هل تؤمن بمقولة ((انا باشتري ماركة و مش مهم بلد المنشأ)) أم لا

عربيات كتير بدأت شركاتها تصنعها في بلاد تكلفة العمالة فيها رخيصة بالمقارنة بالبلد الام
لحد هنا و جميل بس هل يا ترى مستوى الجودة بيظل ثابت و الفرق بس بيكون في تكلفة اليد العاملة
و ايه اللي يمنع ان الدول دي تكون بتعك زي ما بنشوف في بعض التجميع المحلي لماركات عالمية شهيرة
يا ترى البلد الام تقبل بدخول مثل هذه السيارات لبلادها و لا ده انتاج موجه فقط للعالم الثالث بجودة اقل
هل تصدق فكرة ان الشركة لن تفرط في اسمها و سمعتها ام تؤمن ان المسألة في النهاية بزنس و اللي تغلب به العب به
الا يفترض ان الشركة اللي خايفة على اسمها كان من باب اولى تختار وكيل محترم ليها في البلاد التعبانة اللي زينا و تلزمه بمعايير صارمة للتسعير و خدمات ما بعد البيع

و لا ايه

الموضوع مش مطلق او بالتعميم دا خالص

المشكله الناس عندها فكره غلط تماما عن ان العربيه حتي لو اتصنعت في بلدها بتكون كل مكوناتها من بلدها

بس هو في فرق لازم نلاحظه من الاول في شركه بتشتري مصنع جاهز و بتشتغل عليه

و في شركه بتشتري حق اداره شركات تانيه و تخليهم هما اللي يعملوا العربيه و دا في حاله جنرال موتورز

و في زي تويوتا هي اللي بتروح و بتعمل تقريبا المصنع اساسا و بيشتغلوا فيه


الفرق بيكون اكيد موجود في جوده المنتج بس مش بالنسبه الفظيعه اللي الناس متخيلاها ممكن يكون اقل من 10%

في شركات بتعتمد علي تحديد انتاج موديل او فئه معينه في بلد

مثلا زي جنرال موتورز في كندا بيطلع منها اغلب فئات الsuv و حتي دي بتدخل امريكا

الاوبترا في امريكا بتدخل بأسم سوزوكي

و علي العكس الافيو هناك بتروح من مصانع دايو او المكسيك بس تحت شيفورليه عادي !

اللي اقصده ان مفيش قاعده معينه بتحكم الموضوع كل شركه و ليها سياستها و ليها ظروفها

اللي بيحصل في معظم الاحوال
ان كل دوله بتصنع حاجه و كله في الاخر بيروح لبلد التجميع اللي هي برضه بتصنع بدورها قطع للعربيه و العربيه بتروح للدول المقرر ليها ياخدو من المصنع دا :)

زي مرسيدس تقريبا بتعمل هنا روتور ديسك للفرامل او التيل مش فاكر تقريبا و بيتصدر لدول تانيه او بيروح كقطع غيار

الموضوع انت بتعامل كل موديل عربيه من شركه كشيئ لوحده مش تعميم لأنه بتختلف

اقتباس:

---

الا يفترض ان الشركة اللي خايفة على اسمها كان من باب اولى تختار وكيل محترم ليها في البلاد التعبانة اللي زينا و تلزمه بمعايير صارمة للتسعير و خدمات ما بعد البيع

---

هي دي اكبر مشكله منهم لأنهم للاسف مبيهتموش بينا لأن هنا في مصر سوق صغير اساسا

مبيعاتها في سنه بتعملها "او كانت يعني" في امريكا في شهر :)

الاتنين مهمين يعني بلد الصنع ساعات بتفرق في الماركات الكبيره برده و ساعات مابيكونش في فرق

والعربيات الصيني انا شايف ان لسه عليها شويه هما في مرحلة البحث و التطوير حالياً بس متوقع ليهم مكانه هايله في خلال الخمس سنين اللي جايين بعد لما يطوروا شويه و يعدلوا العيوب اللي بتظهر في العربيات و يزودوا معدل الامان شويه

بص يا سعادة الباشا انا كنت قاعد هنا مع مهندس في احدى شركات التجميع اللي موجوده في مصروكنا بنتكلم على التجميع خارج بلد المنشأ وطبعا بعد مناقشات قاللي ان طبعا التجميع داخل بلد المنشأ افضل بكتير وطبعا لاختلاف ثقافة العامل يعني لو انت عندك عربية بتتجمع في بلد ما ولنقول ان طبعا درجة جودة منتجاتهم 6/10 فلما ييجي يقفل العربية من جوة وطلعت حاجة مش مضبوطة هيحاول يمشيها اي كلام كده وصدقوني ده بيبان في عربيااااااااااااااات كتير

