الموضوع: وقفه لاصحاب الدايو

المشاركة الأصلية كتبت بواسطة ENG\AHMED

الفكرة مش ان علامة دايو عار ولا عيب الفكرة انت بتقارن اية باية ,الدايو بتتكلم فى شريحة او فئة معينة قارنها بيها وشوف اية مميزات وعيوب الدايو وهل هى احسن من باقى العربيات فى المقارنة شوف تمن العربية الدايو وشوف نفس العربيات اللى فى الرينج دة وقارن
بالمناسبة فى 3 عربيات من اللى انت اتكلمت عليهم(المازدا واللانوس والفكترا) كانو معايا والرابعة النوبيرا مع واحد صاحبى
لو هتقارن المازدا باللانوس رأيى الشخصى المازدا برقبتها انعم واثبت وادائها احسن بالرغم من انها 1.3 وتكنولوجيا قديمة ومعمرة اكتر , ميزة اللانوس شكل احدث والتكييف واوسع شوية
لو النوبيرا والفكترا 1.6 هتبقى ميزة النوبيرا انها اخف فى الحركة فى الزحمة وعلى سرعات قليلة انما غير كدة الفكترا احسن

موضوع تكنولوجيا جى ام القديمة , الدايو كانت تبع جنرال موتورز عن طريق اوبل ومن اول ظهور علامة دايو من ايام الريسر والاسبيرو والسيلو وهى معتمدة على تكنولوجيا قديمة من اوبل (كان معايا دايو ريسر 92 وكانت نسخة من اوبل كاديت وكانت نفس قطع الغيار والشكل تقريبا)
موضوع تكنولوجيا قديمة مش عيب بس الدايو زى ماقلت بتتكلم فى شريحة سعرية معينة لو حدثت الكنولوجيا هيرتفع سعرها وسعر صيانتها وبالتالى هتفقد ميزتها يعنى الموضوع مرتبط بالتسويق مش انك تنتج وخلاص

مع احترامي الشديد لحضرتك ..... لو اتكلمنا على ان المازدا 323 مو 82 احسن من الانوس ده في راي الشخصي (مستحيل منطقيا وعمليا ) وده مفيش اختلاف عليه...
ثانيا لو اتكلمنا الفكترا ال96 -2002 ال1600 سي سي هنلاقي الماتور 74 حصان عند 5200 rbm و8 صباب (2 صباب لكل اسطوانه ) 2 valves for every cylinderونظام حقن الوقود single point injection وبسرعه قصوى 170 كم في الساعه


لما نيجي للنوبيرا من ال99 -2002 ال1600 سي سي هنلاقي الماتور 106 حصان عند 5800 rbm و16 صباب (4 صباب لكل اسطوانه) ونظام حقن الوقود multipoint injection وبسرعه قصوى 187 كم في الساعه
طيب دايو واوبل شركتان تملكهما جنرال موتورز انهي ماتور الاحدث؟ طبعا النوبيرا...انهي تكنولوجيا الاحدث ؟ على حسب مانا شايف برضه النوبيرا...تبقى ازاي دايو واخده تكنولوجيا اوبل

لو بصينا على الاوبل كاديت والدايو الريسر هنلاقي الاثنين نفس الشاسيه والاتنين ملك لجنرال موتورز زي مالشيفورليه اوبترا بتنزل باسم suzuki forenza ,holden viva,daewoo lacetti


وتقبل فائق احترامي.........

اقول لصاحب السيارة مازدا كما يقولون في الخليج المازدا فاسدة

المشاركة الأصلية كتبت بواسطة moudy88

مع احترامي الشديد لحضرتك ..... لو اتكلمنا على ان المازدا 323 مو 82 احسن من الانوس ده في راي الشخصي (مستحيل منطقيا وعمليا ) وده مفيش اختلاف عليه...
ثانيا لو اتكلمنا الفكترا ال96 -2002 ال1600 سي سي هنلاقي الماتور 74 حصان عند 5200 rbm و8 صباب (2 صباب لكل اسطوانه ) 2 valves for every cylinderونظام حقن الوقود single point injection وبسرعه قصوى 170 كم في الساعه


لما نيجي للنوبيرا من ال99 -2002 ال1600 سي سي هنلاقي الماتور 106 حصان عند 5800 rbm و16 صباب (4 صباب لكل اسطوانه) ونظام حقن الوقود multipoint injection وبسرعه قصوى 187 كم في الساعه
طيب دايو واوبل شركتان تملكهما جنرال موتورز انهي ماتور الاحدث؟ طبعا النوبيرا...انهي تكنولوجيا الاحدث ؟ على حسب مانا شايف برضه النوبيرا...تبقى ازاي دايو واخده تكنولوجيا اوبل

لو بصينا على الاوبل كاديت والدايو الريسر هنلاقي الاثنين نفس الشاسيه والاتنين ملك لجنرال موتورز زي مالشيفورليه اوبترا بتنزل باسم suzuki forenza ,holden viva,daewoo lacetti


وتقبل فائق احترامي.........

اخنلاف الرأى لا يفسد للود قضية..
بالنسبة للانوس والمازدا كلامى عن تجربة للعربيتين سنيييين والمازدا كانت بحالتها تقريبا متفكش فيها مسمار لا موتور ولا فتيس ولاحاجة واللانوس كانت حالتها نضيفة

بالنسبة للفكترا والنوبيرا الفكترا من 96 الى 99 ال 1.6 مانيوال كانت بالموتور اللى بتقول علية وبعد 99 الاوتوماتيك كانت بموتور 2 كامة 16 صمام ايكوتك والتوكيل كان منزلها بالموتور القديم علشان السسعر يبقى دة مش عيب عربية وبالرغم من كدة سرعتة القصوى مش 170 ولا حاجة انا شخصيا جبت بية 190 ومكنش اخرة وفى ناس عدو ال 200 بية
بالنسبة لتكنولوجيا النوبيرا الاحدث فاركب فكترا وقارن بالرغم من فرق العمر بين العربيتين , انت بتقارن عربيتين فى فئتين مختلفين وبالتالى المقارنة مش عادلة
بالنسبة للكاديت والريسر شوف بداية تصنيع دى امتى ودى امتى وانت هتعرف ان الموضوع مش زى الاوبترا والفورينزا واللاتشيتى
انا لا بهاجم دايو ولا حاجة ولا متعصب لعربيتى زى ماقلتلك معايا المازدا والللانوس والفكترا والريسر

....حلوة صورة هنجر 7000 وال 777 اللى متصور جنبها ;)) بس مش نسيب بقى النت والكاميرا ونركز فى الشغل ولا اية

انت فين ياهندسه.....كنت عاوز أسألك عن كفاءة سحب السيارات الأوبل ال1600 سى سى ....وهل فيها مشاكل فى عملية التسارع الأولى.....يعنى زيها زى الأكسنت مثلا فى التسارع

المشاركة الأصلية كتبت بواسطة samirayad

انت فين ياهندسه.....كنت عاوز أسألك عن كفاءة سحب السيارات الأوبل ال1600 سى سى ....وهل فيها مشاكل فى عملية التسارع الأولى.....يعنى زيها زى الأكسنت مثلا فى التسارع

الشغل بقى :)
ياريت توضيح للسؤال !!!