وقفه لاصحاب الدايو

**moudy88** · 04-02-2009 12:29 AM

المشاركة الأصلية كتبت بواسطة eng\ahmed

اخنلاف الرأى لا يفسد للود قضية..
بالنسبة للانوس والمازدا كلامى عن تجربة للعربيتين سنيييين والمازدا كانت بحالتها تقريبا متفكش فيها مسمار لا موتور ولا فتيس ولاحاجة واللانوس كانت حالتها نضيفة

بالنسبة للفكترا والنوبيرا الفكترا من 96 الى 99 ال 1.6 مانيوال كانت بالموتور اللى بتقول علية وبعد 99 الاوتوماتيك كانت بموتور 2 كامة 16 صمام ايكوتك والتوكيل كان منزلها بالموتور القديم علشان السسعر يبقى دة مش عيب عربية وبالرغم من كدة سرعتة القصوى مش 170 ولا حاجة انا شخصيا جبت بية 190 ومكنش اخرة وفى ناس عدو ال 200 بية
بالنسبة لتكنولوجيا النوبيرا الاحدث فاركب فكترا وقارن بالرغم من فرق العمر بين العربيتين , انت بتقارن عربيتين فى فئتين مختلفين وبالتالى المقارنة مش عادلة
بالنسبة للكاديت والريسر شوف بداية تصنيع دى امتى ودى امتى وانت هتعرف ان الموضوع مش زى الاوبترا والفورينزا واللاتشيتى
انا لا بهاجم دايو ولا حاجة ولا متعصب لعربيتى زى ماقلتلك معايا المازدا والللانوس والفكترا والريسر

....حلوة صورة هنجر 7000 وال 777 اللى متصور جنبها ;)) بس مش نسيب بقى النت والكاميرا ونركز فى الشغل ولا اية

وجهة نظرك وانا باحترمها...والعربيات ازواق وعلى فكره النوبيرا برضه فيها 2000 سي سي بس مش في مصر وفعلا النوبيرا والفيكترا مش نفس الفئه ....النوبيرا من فئة الاسترا والليجانزا من فئة الفيكترا ...وانا كنت هاجيب فيكترا 1.6 بس لاقيت تكنولوجيا الماتور قديمه جدا حتى في موديل 2000 و2001 وجربتها وفضلت النوبيرا عليها .... وانا بصراحه بحس ان الاوبل اللي بتنزل مصر بتبقى اقل حاجه زي الاسترا ال 1200 سي سي والكورسا موديلات التسعينات الضعيفه جدا واخرها 140 وبرضه الكورسا موديل 2006 اللي ماتورها 8 valve وبرضه مش تكنولوجيا حديثه
...وبالنسبه للريسر والكاديت ..انا اقصد ان الاتنين ملك لجنرال موتورز وهي بتنزلها باسم دايو وتنزلها باسم كاديت..

وبعدين هو
حضرتك مهندس طيران ولا ايه قوللي علشان نتعرف وتديني خبره

**abf-nassar** · 04-02-2009 12:58 AM

راي شخصي السيارة اللانوس عملية جدا بالنسبة لي
انا راكب سيفيك 2008 وجايب لزوجتي لانوس 2002 وباستمرار انا اللي مستولي علي اللانوس وبعمل بيها كل مشاويري
مطلوب ايه من اي عربية غير انها تمشي وتوصلك لاي مشوار بدون مشاكل سواء داخل المدينة او علي طرق مفتوحة وتكييفها شغال ومروق لك الجو
اما عن الاعطال والمشاكل فاي عربية في مصر لازم يحصل لها مشاكل واعطال وبتفرق في خبرة الشخص في الاحساس بالعطل عن بداية حدوثة او عدم الاحساس به وزيادة المشكلة
اما لو علي موضوع الشد والسحب والجري وكل كلام السباقات ده مالوش مكان في شوارع القاهرة لاتها لاتحتاج الي سباقات وانما تحتاج الي محترف هدوء اعصاب