انما بقى لو اتقفلت في بلدها مثلا اليابان او المانيا العمل هناك لو لقى عيب لايكاد يكون ملحوظ لازم يعالجة عشان عندهك اتقان العمل شئ مهم

انا متفق مع برودرايف ان مفيش عربية كلها معمولة في بلد واحد لكن العربية اللي بتكون متقفلة في بلدها الاصلي على الاقل نسبة كبيرة من مكوناتها بتكون من نفس البلد و نفس مستوى الجودة
و بالنسبة لتيل الفرامل اللي بنصدره لمرسيدس انا واحد صاحبي شغال في إجا قاللي ان ده لان الصناعة الخاصة بتيل الفرامل دي اتمنعت عندهم لانها ملوثة للبيئة

اما موضوع الصيني بدري عليه شوية
طيب يا كريم تقول ايه في الشركات العالمية اللي هي مش مستنية شوية و كله بيجري على هناك

مازال الموضوع محير

انا شايف ان من خمس سنيين كانت العربيات الصيني سيئة جداً جداً بس دلوقتي بقت معقوله والاسبيرانزا مثلاً شغاله كويس رغم كل التحفظات اللي عليها فمتوقع ان بعد خمس سنين كمان هتكون احسن بكتييييييييير من دلوقتي و في عربيه زي البريلينس الجالينا عربيه صيني و حلوه برده

ماتفرقش معايا

انا المهم عندي الجودة بغض النظر عن البلد والماركة

اقتباس:

---

على الاقل نسبة كبيرة من مكوناتها بتكون من نفس البلد و نفس مستوى الجودة

---

بص دايما ركز مع السبلايرز بتوع اي الشركه

هما اللي بيصنعوا نجاح اي شركه او فشلها مع ان محدش بيهتم بيهم

من السبلايرز حتعرف العربيه دي قد ايه منها صيني و قد ايه منها الماني قد ايه منها ياباني و هكذا :)

الجودة مسئولة الماركة

لكن بلد المنشأة عبارة عن مكان ليس اكثر

الموضوع محير فعلا لكن انا افضل الحكم علي كل حالة علي حدي افضل
علي سبيل المثال
رينو لوجان المصنعة في المغرب بها 40% صناعة مغربية وبالتالي هنا بلد المنشا تلعب دور مهم وقوي
مرسيدس بنز تصنع في مصر لكن بمكونات المانية وتحت اشرافهم وبالتالي مصر ليس لها اي دور تقريبا

الاتجاه العام للاستطلاع بيقول ان الناس بقت بتؤمن اكتر باللي شايفاه بغض النظر عن بلد المنشأ او اسم الماركة

المشكله ان فى عربيات ليها سمعه ممتازه زى الفورد مثلا لكن مالهاش حظ هنا لانها قليله زى الاسكورت مافيش قطع غيار ولا ميكانيكيه كويسين
ده السبب اللى مخليها مالهاش سوق عندنا ومرخص ثمنها
يعنى مثلا فورد سكورت موديل 2000 فول اوبشن جميع الكماليات و1600 سىسى ب35000جنيه يعنى نفس فئة الشاهين فى السعر

اقتباس:

---

المشاركة الأصلية كتبت بواسطة PRO-DRIVE

vBulletiبص دايما ركز مع السبلايرز بتوع اي الشركه

هما اللي بيصنعوا نجاح اي شركه او فشلها مع ان محدش بيهتم بيهم

من السبلايرز حتعرف العربيه دي قد ايه منها صيني و قد ايه منها الماني قد ايه منها ياباني و هكذا :)n

---

مين السبلايرز دة ولا هو ملوش معنى بالعربي ؟؟؟؟؟؟؟

معلش أصل ثقافتي الأجنبية على قدي

اقتباس:

---

المشاركة الأصلية كتبت بواسطة kh_talaat

مين السبلايرز دة ولا هو ملوش معنى بالعربي ؟؟؟؟؟؟؟

معلش أصل ثقافتي الأجنبية على قدي

---

suppliers

يعني المورديين

اقتباس:

---

المشاركة الأصلية كتبت بواسطة mo7a_mo7a

الموضوع محير فعلا لكن انا افضل الحكم علي كل حالة علي حدي افضل
علي سبيل المثال
رينو لوجان المصنعة في المغرب بها 40% صناعة مغربية وبالتالي هنا بلد المنشا تلعب دور مهم وقوي
مرسيدس بنز تصنع في مصر لكن بمكونات المانية وتحت اشرافهم وبالتالي مصر ليس لها اي دور تقريبا

