة لكن المشكلة في تركيبه تاني

فيه برضه أويل رنج ...على طبه تحت العلبه...أعتقد ماتغيرش ده ...لأنه مابيتغيرش ألا لو حيعمل شغل فى الاسكترا من الداخل......مش برضه الكلام ده سليم