الموضوع: خاص بالماتريكس الأوتوماتيك

السيد جندى مجنـد لما بتعمل كيك داون بدواسة البنزين بتحث ان العربية اتخنقت ةبعدين بتفك لكن لما بتستخدم زرار ال over drive وتكون على سرعة عالية 70 مثلا بيكون الموضوع افضل

الاستاذ sebai

تسارعها فعلا مش اد كده بس عاوزك تلاحظ انه بيكون احسن لو دورت العربية الصبح وطلعت بيها على طول يعنى تدور وتطلع بيها بعد 3 دقاقئق مثلا حتلاقيها بتجرى بيك جرى وتسارعها ممتاز ولكن لما بتسخن والموتور يوصل لدرجة حرارته العادية بترجع تانى للتسارع الممل بتاعها جرب وقوللى رايك

يا جماعه انتو ليه مش عايزين تفهموا يعني ايه اوتوماتيك.......
انا من الناس اللى اهتميت كتير بالموضوع ده,لأني مقبل على شراء لانسر 1300 اوتوماتيك انشاء الله
لازم نعرف احنا عايزين ايه من عربيتنا......راحه بال ولا تغريز وتشد مع العربيات؟؟؟؟؟؟؟
شوف انت عايز ايه وحدد....رغم انى متأكد ان مدينه زى القاهره مثلا مش عايزه غير اوتوماتيك لأن الطرق دى اصلا مش هتديك فرصه انك تشد عليها الا لو مستغني وعايز تكسر عربيتك.
ده رأيي..

استاذ / ramyfaris
بالمناسبة ال لانسر 1300 + تكييف + باور مش حتعجبك لان الموتور ال 1300 لما التكييف بيشتغل بيضعفها جدا ومش هى لوحدها ده معظم ال 1300
اشترى حاجة لا تقل عن 1500 ولو 1600 يبقى افضل

المشاركة الأصلية كتبت بواسطة thegreatnileman

السيد جندى مجنـد لما بتعمل كيك داون بدواسة البنزين بتحث ان العربية اتخنقت ةبعدين بتفك لكن لما بتستخدم زرار ال over drive وتكون على سرعة عالية 70 مثلا بيكون الموضوع افضل

الكلام دة بالتكييف ولا بدونه ولا مش فارق؟ كمان أعتقد لو بتعمل تسارع والـ rpm فوق الـ 2500 أو 3000 حيديلك نتيجة أفضل بكتير من لو التسارع تم من عند 2000 أو أقل و مش حتحس ان العربية اتخنقت و فكت

السيد جندى مجند
كلامك صح بس لما تكون السرعة بطيئه يعنى ماشى 30-40 كم بتعمل كده انما لما تكون ماشى على 80-90 وتدوووووس بتبقى احسن (الفرق مش كبير سواء ب او من غير التكييف لان الموتور 1600)