---

لاء طبعا مصر ليها دور كبير
لان قانون الصناعة بيحتم على اي مصنع سيارت مايقلش المكون المحلي داخل اي سيارة عن 45% وده قانون
وبيشمل الدهانات والزجاج والفرش والكاوتش والبطاريات والعوازل والشكمان والرداتير وكدة
لازم 45 % من مكونات السيارة

كلامك صح طبعاً...
يعني مصر هاتسبهم يفتحوا المصنع و تديهم تسهيلات جمركيه و إعفاءات كمان من غير ما يساعدوا الاقتصاد المصري...

اقتباس:

---

المشاركة الأصلية كتبت بواسطة karim_monir

لاء طبعا مصر ليها دور كبير
لان قانون الصناعة بيحتم على اي مصنع سيارت مايقلش المكون المحلي داخل اي سيارة عن 45% وده قانون
وبيشمل الدهانات والزجاج والفرش والكاوتش والبطاريات والعوازل والشكمان والرداتير وكدة
لازم 45 % من مكونات السيارة

---

كلام حضرتك نظريا صح لكن عمليا غلط
في مصنع مرسيدس وباقي مصانع السيارات في مصر بيتم تضخيم قيمة المكونات المحلية علي سبيل المثال هيونداي غبور بتحسب ثمن طقم الكراسي والكنب في الفيرنا (المصنعة محليا) بحوالي 7000 جنيه وطبعا ده رقم غير حقيقي
وبيحسبو مصنعية التجميع بقيمة 12% ومجرد انشاء خط التجميع يساوي 15% من قيمة السيارة ويحط كمان كوتش وبطارية وزجاج وشكمان وشكرااااااااااااااااااااا اااا

اما في مصنع مرسيدس فهم واعيين اوي بيعملو ايه بيجيبو الدهانات من المانيا وافران الرش من المانيا بردو :C_laugh[1]: ويحسبوا مصنعية الرش للسيارة الواحدة ب 2300 يورو !!!!!
ويستوردوا شرائح ومسطحات صلب من المانيا لعمل بعض اجزاء السيارة زي مثلا قواعد الموتور وبيجيبو المكن اللي بيشكلها من المانيا بردو :C_laugh[1]:
والاسم بيعملوها هنا وبيحسبو ان ثمن الصلب قبل التشكيل مثلا 1000 يورو وبعد التشكيل 20000 يورو يبقي عملو قيمة مضافة 19000 يورو:S_thum1[1]::S_thum1[1]::S_thum1[1]:
وحسابيا الكلام ده مظبوط لكن عمليا ان مفيش تصنيع محلي ولا حاجة
وبعدين كل العربيات بيحسبوا ان نازلها شكمان وكوتش وزجاج وبطارية مصري
ولكن في الحقيقة ان حضرتك لما بتروح تحجز بيخيرك عايز الحجات دي ولا احطلك الالماني؟؟؟ وطبعا الاجابة معروفة بالنسبة لشخص دافع مئات الالوف

وده اللي عملهم مشكلة السنادي لما جم لجان وزارة التجارة يفتشوا علي المصنع لقو المصنع استهلك كوتش محلي اقل بكتييييييييييييير من عدد السيارات المنتجة وكذلك الحال في باقي المكونات زي الزجاج والبطارية
وكان دفاع المصنع ان اصحاب السيارات طلبوا تغييرها وده من حقهم الا ان السيارة كانت تنتج في الاساس بكل هذا!!!
وطبعا دي ثغرات في القانون وسلامات للصناعة الوطنية

ملحوظة اخري هاااااااااااااااااااامة !!!!!

امتي اقول علي مكون انه محلي؟؟؟؟؟؟
يعني امتي مثلا اقول ان الكوتش ده مكون محلي ويتحسب محلي في العربية؟؟؟


الاجابة: لما تصل نسبة التصنيع المحلي فيه 40% من الخامات المستخدمة شاملة 15% لخط الانتاج

يعني لو 40% من السيارة مكونات محلي والمكونات دي بتبقي محلي بنسبة 40% منها
يبقي نسبة التصنيع المحلي الفعلي الحقيقي في مصر بعد تجنيب العمالة لا يتعدي ال 10%
ويا ريت اكون قدرت اوضح النقطة دي

اقتباس:

---

المشاركة الأصلية كتبت بواسطة mo7a_mo7a

ملحوظة اخري هاااااااااااااااااااامة !!!!!

