<<<< اتصل على 122 هاتلاقيهم نايمين >>>> <<<< صوره و تعليق >>>>

**bee** · 25-01-2009 07:44 PM

المشاركة الأصلية كتبت بواسطة karaktar

سامحنى انا اعارضك فى هذا الكلام
فى حاجه اسمها ورديه يعنى معاد عمل وده معروف طبعاً
ومتهايألى ان فى وقت راحه بياخدوه قبل اما يستلمو عملهم
يعنى متجيش تقولى ان همه مثلاً بيشتغلو 24 ساعه ماينفعش ومابيحصلش
ده فترة عملهم ولازم يلتزمو بيها سواء كانت بالليل او الصبح
واديك انت قولت مستنيين لحظة التحرك فى اى لحظه طيب ازاى وهمه نايمين

+10000000000000

وبعدين لو الاخ معندوش مشكلة ان الغلابة دول يناموا مين الي هيحافظ على أمن الغلابة الي زيهم بس صاحيين في شغلهم ومتمرمطين في المواصلات ؟؟؟

السؤال الي دايما بساله بقه بيعملوا كده ازاي في العربيات مع انهم نايمين على طول

**mo7a_mo7a** · 25-01-2009 07:44 PM

المشاركة الأصلية كتبت بواسطة rockana9112007

انا عاوز احكى على موقف حصلى غريب فكرتنى بية الصورة.
كنت انا وعمتى فى العاشر من رمضان بنزور ناس المهم واحنا راجعين على طريق الاسماعيلية العربية عطلت وكنا باليل فكنا عمالين نشاور للعربيات بس العربيات ماشية بسرعة كبيرة والدنيا ضلمة فمحدش بيلحق يشوفنا من بعيد عشان يلحق يهدى ويقف .المهم شوفنا من بعيد ضوء سارينة عربية نجدة قولنا خلاص الفرج جة .تخيلو ان العربية عدت من جنبينا وكانت ماشية ببطء والعساكر والامناء عمالين يبصولنا من ورا الازاز واحنا عمالين نشاورلهم عشان يقفو .بس موقفوش كان واضح انهم خايفين يقفو .طبعا الصورة اللى كانت جوايا ان رجال الشرطة مبيخفوش من الجن الازرق انتهت للابد .

طبعا يخافوا
زي ما وضحت في مداخلتي قبل كده انهم ممنوع يضربوا نار او يستعملوا السلاح الميري
وتبقي فيها جزاءات ويمكن محاكمة عسكرية لو طلقة نقصت دا بافتراض ان معاهم سلاح صالح للاستخدام او هم اصلا بيعرفوا يستخدموه

يعني ببساطة كل واحد بدراعه
وعهلشان كده هم دايما في مواجهة اي عصابة بيكونوا في الموقف الاضعف

لك الله يا مصر

**mo7a_mo7a** · 25-01-2009 07:52 PM

المشاركة الأصلية كتبت بواسطة bee

+10000000000000

وبعدين لو الاخ معندوش مشكلة ان الغلابة دول يناموا مين الي هيحافظ على أمن الغلابة الي زيهم بس صاحيين في شغلهم ومتمرمطين في المواصلات ؟؟؟

السؤال الي دايما بساله بقه بيعملوا كده ازاي في العربيات مع انهم نايمين على طول

مين اللي قال ان نومهم مش مشكلة؟؟
بالعكس لكن اسبابه في نظري قهرية
العالم دي في الغالب الاعم ملهاش مواعيد وشغالين مرمطونات
يظهر ان سعادتك مدخلتش الجيش او ملكش احتكاك بيهم
الحفاظ علي الامن مسؤولية مؤسسة الداخلية ورؤسائها ووزير الداخلية ومديري الامن هم اللي بيحطوا القواعد وينظموا العمل
الناس دي متملكش من امرها شئولا تحل ولا تربط
ةبيتداس عليهم بالجزم

