الله يخليك ياأحمد....وأبقى قولى عملت ايه............علشان أنا مهتم بالموضوع ده علشان أسمك على أسم أبنى
انا قريت الموضوع صفحة صفحة
بص يا ريس انت اشترى دماغك و حل وش السلندر و جرب الصبابات نمرة 2 دى بالبنزين لو سيلت يبقى العيب من الصبابات و لازم يروح تانى للخراط لو ما سيلتش يبقى الصبابات و القواعد سليمة و كلة تمام التمام
يبقى حاجة من اتنتين
ركبة الكامة بتاعة رقم 2 متاكلة و ما بتفتحش الصباب كويس
التانية ان القاعدة بتاعة الصبابات رقم 2 سواء بنزين او شكمان ممكن تكون عالية و عاوزة تتوطى شوية دى شغلة خرااط
لو فكيت الوش انا ممكن اشوف لك العيوب دى بنفسى فى دقيقة و احدة
و قوللى الميكانيكى بتاعك دة مين انا اعرف معظم ميكانيكية البلد و فين
وربنا يوفقك
و قوللى كمان عملت الخراطة فين
و انا معاك و متابعك
ياباشا ربنا يخليك وشكرا لاهتمامك ......الميكانيكى اللى انا بصلى عليها ميكانيكى جربان كدة... فى شبرا
ومن ساعتها وانا مارحتلوش تانى وكبرت دماغى المشكلة انى مش حاسس العربية ماثرة فى حاجة وبتجرى جرى غبى جدا وسحبها ممتاز جدا والموتور بيعرق كمان! هو كل اللى بيحصل ان العربية لو دايرة فى مكانها لوشلت الكابل بتاع رقم2 وتوصلة مش هتلاقى اى فرق وكان العربية 3 سلندر بس .....الموضوع دة بقالة شهرين وانا ماشى بيها كدة وقلت يمكن تكون اتظبطت لوحدها ولا حاجة جيت غيرت البوجيهات من اسبوع وجربت لقيت نفس الموضوع بردة رقم 2 فى الباى باى!!!!!! تفتكر انى لما بجرى بالعربية وازود العربية بتشتغل 4 ولا بتبقى بردة 3؟؟؟؟؟؟؟؟؟؟؟؟؟؟؟؟؟؟
يا مان زى ما الأخوة قالو فك الوش وتظبيطه مش هايكلف كتير
بدل ما تقعد كدة ويبقا ماتورك فى الباى باى وساعتها هاتدفع كتير
اكيد لما بتقرص عليها بتشتغل 4 طبعا
طب جرب محاولة اخيرة
افتح التاكية دة زيادة شوية خلية يعمل صوت
وشوف العربية حتتظبط و نمرة 2 دة حيحس لما تشيل السلك بتاعة و لا لاء
ورد عليا