امتي اقول علي مكون انه محلي؟؟؟؟؟؟
يعني امتي مثلا اقول ان الكوتش ده مكون محلي ويتحسب محلي في العربية؟؟؟


الاجابة: لما تصل نسبة التصنيع المحلي فيه 40% من الخامات المستخدمة شاملة 15% لخط الانتاج

يعني لو 40% من السيارة مكونات محلي والمكونات دي بتبقي محلي بنسبة 40% منها
يبقي نسبة التصنيع المحلي الفعلي الحقيقي في مصر بعد تجنيب العمالة لا يتعدي ال 10%
ويا ريت اكون قدرت اوضح النقطة دي

---

كلامك واضح جدا
و برغم كده بنلاحظ فروقات كبيرة جدا بين المصري و اللي جاي من بلده على طول
اكتر من نسبة ال 10 في المية

أنا باشتري ماركة

و عمر بلد المنشأ ما تأثر في قرار الشراء الا في حالة واحدة

صنع في مصر

و للأسف التأثير بيكون سلبي

اقتباس:

---

المشاركة الأصلية كتبت بواسطة الريس

كلامك واضح جدا
و برغم كده بنلاحظ فروقات كبيرة جدا بين المصري و اللي جاي من بلده على طول
اكتر من نسبة ال 10 في المية

---

دا نتيجة الفهلوة
وان خطوط الانتاج ليست قياسية وليست بنفس تصميم مثيلتها بالشركة الام
الي جانب الاعتماد علي العمالة اليدوية في اعمال اللحام والدهان والتقفيل
الي جانب ان ((بعض)) التوكيلات تستورد اجزاء من غير بلد المنشا ذات جودة منخفضة لتحل محل الاجزاء الاصلية من اجل توفير النفقات ومنها ما هو مستهلكات غير مهمة مثل تيل الفرامل والطنابير ومنها ما هو في غاية الاهمية ومكلف عند استبداله مثل السنترلوك والكاسيت والدينامو وطرمبتي البنزين والمياه
وبالتالي فعند شرائك سيارة كوري (هيونداي مثلا) تجد انك تاخذ محرك وشاسيه كوري واطارات وزجاج وبطارية وشكمان مصري وكاسيت وسنترلوك وتكييف وفرش صيني

هذا الي جانب غياب كثير من المكونات مثل
احتياطات الامان والفرامل المدعومة الكترونيا
بعض الفلاتر مثل فلتر التكييف اجهزة الرفع.....الخ

ارجو ان اكون اوضحت

كل هذا الي جانب غياب اسس مراقبة الجودة والاعتماد
ففي حين تستدعي شركة كبري مثل تويوتا عملاق صناعة السيارات والشركة الاولي علي مستوي العالم عشرات الالاف من السيارات سنويا بسبب عيوب صناعة او تصميم قد تشمل مجرد مسمار ذو مقاس خاطئ او سلك اقصر من اللازم بسنتيمتر مثلا
وتقوم باعدام عشرات السيارات قبل خروجها للسوق بسبب اخفاقها في تخطي اختبارات الجودة

نجد ان هذا لا يحث في مصر!!!!!!!!!!!!!!!!!!!!!!!!!!!!
طبعا السبب ليس تفوق الصناعة المصرية علي الصناعة اليابانية

اقتباس:

---

المشاركة الأصلية كتبت بواسطة Ahmed Samy

أنا باشتري ماركة

و عمر بلد المنشأ ما تأثر في قرار الشراء الا في حالة واحدة

صنع في مصر

و للأسف التأثير بيكون سلبي

---

حاليا النسبة متساوية بين كل الاختيارات
و لكن اشمعنى مصر بس اللي تجميعها بيكون سيء
مالناس اشتكت من التويوتا افانزا و الفيات الصيني والكورولا الجنوب افريقي و لا هي عقدة الخواجة

اقتباس:

---

المشاركة الأصلية كتبت بواسطة mo7a_mo7a

دا نتيجة الفهلوة
وان خطوط الانتاج ليست قياسية وليست بنفس تصميم مثيلتها بالشركة الام
الي جانب الاعتماد علي العمالة اليدوية في اعمال اللحام والدهان والتقفيل
الي جانب ان ((بعض)) التوكيلات تستورد اجزاء من غير بلد المنشا ذات جودة منخفضة لتحل محل الاجزاء الاصلية من اجل توفير النفقات ومنها ما هو مستهلكات غير مهمة مثل تيل الفرامل والطنابير ومنها ما هو في غاية الاهمية ومكلف عند استبداله مثل السنترلوك والكاسيت والدينامو وطرمبتي البنزين والمياه
وبالتالي فعند شرائك سيارة كوري (هيونداي مثلا) تجد انك تاخذ محرك وشاسيه كوري واطارات وزجاج وبطارية وشكمان مصري وكاسيت وسنترلوك وتكييف وفرش صيني

