ظبط زوايا واتزان للبيتلز

**ahit** · 07-02-2009 05:27 PM

السلام عليكم و رحمة الله و بركاته

من يومين روحت انا و الأستاذ/ أيمن فتحى ... لمركز ظبط الزوايا اللى فى القلعة

* المركز الهندسى لضبط زوايا و اتزان العجل بالكمبيوتر
4 أ ميدان صلاح الدين بالقلعة أما ضريح مصطفى كامل بعد سنترال القلعة

تليفون : 25120189
الأسطى مصطفى زوايا

المهم روحنا و الراجل طلع أمين و قال إن كاوتش الميزان عاوز يتغير و مارضاش يعمل ظبط أو ترصيص إلا لما موضوع كاوتش الميزان يتصلح .
كان ممكن يشتغل و بعدين يقولنا أصل العيب من كاوتش الزوايا و يطلعلو بقرشين و خلاص زى ما حصل معايا فى مركز ضبط الزوايا ببنزينة كالتكس اللى فى عباس العقاد و لكن أنا عاجبنى أمانتو و صراحتو و حبيت أقولكو عليه.
كمان قالنا على حاجة كويسة جداً لما يكون الدنجل تعبان و موطى العربية من ناحية معينة من قدام ترفع الناحية الخلفية فى نفس الإتجاه بمعنى لو العربية واطية قدام يمين نرفع خلف يمين بردو و لما جربنا بإيدينا لآقينا العربية إتظبطط من قدام و دى فكرة كويسة و بعيدة عن فك الدنجل و قرفو.