**mando_07** · 04-02-2009 03:21 PM

المشاركة الأصلية كتبت بواسطة ENG\AHMED

الفكرة مش ان علامة دايو عار ولا عيب الفكرة انت بتقارن اية باية ,الدايو بتتكلم فى شريحة او فئة معينة قارنها بيها وشوف اية مميزات وعيوب الدايو وهل هى احسن من باقى العربيات فى المقارنة شوف تمن العربية الدايو وشوف نفس العربيات اللى فى الرينج دة وقارن
بالمناسبة فى 3 عربيات من اللى انت اتكلمت عليهم(المازدا واللانوس والفكترا) كانو معايا والرابعة النوبيرا مع واحد صاحبى
لو هتقارن المازدا باللانوس رأيى الشخصى المازدا برقبتها انعم واثبت وادائها احسن بالرغم من انها 1.3 وتكنولوجيا قديمة ومعمرة اكتر , ميزة اللانوس شكل احدث والتكييف واوسع شوية
لو النوبيرا والفكترا 1.6 هتبقى ميزة النوبيرا انها اخف فى الحركة فى الزحمة وعلى سرعات قليلة انما غير كدة الفكترا احسن

موضوع تكنولوجيا جى ام القديمة , الدايو كانت تبع جنرال موتورز عن طريق اوبل ومن اول ظهور علامة دايو من ايام الريسر والاسبيرو والسيلو وهى معتمدة على تكنولوجيا قديمة من اوبل (كان معايا دايو ريسر 92 وكانت نسخة من اوبل كاديت وكانت نفس قطع الغيار والشكل تقريبا)
موضوع تكنولوجيا قديمة مش عيب بس الدايو زى ماقلت بتتكلم فى شريحة سعرية معينة لو حدثت الكنولوجيا هيرتفع سعرها وسعر صيانتها وبالتالى هتفقد ميزتها يعنى الموضوع مرتبط بالتسويق مش انك تنتج وخلاص

ازاي يعني المازدا ال-٨٢ أحسن من ellanos دة كلام مش منطقي طبعن دة حتى لو اللانوس صيني برضو مينفعش تبقى عربية قبلها باكتر من ٢٠ سنة أحسن منها

طب أقولك حاجة أنا معايا مرسيدس مو.٨٤ 2000cc وهي كويسة الصراحة وستبلتي بدرجة غريبة بس برضو لم سوقت الفيرنا والنوبيرا بتعة ناس أصحابي بحس بفرق العمر وبالذات الفيرنا أنعم من الاتنين بحس أنها بطلع لوحدها وبقولك مرسيدس مش مازدا ألا باءة لو المازدا أحسن من المرسيدس دي تبئة حاجة تانية أنا مكنتش أعرفها الصراحة وأنا اه مسؤتش اللانوس أبل كدا ألا مرة يعني كنت بركنها بس أنا شايف أنها مش كارتة يعني عشان تبقى عربية موديل ٨٢ أحسن منها

**maka** · 04-02-2009 05:05 PM

الكلاب تعوى والقافلة تسير

وده يدل على النجاح والانتشار اللى حققته الدايو فى مصر

**mokhtar** · 05-02-2009 01:04 AM

المشاركة الأصلية كتبت بواسطة moudy88

ياجماعه مش ملاحظين ان كل الناس في الاقسام المختلفه اليباني والاوروبي بيتكلموا على الدايو(لانوس والنوبيرا) على انها زباله واقل مستوى في العربيات (يعني كل واحد عايز يمدح في عربيته يقول دي انضف من الانوس او النوبيرا بتوع اليومين دول).......يعني مثلا عضو في قسم المازدا بيقول ان ال323 موديل 82 انعم واحلى من الانوس
......والاعضاء في قسم ميتسوبيشي يقولوا الانسر الكريستاله ال1300 الكاربراتيراحسن من النوبيرا وثبات اكتر منها وماتور اقوى .....والاعضاء في قسم اوبل بيتكلموا على ان الفيكترا ال1600 موديل 98 انضف من النوبيرا وان النوبيرا واخده تكنولوجيا قديمه من جنرال موتورز ...وبقيت الدايو بتتحط في كل مقارنه واي عربيه تانيه احسن منها.....وبقيت الناس بتتكلم عنها على انها عربيات درجه تالته ..اكيد الدايو مش افضل عربيات في العالم لكن مش للدرجه انها تبقى ملطشه ....وبعدين لو كانت عربيات الدايو وحشه ماكنتش جنرال موتورز تنزل عربيات الدايو بعلامه الشيفورليه وتبقى من انجح العربيات في العالم (الشيفورليه الكابريس والابيكا والتوسكا...... )هل علامه دايو بقيت (عيب) او (عار)....ياريت تقوللوي ايه رايكو..... وياريت يبقى الموضوع هاديء وبعيد عن العصبيه.....وشكرا