هذا الي جانب غياب كثير من المكونات مثل
احتياطات الامان والفرامل المدعومة الكترونيا
بعض الفلاتر مثل فلتر التكييف اجهزة الرفع.....الخ

ارجو ان اكون اوضحت

---

كلام صح جدا
و الاكتر من كده الحماية الاحتكارية اللي ممنوحة للمجمعين و ده بيشجعهم يبيعو باي سعر و اي جودة

اقتباس:

---

المشاركة الأصلية كتبت بواسطة الريس

كلام صح جدا
و الاكتر من كده الحماية الاحتكارية اللي ممنوحة للمجمعين و ده بيشجعهم يبيعو باي سعر و اي جودة

---

الرعاية الحكومية لصناعة السيارات المحلية المدعية
يجب ان تتوقف
فالحكومة كانت تراعي مصالح العمالة وتحاول تنمية الاستثمارات لكن بعد البدا في تنفيذ اتفاقية الجات ووصول الجمارك علي السيارات الاوروبية صفر% عام 2019 لم يعد هناك مجال للدلع والطبطبة علي تلك الشركات

الشركة التي لن تستطيع تقديم منتج ينافس الرينو والبيجو والاوبل والفولكس فاجن والفيات فضلا عن مرسيدس و Bmw بعد 10 سنوات فقط من حيث الجودة والسعر حتقفل ولن تجد من يشتريها

وشاكر لردك
ولك الله يا مصر

اقتباس:

---

المشاركة الأصلية كتبت بواسطة الريس

حاليا النسبة متساوية بين كل الاختيارات
و لكن اشمعنى مصر بس اللي تجميعها بيكون سيء
مالناس اشتكت من التويوتا افانزا و الفيات الصيني والكورولا الجنوب افريقي و لا هي عقدة الخواجة

---

لا والله ياريس ...
عقدة الخواجة دي معناها ايه
ان فيه مفهوم دفين جوانا اننا مانقدرش نعمل زي الخواجة لمجرد أنه خواجه ...

و ده قطعا خطأ

مش لمجرد أنه خواجه ...:Zb_sor1[1]:

احنا ما نقدرش نعمل حاجة كويسة لأن الصانع المصري فيه ميزتين مفقودين تماما

الذكاء و الضمير

و الاتنين بيصبوا في اتجاه واحد

انه يهمه يكسب دلوقتى كام و ملعون أبو بكره
تلاقي الخامات السيئة و التقفيل مش الردئ ..المعفن
و السعر (سبحان الله ) تلاقيه مش مناسب للسلعة
اللهم الا بعض الماركات و منها "العربي" مثلا و :"الهلال و النجمة"

انا مش باقوول رأيي ده اعتباطا كده ..لا و الله

أنا وحتى سنتين فاتوا كنت مشجع للصناعة المصرية بأي ثمن و تحت أي عيب فيها من منطلق اننا لازم نساعد الناس دي علشان تقدر تقف على رجليها و تحسن أداءها و تعمل تحسينات وطنية خاصة عليها في سبيل الوصول لماركة مصرية أصيلة

و اكتشفت بعد تجارب عديدة و تفكيك أجهزة و اتلاف ادوات كثيرة

ان العيب مش في القوة و لا الإمكانيات

العيب في الضمير

و العيب لما ييجي في الضمير ...يبقى انسى

انا مش هاساند حد و ادفع مليم أنا و بيتي و أولى بيه علشان اساند واحد مخوخ من قلبه

بالعكس
أنا المفروض أكون مستهلك محترم و أحترم الصانع الي بيحترمنى و يديني سلعة كويسة ولو بثمن مرتفع


و علشان تعرف مثل للتجربة
انا و أنا باجهز اشتريت كل حاجة في البيت مصرية الصنع تقريبا و اشتريت أغلى الطرازات علشان ماحدش يفتكرني باستخسر في بيتي و علشان أرضي نفسي برضه

و مازلت حتى اليوم استبدل الأجهزة قطعة قطعة بسبب عيوب قد تكون صغيرة ..لكنها تكسف و تقرف

أتمنى أكون وصلت الفكرة

المهم الجوده وليس بلد المنشأ

اقتباس:

---

المشاركة الأصلية كتبت بواسطة Ahmed Samy

لا والله ياريس ...
عقدة الخواجة دي معناها ايه
ان فيه مفهوم دفين جوانا اننا مانقدرش نعمل زي الخواجة لمجرد أنه خواجه ...

