الموضوع: اقول لك لية cars_lover مكملش الحكاية

والله يا جماعة الموضوع كده أخد سكة مش تمام
المفروض إننا نستفيدمن بعض وكمان مفروض إن كل واحد يكون له مطلق الحرية في التعبير عن وجهة نظره .
أنا شايف إن صاحب المشكلة الأساسية هو الوحيد اللي له حق الاعتراض على ما كتب وليس أي حد تاني ( لاوم الواحد يدافع عن شيئ مقتنع به 100 % .

يا ريت الجو يهدى أحسن ونتصرف بحكمة وعقلانية حتى لا تتوه الحقائق وتضيع بالدخول في مناقشات لا تفيد ...

المشاركة الأصلية كتبت بواسطة ahmed1981

أنا ما أتذكره جيداً أن أحد البساتم لديه شرخ أو إتكسر وهو لا يزال في الضمان
وتم عمل إصلاح للموتور مناصفة في التكلفة بين صاحب الموضوع وبين التوكيل
وهذا هو الرابط ليكون الكلام موثق ولكي لا أكون أوصل معلومات مغلوطة كما وضحت سيادتك:

http://www.nilemotors.net/Nile/showthread.php?t=15635

وياريت تفهم كلامي
أنا لا أضرب مثال للذم في السيارة
أنا أوضح إن وارد من أي سيارة من صنع الإنسان وليست من صنع الله عيوب الصناعة
وهذه العيوب طبيعية في حدود معقولة لأن نسبة الخطأ لا يمكن تفاديها 100%
لذلك لما واحد عضو معانا يشتكي من عربية المفروض إنها ماركة قليلة أخطاء الصناعة

مينفعش نكذبة لمجرد إن الموضوع مش داخل دماغنا
ونفتح مواضيع للتهكم عليه
هذا هو قصدي من الكلام

تمام يا ابو حميد... زي ما قلتلك... عربيه خالد مكانتش في التليين... و كانت عامه 80000 كم و هوه ده الكلاماللي في اللينك

المشاركة الأصلية كتبت بواسطة Ahmed Hassan

تمام يا ابو حميد... زي ما قلتلك... عربيه خالد مكانتش في التليين... و كانت عامه 80000 كم و هوه ده الكلاماللي في اللينك

مش في التليين
لكن في الضمان
أنا كده مش ضلالي ولا إيه
وفي الحالتين متفرقش لأنها مسؤولية الوكيل

أكيد مش أمر عادي إن البستم يشرخ والعربية لسة في الضمان
ولذلك أنا ضربت بيها مثال إن وارد وجود عيوب صناعة في الضمان

مش المقصود البستم شرخ في التليين ولا في الضمان
المقصود إن وارد عيوب الصناعة

فمفيش داعي تتهمني بتوصيل معلومة مغلوطة للناس
ومفيش داعي للحساسية الزيادة للعربية التي نملكها لدرجة إننا نتسرع ونغلط في الناس
وأظن الكلام التالي ده كلامك:

المشاركة الأصلية كتبت بواسطة Ahmed Hassan

فياريت تتأكد من الكلام الأول علشان منوصلش معلومه مغلوطه للناس اللي عايزين نساعدهم... اللي هما اعضاء المنتدى.

المشاركة الأصلية كتبت بواسطة ahmed1981

مش في التليين
لكن في الضمان
أنا كده مش ضلالي ولا إيه
وفي الحالتين متفرقش لأنها مسؤولية الوكيل

أكيد مش أمر عادي إن البستم يشرخ والعربية لسة في الضمان
ولذلك أنا ضربت بيها مثال إن وارد وجود عيوب صناعة في الضمان

مش المقصود البستم شرخ في التليين ولا في الضمان
المقصود إن وارد عيوب الصناعة

فمفيش داعي تتهمني بتوصيل معلومة مغلوطة للناس
ومفيش داعي للحساسية الزيادة للعربية التي نملكها لدرجة إننا نتسرع ونغلط في بعض

يا سيدي الفاضل انا مغلطتش فيك و مقولتش حاجه. و مع ذلك العربيه و لا هيه كانت في التليين و لا في الضمان. و انا مش بدافع عن حد و الله.. و لا غلطت فيك و لا ممكن اغلط لأنك انسان محترم (وانا كمان بحاول اكون انسان محترم). انا عمري ما تحيزت لعربيه لأن دي اذواق... و كل واحد ليه دماغه. من ناحيه تانيه البنزين ممكن يكسر البستم لو بتشد جامد بالعربيه (وده اللي بيعملوا معظم اللي معاهم سوبارو) انا اعرف واحد معاه عربيه سوبارو كان في الصيانه (امبريزا 2003 او 2004) كان بيغير سير الكاتينه لتالت مره (العربيه عامله حوالي 260000 كم) بيحلفلى انه على طول بيحط بنزين 90.. و اتزنق قبل كده حط 80... بس تفتكر انه بيسوق على سرعه 170 و 180؟!! طبعا لأ.. لو عايز تجيب اخر الموتور لازم تهيأ ليه الظروف المناسبه. على فكره انا لسه مغير البوجيهات قريب بعد 10000 كم فقط من تركيبها بسبب البنزين... و لو كنت شديت على العربيه في الحاله دي كان ممكن يحصل فيها مشكله.. و ده مش شيء غريب ابدا.

يا ريت متزعلش مني لأني فعلا مش قاصد ازعل حد.

حصل خير
وحضرتك راجل محترم
وشكراً لحضرتك على سرعة الرد

+1111111111