والله معاك حق فى كل كلمه بجد انا بحب واحترم الدايو جدا جدا وامنى ان شاء الله اكون من ملاكها دى عربيات بتديك اداء واعتماديه واقتصاديه على قد فلوسها والدليل انتشارها الرهيب وبعدين يعنى نيجى نقارن بين نوبيرا مثلا وتويوتا كورولا طب ماتشوف فرق السعر دى ب75000 ودى ب130000 بتكلم فى 50000 جنيه يبقى ماينفعش بقى نقول مين الاحسن ودى زباله وماعرفش ايه ..انا معرفش حد على المستوى الشخصى معاه دايو وقرفان منها بالعكس اللى اعرفهم واحده لانوس والتانيه نوبيرا اتوماتيك اللى راكبينهم كارفينهم كرف والعربه ماشاء الله مابتقولش لا وشغاله مش فاتحه بقها ...وعلى فكره من كام يوم شفت عربيه جمرك المفروض انها شيفروليه كابريس موديل 2005 وانت طالع ده كان من بعيد لما قربت اتفاجئت انها دايو انا عارف ان دايو مع جنرال موتورز والكلام ده بس كنت فاكر ان اخرهم الدايو لاسيتى اللى هى الاوبترا انما بجد اتفاجئت لما شفت الكابريس اللى بتنزل الخليج بموتور 5700 سى سى متصنعه فى استراليا وكانت احيانا بتنزل باسم هولدن لما لقيتها دايو والله احترمت الماركه دى اكتر واكتر ويارب انضم لعصابه الدايو قريب

..mokhtar..

**waleedrahmy** · 05-02-2009 08:54 AM

المشاركة الأصلية كتبت بواسطة mokhtar

والله معاك حق فى كل كلمه بجد انا بحب واحترم الدايو جدا جدا وامنى ان شاء الله اكون من ملاكها دى عربيات بتديك اداء واعتماديه واقتصاديه على قد فلوسها والدليل انتشارها الرهيب وبعدين يعنى نيجى نقارن بين نوبيرا مثلا وتويوتا كورولا طب ماتشوف فرق السعر دى ب75000 ودى ب130000 بتكلم فى 50000 جنيه يبقى ماينفعش بقى نقول مين الاحسن ودى زباله وماعرفش ايه ..انا معرفش حد على المستوى الشخصى معاه دايو وقرفان منها بالعكس اللى اعرفهم واحده لانوس والتانيه نوبيرا اتوماتيك اللى راكبينهم كارفينهم كرف والعربه ماشاء الله مابتقولش لا وشغاله مش فاتحه بقها ...وعلى فكره من كام يوم شفت عربيه جمرك المفروض انها شيفروليه كابريس موديل 2005 وانت طالع ده كان من بعيد لما قربت اتفاجئت انها دايو انا عارف ان دايو مع جنرال موتورز والكلام ده بس كنت فاكر ان اخرهم الدايو لاسيتى اللى هى الاوبترا انما بجد اتفاجئت لما شفت الكابريس اللى بتنزل الخليج بموتور 5700 سى سى متصنعه فى استراليا وكانت احيانا بتنزل باسم هولدن لما لقيتها دايو والله احترمت الماركه دى اكتر واكتر ويارب انضم لعصابه الدايو قريب

..mokhtar..