و ده قطعا خطأ

مش لمجرد أنه خواجه ...:Zb_sor1[1]:

احنا ما نقدرش نعمل حاجة كويسة لأن الصانع المصري فيه ميزتين مفقودين تماما

الذكاء و الضمير

و الاتنين بيصبوا في اتجاه واحد

انه يهمه يكسب دلوقتى كام و ملعون أبو بكره
تلاقي الخامات السيئة و التقفيل مش الردئ ..المعفن
و السعر (سبحان الله ) تلاقيه مش مناسب للسلعة
اللهم الا بعض الماركات و منها "العربي" مثلا و :"الهلال و النجمة"

انا مش باقوول رأيي ده اعتباطا كده ..لا و الله

أنا وحتى سنتين فاتوا كنت مشجع للصناعة المصرية بأي ثمن و تحت أي عيب فيها من منطلق اننا لازم نساعد الناس دي علشان تقدر تقف على رجليها و تحسن أداءها و تعمل تحسينات وطنية خاصة عليها في سبيل الوصول لماركة مصرية أصيلة

و اكتشفت بعد تجارب عديدة و تفكيك أجهزة و اتلاف ادوات كثيرة

ان العيب مش في القوة و لا الإمكانيات

العيب في الضمير

و العيب لما ييجي في الضمير ...يبقى انسى

انا مش هاساند حد و ادفع مليم أنا و بيتي و أولى بيه علشان اساند واحد مخوخ من قلبه

بالعكس
أنا المفروض أكون مستهلك محترم و أحترم الصانع الي بيحترمنى و يديني سلعة كويسة ولو بثمن مرتفع


و علشان تعرف مثل للتجربة
انا و أنا باجهز اشتريت كل حاجة في البيت مصرية الصنع تقريبا و اشتريت أغلى الطرازات علشان ماحدش يفتكرني باستخسر في بيتي و علشان أرضي نفسي برضه

و مازلت حتى اليوم استبدل الأجهزة قطعة قطعة بسبب عيوب قد تكون صغيرة ..لكنها تكسف و تقرف

أتمنى أكون وصلت الفكرة

---

طبعا فكرتك وصلت يا دكتور
ووجه نظرك مطابقة لافكار كتير من الناس اللي خايفة علي البد بجد
وانااايدك فيها
لكن لا تنسي ان السبب الاول هو التعليم السئ والجامعات البايظة واللي بتخرج خريجين غير اكفاء

بالاضافة الي ان اصحاب رؤس الاموال كلهم بوشين
يعني مثلا نفس المصنع تلاقيهبيطلع نوعين من البضاعة محلي وتصدير
وتلاقي بضاعة التصدير اكفا وامتن واحسن كتييييييييير واللي يجنن انها في نفس التكلفة تقريبا وده عن خبرة شخصية مع اكتر من مصنع

ولما تساله وتقوله طب ليه متعملش كل شغلك كده يبتسم ابتسامة بلا معني وميردش
ولما تضغط عليه وتحاوره يرد باحدي الاجابات التالية

1- وانا اقرف نفسي ليه يا بيه؟
2- انا معنديش مواصفة محلي انما الدولي بتشترط عليا كذا وكذا او يقولك المواصفة المحلي تسمحلي (وفعلا بيكون عندهم حق بسبب فقر المواصفة المحلية)
3- انت عايز تخرب بيتنا؟ امال الناس حتكسر امتي وتغيير امتي؟ انا لازم ابيع يا باشا ولو البضاعة عاشت عند الزبون سنة حنكسب ازاي؟؟
4- سلو بلدكم كده
5- الزبون عايز الحاجة رخيصة

طبعا انا جمعت الاجابات اللي اعتبرتها من وجهة نظري منطقية
لكن كلها تدل علي استهتار بالمستهلك المصري وتسيب السوق وغياب الرقابة وفقر القوانين
يعني باختصار احنا عيشين في مولد وصاحبه غايب

اقتباس:

---

المشاركة الأصلية كتبت بواسطة mo7a_mo7a

طبعا فكرتك وصلت يا دكتور
ووجه نظرك مطابقة لافكار كتير من الناس اللي خايفة علي البد بجد
وانااايدك فيها
لكن لا تنسي ان السبب الاول هو التعليم السئ والجامعات البايظة واللي بتخرج خريجين غير اكفاء

