ليه؟؟ اى ميكانيكى شاطر و ثقة يقدر يديك التقرير دة... خللى بالك ان فى النهاية اللى اداك التقرير هو ميكانيكى او زى ما بيقولوا (فنى) يعنى مش سوبر ما ن مثلا بس الفرق ان الفنى مش فارقة معاه اذا كنت حتعمل شغل ولا لا انما الميكانيكى حيبقى عايزك تبقى زبونة و بالتالى من مصلحتة انه ميدفعكش مبلغ هلامى... على الاقل فى اول معاملة
الكلام دة يبقى منطقى لو المسطرة معصورة او حجمها صغر بشكل ملحوظ
يعنى لما يقولك عايز يغير مسطرة رشاشات عشان مخبوطة و بتاثر على السحب و تغيير اويل سيل السكترة ب 200 جنية و مساعدين ب 1000 جنية يبقى الجواب باين من عنوانة و العملية اشتغالة و اى هبل فى الجبل...
انت ممكن تكون فعلا محتاج تغير الحاجات دى لكن مش بالتكلفة دى... و قصة ماسورة التكييف دى... هل انت عندك الفريون اتسرب و كل ما تشحنة بيروح؟؟؟ لو الاجابة لا يبقى تغيير ماسورة الفريون اشغالة تانية تضاف الى المسلسل الهابط
بالتالى اللى قولتة صح لان الميكانيكى حيكشف على كل الحاجات دى من تانى عشان يشوف هو بعينة ايه اللى مستاهل يتغير و ايه اللى ممكن يتصلح و ايه اللى مش مستاهل اى شغل اصلا
الا اذا كنت ناوى تديلة التقرير و تقولة يعمل الحاجات دى و ساعتها حيعملهالك بدون تفكير و ممكن يطلعلك حاجات اكتر و حيحاسبك بتكلفة اقل شوية من التوكيل و يقولك " دا انا عاملك واجب" لانة ببساطة عرف انك زبون و بتروح التوكيل
مش لما نعرف العربية فيها ايه اصلا؟؟
روح لميكانيكى كويس و ثقة الاول و لما يقولك ايه اللى فعلا لازم يتغير نقولك تجيب ايه منين و بكام
MMamdouh
المفضلات