يسلم فمك قولت الخلاصة

**ENG\AHMED** · 06-02-2009 10:55 AM

المشاركة الأصلية كتبت بواسطة moudy88

وجهة نظرك وانا باحترمها...والعربيات ازواق وعلى فكره النوبيرا برضه فيها 2000 سي سي بس مش في مصر وفعلا النوبيرا والفيكترا مش نفس الفئه ....النوبيرا من فئة الاسترا والليجانزا من فئة الفيكترا ...وانا كنت هاجيب فيكترا 1.6 بس لاقيت تكنولوجيا الماتور قديمه جدا حتى في موديل 2000 و2001 وجربتها وفضلت النوبيرا عليها .... وانا بصراحه بحس ان الاوبل اللي بتنزل مصر بتبقى اقل حاجه زي الاسترا ال 1200 سي سي والكورسا موديلات التسعينات الضعيفه جدا واخرها 140 وبرضه الكورسا موديل 2006 اللي ماتورها 8 valve وبرضه مش تكنولوجيا حديثه
...وبالنسبه للريسر والكاديت ..انا اقصد ان الاتنين ملك لجنرال موتورز وهي بتنزلها باسم دايو وتنزلها باسم كاديت..

كل العربيات اللى بتنزل مصر اقل حاجة مش الاوبل ولا ماركة معينة ممكن تعمل بحث على النت على اى ماركة وتتعقد
الفكترا اللى انت شوفتها كانت مانيوال؟؟ الفكترا 1.6 قبل 2000 كلها مانيوال موتور كامة واحدة من بعد 2000 المانيوال نفس الموتور القديم والاتو 2 كامة ايكوتك

وبعدين هو
حضرتك مهندس طيران ولا ايه قوللي علشان نتعرف وتديني خبره

شكلك كدة مبتروحش الشغل

انا مهندس هيكل ومحرك :)

ازاي يعني المازدا ال-٨٢ أحسن من ellanos دة كلام مش منطقي طبعن دة حتى لو اللانوس صيني برضو مينفعش تبقى عربية قبلها باكتر من ٢٠ سنة أحسن منها طب أقولك حاجة أنا معايا مرسيدس مو.٨٤ 2000cc وهي كويسة الصراحة وستبلتي بدرجة غريبة بس برضو لم سوقت الفيرنا والنوبيرا بتعة ناس أصحابي بحس بفرق العمر وبالذات الفيرنا أنعم من الاتنين بحس أنها بطلع لوحدها وبقولك مرسيدس مش مازدا ألا باءة لو المازدا أحسن من المرسيدس دي تبئة حاجة تانية أنا مكنتش أعرفها الصراحة وأنا اه مسؤتش اللانوس أبل كدا ألا مرة يعني كنت بركنها بس أنا شايف أنها مش كارتة يعني عشان تبقى عربية موديل ٨٢ أحسن منها

كلا منطقى كلام مش منطقى انا كان معايا العربيتين لسنيين ومجربهم وعارفهم مش سوقت عربية واحد صاحبى ولا جربت عربية منهم وانا بركنها لو انت جربتهم فعلا وشايف اللانوس احسن مفيش مشكلة وجهة نظرك وانت حر فيها انا مش بقبض من الشركة !! انما مجربتش الاتنين وبتحكم لفرق الموديل يبقى جرب قبل متقول كلام مش منطقى
بالنسبة للمرسيدس والفيرنا ملفتش نظرك اى حاجة فى العربيتين غير شكل الصالون والنعومة !! يعنى لو حد عرض عليك يديك فيرنا وياخد المرسيدس موديل 84 هتغير؟؟!!
على فكرة كان فى رد ليا من فترة على موضوع عن اللانوس كان الناس بيتكلمو عن مشاكل اللانوس وسعرها واستهلاك البنزين ممكن تعمل بحث وتقراة وتعرف رايى عن اللانوس

**MOSTAFA . AHMED** · 07-02-2009 06:22 PM

لا تأ سفن على غدر الزمان لطالما ** رقصت على جثث الاسود كلابا
لا تحسبن برقصهـا تعـلوا اسيـادها ** فالاسـود اسـودا والكـلاب كلابـا

الدايو ( good value for money)

**waleedrahmy** · 07-02-2009 06:31 PM

المشاركة الأصلية كتبت بواسطة aaffii

لا تأ سفن على غدر الزمان لطالما ** رقصت على جثث الاسود كلابا
لا تحسبن برقصهـا تعـلوا اسيـادها ** فالاسـود اسـودا والكـلاب كلابـا

الدايو ( good value for money)

الدايو ( good value for money)المقولة دي بتاعة خبيرنا محمد ممدوح