بالاضافة الي ان اصحاب رؤس الاموال كلهم بوشين
يعني مثلا نفس المصنع تلاقيهبيطلع نوعين من البضاعة محلي وتصدير
وتلاقي بضاعة التصدير اكفا وامتن واحسن كتييييييييير واللي يجنن انها في نفس التكلفة تقريبا وده عن خبرة شخصية مع اكتر من مصنع

ولما تساله وتقوله طب ليه متعملش كل شغلك كده يبتسم ابتسامة بلا معني وميردش
ولما تضغط عليه وتحاوره يرد باحدي الاجابات التالية

1- وانا اقرف نفسي ليه يا بيه؟
2- انا معنديش مواصفة محلي انما الدولي بتشترط عليا كذا وكذا او يقولك المواصفة المحلي تسمحلي (وفعلا بيكون عندهم حق بسبب فقر المواصفة المحلية)
3- انت عايز تخرب بيتنا؟ امال الناس حتكسر امتي وتغيير امتي؟ انا لازم ابيع يا باشا ولو البضاعة عاشت عند الزبون سنة حنكسب ازاي؟؟
4- سلو بلدكم كده
5- الزبون عايز الحاجة رخيصة

طبعا انا جمعت الاجابات اللي اعتبرتها من وجهة نظري منطقية
لكن كلها تدل علي استهتار بالمستهلك المصري وتسيب السوق وغياب الرقابة وفقر القوانين
يعني باختصار احنا عيشين في مولد وصاحبه غايب

---

يبقى الأفكار تتقاطع في ان الأسباب في تردي الصناعة المصرية هي :
1 - عدم وجود مواصفات محلية قوية
2 - عدم وجود أمانة في التصنيع (بسبب عدم وجود مواصفات صارمة بالطبع)
3 - عدم وجود خبرات علمية جادة بسبب ضعف مؤسسه التعليم
4 - عدم وجود مستهلك قوي يعرف أن له حقوقا ليبحث عنها من جودة و عمر افتراضي و سعر


احنا كفاية هنا بقى و نعمل مشروع موضوع جديد يناقش النقاط دي ومن أهمها التعليم العالي و التعليم الصناعى و المهني في مصر

نتقابل للتجهيز على الخاص أو msn

اقتباس:

---

المشاركة الأصلية كتبت بواسطة Ahmed Samy

يبقى الأفكار تتقاطع في ان الأسباب في تردي الصناعة المصرية هي :
1 - عدم وجود مواصفات محلية قوية
2 - عدم وجود أمانة في التصنيع (بسبب عدم وجود مواصفات صارمة بالطبع)
3 - عدم وجود خبرات علمية جادة بسبب ضعف مؤسسه التعليم
4 - عدم وجود مستهلك قوي يعرف أن له حقوقا ليبحث عنها من جودة و عمر افتراضي و سعر


احنا كفاية هنا بقى و نعمل مشروع موضوع جديد يناقش النقاط دي ومن أهمها التعليم العالي و التعليم الصناعى و المهني في مصر

نتقابل للتجهيز على الخاص أو msn

---

انا رأي ان اهم حاجه نبتدي بيها هي وجود وماصفات محليه قويه مع وجود رقابه صارمه علي المنتجين للالتزام بها و ده هايجبر المصنعيين علي تدريب العمال علي الجوده المطلوبه...

بس ده كله مش هايجيي غير لما الحكومه تتحرك و الحكومه طبعاً مش هاتتحرك غير لما تلاقي مطلب شعبي عام بكده

اما اصلاح منظومة التعليم العالي و الواطي فديه ناس كتير اتكلمو فيها و لا حياة لمن تنادي

جميل جدا بس معنى كلامك ده مثلاان مفيش فساد في الدول التانية اللي عندها خطوط تجميع زي الهند و البرازيل و غيرهم

اقتباس:

---

المشاركة الأصلية كتبت بواسطة الريس

جميل جدا بس معنى كلامك ده مثلاان مفيش فساد في الدول التانية اللي عندها خطوط تجميع زي الهند و البرازيل و غيرهم

---

احنا اللي بنشوفه منهم منتج كويس
في فساد مافيش فساد دي مش قضيتنا
المهم ان made in India بقت كلمة ماتخوفش

اقتباس:

---

المشاركة الأصلية كتبت بواسطة Ahmed Samy

احنا اللي بنشوفه منهم منتج كويس
في فساد مافيش فساد دي مش قضيتنا
المهم ان made in India بقت كلمة ماتخوفش

---

انا متفق ان المنتج بتاعهم احسن من بعض منتجاتنا
لكن بتيجي برضو من عندهم حاجات زبالة
انا بس كان قصدي نتناقش ان التجميع خارج البلد الاساسي لسة مبقاش له نفس الثقة و لا ايه بالضبط
ده هدف الاستطلاع

