الموضوع: هو اللى عندى فى العربية دة طبيعى؟

المشاركة الأصلية كتبت بواسطة mohelmy

اشكرك على نصائحك يا استاذ سمر بس كده
يبقى الواضح ان الحكاية دى مشكلة فى اللانوس فعلا ومش مجرد سبب من اللى حضرتك ذكرتهم مع كامل احترامى لرايك

والله أنت حر فى قرارك.....وأشكرك لثنائك.....وأنا مجرد بأفكر معاك وأعايش المشكله ..ليس الا ذلك

ياجماعه الخير ده مش حاجه بايظه في العربيه ..واوعى حد يروح للميكانيكي ويقوله كده لحسن هيفتح على نفسه فتحه جامده.....الموضوع ان ده عيب في كل عربيات الدايو (اللانوس والنوبيرا) ان مواتيرها كسلانه...يعني تسارعها قليل لحد معين وبعد كده بتفتح ... واحنا عايزين حل لتحسين التسارع ..واللي هيحس اكتر بالموضوع ده اللي كان بيسوق عربيات تانيه مع الدايو زي الهيونداي مثلا واالكلام ده في موضوع المقارنه بين الفيرنا واللانوس بتاع الاستاذ سبعاوي http://www.nilemotors.net/Nile/showthread.php?t=670

المشاركة الأصلية كتبت بواسطة moudy88

ياجماعه الخير ده مش حاجه بايظه في العربيه ..واوعى حد يروح للميكانيكي ويقوله كده لحسن هيفتح على نفسه فتحه جامده.....الموضوع ان ده عيب في كل عربيات الدايو (اللانوس والنوبيرا) ان مواتيرها كسلانه...يعني تسارعها قليل لحد معين وبعد كده بتفتح ... واحنا عايزين حل لتحسين التسارع ..واللي هيحس اكتر بالموضوع ده اللي كان بيسوق عربيات تانيه مع الدايو زي الهيونداي مثلا واالكلام ده في موضوع المقارنه بين الفيرنا واللانوس بتاع الاستاذ سبعاوي http://www.nilemotors.net/Nile/showthread.php?t=670

أنا بجد...يامودى لست من أنصار الأستسلام....لأى ظاهره.....وبصراحه مش مقتنع أن العربيه سواء لانوس أونوبيرا....بتبقه(زى ماقريت فى أحد التعليقات التى لاتسمن ولا تغنى من جوع).....حيث قيلأنها بتبقه عامله زى البطه البلدى فى بداية الانطلاق.........وبعد كده بتكشر عن أنيابها........وحتى على فرض صحة الكلام(اللى أنا فعلا مش مقتنع بيه).....يبقى فين روح المحاوله فى ايجاد الحلول المناسبه....وفى حالة الفشل فى ايجاد حلول.....أهو نبقى فكرنا وعملنا اللى علينا.......ياعنى كل واحد يجب أن يقول تصوره وتحليله للظاهره لعل وعسى نضع أيدينا على بيت الداء

مش ممكن يا جماعه يكون الموضوع ده من نسب التروس بتاعة الفتيس ؟؟؟؟؟
انا بحس ان العربية بتطلع ببطئ فعلاً على الغيار الأول بس بحسها قوية جداً (شديت عربية لادا محملة 6افراد بيها وكانت بتطلع بقوة ولا اكنها شاده حاجه)

المشاركة الأصلية كتبت بواسطة Shiref_mohamed

مش ممكن يا جماعه يكون الموضوع ده من نسب التروس بتاعة الفتيس ؟؟؟؟؟
انا بحس ان العربية بتطلع ببطئ فعلاً على الغيار الأول بس بحسها قوية جداً (شديت عربية لادا محملة 6افراد بيها وكانت بتطلع بقوة ولا اكنها شاده حاجه)

أنت عارف ياشريف ....أنا بفكر فى حاجه.....وهى موضوع الكستبانات الهيدروليك.......على أساس جه فى دماغى فكره كده وبقول أحتمال يكون معدل التسارع والسحب اللى مش عاجب الجميع ده.....يكون بسبب تصميم الكستبانات.....حيث يكون ضغط الزيت لسه قليل فى البدايات.....وعملية نقل الحركه من الكامه الى الصبابات بتأخذ وقت شويه فى البدايه على مايزيد ضغط الزيت......وده على أساس عملية تحميل الكامه على الصبابات بتأخذ وقت شويه لحد ما يتم امتصاص كل المرونه اللى موجوده فى الزيت الموجود فى بيت الكستبان نفسه.......(الكلام ده حيكون عندى حق أفكر فيه لو سألنا حد من الأخوه بتوع الأوبل....وصدق على أن نفس المشكله فى العربيات الأوبل).....أما لو كانت الأمور عندهم تمام......فأرجو اللى يقرأ الكلمتين دول ينساهم

المشاركة الأصلية كتبت بواسطة samirayad

أنا بجد...يامودى لست من أنصار الأستسلام....لأى ظاهره.....وبصراحه مش مقتنع أن العربيه سواء لانوس أونوبيرا....بتبقه(زى ماقريت فى أحد التعليقات التى لاتسمن ولا تغنى من جوع).....حيث قيلأنها بتبقه عامله زى البطه البلدى فى بداية الانطلاق.........وبعد كده بتكشر عن أنيابها........وحتى على فرض صحة الكلام(اللى أنا فعلا مش مقتنع بيه).....يبقى فين روح المحاوله فى ايجاد الحلول المناسبه....وفى حالة الفشل فى ايجاد حلول.....أهو نبقى فكرنا وعملنا اللى علينا.......ياعنى كل واحد يجب أن يقول تصوره وتحليله للظاهره لعل وعسى نضع أيدينا على بيت الداء

يابشمهندس انا لم اقل نستسلم ابدا ...انا بقول ان دي حاجه في جميع مواتير الدايو وعايزين نحسنها انا خالي كان عنده ليجانزا مانيوال 2000 سي سي وباعها علشان ماقدرش يتاقلم مع الموضوع ده ....وممكن حضرتك تكون مش حاسسها علشان حضرتك مش بتاع جري وشد وسواقتك هاديه