طبعا أكيد غلط....والموضوع ده مابيخليش اتزان ديناميكى كويس على عمود الكرنك وبيعمل رعشه وبيأثر على السبايك...وممكن على المدى البعيد يعمل رفه فى الدبرياش...وتقل فى الفتيس أثناء النقل....دا لو ماعلجهوش
يا جماعة الميكانيكى قالى دة عيب صبابرقم 2 فيه مشكلة ومافيش مشكلة فى الاسلاك خالص ولا البوجيهات دى البوجيهات لسة جايبها من 4 ايام والميكانيكى قالى لازم الوش يتحل ونشوف الصباب رقم 2 ونغيرة بس والله الصبابات كلها جديدة ووش السلندر اتخرط واتنضف تمام والموتور لسة متعمر من حوال 6 شهور ولا حاجة وانا استخدامى بسيط يعنى وعلى فكرة العيب مش محسوس خالص والعربية بتجرى وبتطير وممكن اعمل امريكانى يفحت الاسفلت (انا مش غاوى الحاجات دى) بس انا عملت كدة علشان اجرب العربية فى السلانسية هاتعمل ايه العربية وهى واقفة بس الاقى الموتور بيرعش اول ما بزود بنزين المشكلة بتروح على طول والميكانيكى قالى الموضوع دة هيبقى فى السلانسية بس ياريت تفيدونى فى الموضوع الغريب دة المفروض لو الصباب بايظ العربية هاتبقى متلتة على طول وللعلم مش مشكلة فى الاسبراتير ولا التاكيهات لانة ظبطها وقالى يمكن تكون محملة يعى نستبعد (الاسبراتير والسلوك والبوجيهات والتاكيهات والابلاتين والكوندينسر لان كل دة لسة جديدددددد) ارجوكم ردو عليااااااااا علشان هاتجنن
شوف ولو أن الموضوع غريب شويه.....ولكن كل شىء وارد.......على أساس ممكن تكون سوسته من بتوع الغرفه رقم 2 مكسوره....أو فولة الطبق بتاع صباب ملصت......علشان تتأكد من صدق كلام الميكانيكى....حل غطاء تزويد الزيت الموجود أعلى المحرك....ودور وخللى أى حد جوه العربيه يزود بنزين......لو كان فيه نفخ عادم كتير من مكان تزويد الزيت ...يبقى كلام الميكانيكى سليم وحتحتاج تحل وش السلندر........أما لو مفيشس نفخ ولا حاجه يبقى ممكن تكون البوجيهات الجديده مرطبه أو فيه مشكله فى الأسلاك بتاعة البوجيهات......وأبقى طمنا
عاوز اقولك ان الماكنة طلع فيها حاجة و انتا عاملها عمرة
و مادام مبتحملش عليها و هي سخنة
لو الميكانيكي ده هو اللي عملك عمرة
يبقى لازم تسيبه لان شكله مش فاهم شغله او معندهوش حرفية
الموضوع دة بقالة حوالى شهرين وانا مكبر دماغى منة لانة مش بيضايقنى خالص انا بحس بالموضوع دة والعربية واقفة بس والميكانيكى ورانى دة بانة شال كابل البوجية رقم 3 لقيت الموتور بقى بيرعش خالص وهيبطل ركبة اتظبط ,وشال رقم 2 لقينا مافيش فرق خالصصصص ولقينا ان فى شرارة طالعة من السلك بتاع البوجيه عادى جدا بس ركبناه مافرقتش ولقينا الماكينة بترعش بردة (النتيجة انا سلك رقم2 بيطلعلة كهرباء يعنى كدة مافيش مشكلة فى الكهرباء وتوصلة او تفكة مافيش اى نتيجة خالص) انتم بقى شايفين ايه لانى مش بقتنع بكلام ميكانيكية ابدا وانتم بس اللى بقتنع بكلامك الصراحة والف شكر لاهتمامكم بالموضوع يارب تكون مشكلة بسيطة علشان حرام افك وش السنلدر تانى واغير صبابات
يعنى لمل شال كبل الأسطوانه رقم 2 ...المحرك كان متلت ولا لا......وبرضه وضح الصوره كويس لما ركب الكبل بتاع رقم 2 تانى
حقول لحضرتك على تفسير الموضوع ده...............من الواضح ان فيه سسته من بتوع الغرفه رقم 2 انكسرت(أوفولة تأمين أحد الأطباق)......وعلشان كده مفيش أى استفادة من كبس للغرفه رقم 2 ....ولو فتحت غطاء الزيت العلوى والمحرك شغال حيطلع منه خليط من الهواء والبنزين (محروق جزئيا)..............وموضوع عدم ملاحظة الظاهره دى فى السرعات العاليه ...لأن الاسطوانات رقم 1&3&4 بتكون شايله الحمل لوحدها.....زى ماتكون العربيه متلته بسبب بوجيه فاصل......ولكن مع هدوء السرعه (زى حالة السلانسيه)...بتبان الأمور