اقتباس:

---

المشاركة الأصلية كتبت بواسطة Ahmed Samy

يبقى الأفكار تتقاطع في ان الأسباب في تردي الصناعة المصرية هي :
1 - عدم وجود مواصفات محلية قوية
2 - عدم وجود أمانة في التصنيع (بسبب عدم وجود مواصفات صارمة بالطبع)
3 - عدم وجود خبرات علمية جادة بسبب ضعف مؤسسه التعليم
4 - عدم وجود مستهلك قوي يعرف أن له حقوقا ليبحث عنها من جودة و عمر افتراضي و سعر


احنا كفاية هنا بقى و نعمل مشروع موضوع جديد يناقش النقاط دي ومن أهمها التعليم العالي و التعليم الصناعى و المهني في مصر

نتقابل للتجهيز على الخاص أو msn

---

طب متيجي نلخصهم للنصف
1- عدم وجود مواصفات محلية قوية
2 - عدم وجود أمانة في التصنيع (بسبب عدم وجود مواصفات صارمة بالطبع)

1+2= غياب المواصفات القياسية العصرية وقوانين التجارة الحرة

3 - عدم وجود خبرات علمية جادة بسبب ضعف مؤسسه التعليم
4 - عدم وجود مستهلك قوي يعرف أن له حقوقا ليبحث عنها من جودة و عمر افتراضي و سعر (نتيجة الجهل بالحقوق وقلة المعرفة بسبب ضعف التليم ايضا)

3+4 = ضعف مستوي التعليم في كل مراحله وانخفاض جودته


وبالتالي تكون قضيتنا في نقطتان

1- المواصفا القياسية والتوحيد القياسي ورقابة الجودة والقوانين المتعلقة بالتجارة الحرة
2- التعليم وجودته وتطوره وعصريته بكل مراحله وفئاته

اقتباس:

---

المشاركة الأصلية كتبت بواسطة Ahmed Samy

احنا اللي بنشوفه منهم منتج كويس
في فساد مافيش فساد دي مش قضيتنا
المهم ان made in India بقت كلمة ماتخوفش

---

الفساد موجود في كل دول العالم لكن العبرة بالية محاربته وقدرة المجتمع علي لفظه وتحجيمه
انما في مصر اخترعنا مسميات للفساد لتجميله

انا سعيد فعلا باللي تم هنا وكفاية النتيجة الي وصلنالها وشوفوا بدانا بايه وانتهينا بايه
ويا ريت نكمل ونعمل موضوع جديد لمناقشة كيفية النهوض بالصناعة المصرية
وحاخد انا بعد اذن حضراتكم المبادرة للدعوة لهذا الموضوع
وادعو العضو الفاضل صاحب الفكرة في البداية "الريس" لانشاء موضوع جديد في اقرب وقت ممكن بعنوان
""اسس تحديث الصناعة المصرية""
نناقش فيه القوانين والسبل التي تمكننا من النهوض بالصناعة في مصر ونقارن تجارب العالم

كما ادعو كل الاعضاء الافاضل الذين اثروا الموضوع هنا بالانتقال للمقال الجديد والمناقشة اكثر عمقا واحترافا علنا نصل في النهاية لشئ مفيد قد ينفع وطننا

لنحاول

اقتباس:

---

المشاركة الأصلية كتبت بواسطة mo7a_mo7a

انا سعيد فعلا باللي تم هنا وكفاية النتيجة الي وصلنالها وشوفوا بدانا بايه وانتهينا بايه
ويا ريت نكمل ونعمل موضوع جديد لمناقشة كيفية النهوض بالصناعة المصرية
وحاخد انا بعد اذن حضراتكم المبادرة للدعوة لهذا الموضوع
وادعو العضو الفاضل صاحب الفكرة في البداية "الريس" لانشاء موضوع جديد في اقرب وقت ممكن بعنوان
""اسس تحديث الصناعة المصرية""
نناقش فيه القوانين والسبل التي تمكننا من النهوض بالصناعة في مصر ونقارن تجارب العالم

كما ادعو كل الاعضاء الافاضل الذين اثروا الموضوع هنا بالانتقال للمقال الجديد والمناقشة اكثر عمقا واحترافا علنا نصل في النهاية لشئ مفيد قد ينفع وطننا

لنحاول

---

حاضر يا سيدي تحت امرك

واحنا في الانتظار قدامك مهلة 24 ساعة
يلا قبل ما الناس تنسي