طب سؤال تاني
العربيية بتاعة النجدة دي مش في تشكيل الدورية ظابط وامين شرطة؟
فينهم
ليه مش موجودين
اقولك الامين والظابط مريحين في القسم
يا سادة كل قسم فيه غرف نوم وتلفزيون ودش وتلاجة واللذي منه وسعات اكتر من كده
انهي اهون الراجل الغلبان اللي نايم علي كرسي العربية وفاتح الجهاز ولو حد شخط فيه وقاله اطلع في ظرف 10 ثواني حيكون طالع
ولا الباشا اللي نايم فوق بيشخر

**mo7a_mo7a** · 25-01-2009 07:58 PM

المشاركة الأصلية كتبت بواسطة human12

البلد حالها نايم
كل حاجه نايمه
ماجتش على دول
ربنا يرحمنا
وبعدين احنا الشرطه حدانا فى مصر مهمتها مش محاربه الجريمه!!!
الشرطه مش بتتدخل قبل الجريمه و تمنعها بتدخل دايما بعد الجريمه عشان بتبقى اسهل

احييك علي تعليقك
البشوات الضباط مهتمين بحجات تانية غير عملهم الا ان فيهم فئة تستحق الاحترام وهم اقلية

بعيدا عن الموضوع عجبني توقيعك جدا

**mo7a_mo7a** · 25-01-2009 08:18 PM

والله كل اللي قصدته وكان واضح من تعليقاتي ان المنظومة كلها هي السبب ويجب اصلاحها من اعلي لاسفل وليس العكس
لو فرضنا ان حضرتك عندك عمل خاص وفي موظفيين بيشتغلوا معاك وحضرتك لسبب ما قررت ان الناس دي تشتغل 16 ساعة في اليوم وسعات اكتر من كده واحيانا يطبقوا يومين و 3 ويقبضوا مرتبات متدنية جدا ومتاكلش عيش حاف
تفتكر بعد 5شهور شركتك حتبقي افضل ولا اسوا
وايه حيكون مردودهم افضل؟؟؟؟

ومين حيكون السبب لو اهملوا في عملهم؟؟
يا تري انهم خرعين ومهملين؟ ولا حيكون مدير العمل اللي لا يحسن الادارة ولا يشعر بمن دونه ويعتبرهم الات او حيوانات

**mo7a_mo7a** · 25-01-2009 08:20 PM

الخلاففي الراي لا يفسد للود اية قضية وسعيد جدا بالحوار معاك ومستواه الذي يستحق التقدير والاحترام

**Dr_Mido** · 25-01-2009 08:35 PM

هو غلط والمفروض يتحاكمو
بس قبل متحاكم دول حاكم الاعلى منهم
العسكرى بيفضل فوق ال 12 ساعه اما قاعد فى العربيه دى
او زيهم قاعد فى عربيه عامله زى الترحيلات كدة
ودى بتبقى عامله زى فرن المايكروويف تقريبا

اما واقف خدمه على اى مكان
و اى رتبه اعلى منه بتفترى عليه
ومرتبه مبيكفيش اى حاجه اساسا وعايزة يفضل صاحى
دة غير مشاوير المدرسه والسوق و الملاهى

اة هما غلط بس قبل متححاسب دول حاسب الاعلى منهم

-

-

-

الموضوع: <<<< اتصل على 122 هاتلاقيهم نايمين >>>> <<<< صوره و تعليق >>>>

LinkBack

أدوات الموضوع

عرض

-

-

-

-

-

-

-

المواضيع المتشابهه

كل الاقسام فى تطور واحنا نايمين فى العسل

الشقه اتسرقت واحنا نايمين (قدر الله وما شاء فعل)

يا ناس اتقو الله إحنا في الأشهر الحرم ....هما المسلمين ناسيين ولا نايمين ولا مخدرين؟

صوره تحتاج تعليق

صوره و تعليق لدايو نوبيرا!!!!!!

الكلمات الدلالية لهذا الموضوع

المفضلات

المفضلات

ضوابط المشاركة