مشروع التاكسي
مشروع سيارة الاجرة بالعداد هل هو مشروع فاشل ام ناجح
عرض للطباعة
مشروع التاكسي
مشروع سيارة الاجرة بالعداد هل هو مشروع فاشل ام ناجح
with the bondera...it will be a win-win if the fare is set at a fair price.
Now, the cab drivers will not like to go back to the bondera as they will have to abide to the fare.
Also, the drivers who drive the new B/W cars will not like the whole bondera thing because they have big loanes to pay back on their new cars....
كان ليا صديق دخل التجربة دي وربح قليلا لكن التجربة فشلت في مجملها بعد 3 سنوات نتيجة ان نجاحها يعتمد علي سببين
اما ان تقود السيارة بنفسك
او تكون لك خبرة طويلة في التعامل مع السائقين واعني بطويلة 10 سنوات مثلا
لكن غير هذا ستواجه مشاكل كثيرة
مفيش حد مر بالتجربه وكسب منها زي ماذكر في مواضيع اخري
انا ذكرت ان صديقي ده كسب منها لكن مش زي ما انت متخيل فضلا عن المشاكل
وللعلم انا عشت معاه التجربة دي يوم بيوم وعلي مدار 3 سنوات وغير خلالها 6 او 7 عربيات وباع واشتري وكسب في البيع والشرا ولكن في المجمل بعد 3 سنوات لما تقييم التجربة تلاقي ان المحصلة النهائية متسويش البهدلة
وان في استثمارات تانية ممكن يكون العائد بتاعهااكبر وبمشاكل اقل
ومتنساش ان مستوي الناس اللي انت حتتعامل معاهم مش حيريحك وان كمان خبرتهم عالية واكبر منك
تخيل انت مصير اي شركة حيكون ايه لو الموظفين اللي فيها بيفهموا في الشغل اكتر من المدير؟؟
اكيد حتبقي ميغة
يااهلا ومرحبا
فعلا ردودك عجباني كلها ردود شخص احتك او عايش من احتك بهذا الشيء اللي لفت نظري في مواضيع اخري في ذات المنتدي هو ان دخل السائق يوميا مايقارب300 جنيه وفي موضوع اخر ان السيارة الاجرة بعد سداد القسط وكافة المصاريف بتصفي 2000جنيه واكثر في الشهر مع مخالفة ذلك للحقيقة مما اثار ذلك فضولي للسؤال:S_thum1[1]:
كلة كوم ومعاملة المرور لسواق التاكسى كوم تانى ما بيفرقوش بين بكارليوس من عربجى
شوفى الموضوع ده
http://www.nilemotors.net/Nile/showthread.php?t=50175
التاكسي ممكن يصفي اكتر من كده كمان في الصيف ممكن يوصل 3000 او اكتر بعد المصاريف لكن امتي؟
1- عربية بحالة جيدة
2- تعمل 16 ساعة يوميا
3- صيانة دورية
4- صاحبها هو هو السائق وقبل كل هذا خبرة طوييييييييييييييييييييييي يييلة في المجل
انت ذكرتني باحد السائقين الذي كان يعمل علي السيارة وكان واد صاحب مزاج مشتري كاسيت وسماعات بايونير باكتر من 3000 جنيه يركبهم في اي عربية يشتغل عليها علشان يتسلطن
المهم الواد ده كان محترف كذب .. يموت لو قال الحقيقة وعنده استعداد يكذب لمجرد انه يكذب ويستحيل تعرف منه الحقيقة وعلي طول يخنسر في الاجرة ويالف قصة وحدوتة ويصدعك
واحد تاني كان شايل علبة في شنطة التاكسي فيها جاز زفر من عند ميكانيكي
كل يوم يطلع بالعربية يعمل (الفردة) بتاعته وبعدين يركن في اي حتة فاضية ويتصل بصاحبي او بيا لان صاحبي سعات بيكون مشغول ويقول تعالولي انا عطلان
اروح الاقيه ملحوس نفسه جاز ويقلك انا عملت دور ب 5 جنيه وعطلت والله ومحتاس بالعربية من الصبح وجبت ميكانيكي واخد 50 جنيه ولسة ماشي وانا بشهدكم علشان مفيش فلوس النهاردة وانا عايز منكم 45 جنيه غير يوميتي
اول مرة عدت تاني مرة عدت بعد كده كنت انا اللي قابلته بس المرادي كان راجع بالعربية يجرش بحجة انها عطلت بردو المهم قلتله متجررش .. قالي ليه؟ قلتله في مشوار صغير للبنزينة المهم خدته ورحت وقلت للواد فوول بعد ما حط بنزين كام يا ابني قالي 40 لتر!!!!
طبعا هو بياخد العربية مفوولة من السواق اللي قبليه معني ده انه طووووووووووول النهار شغال وبيلف ويرجع ينصب علينا وخد الفلوس لنفسه وحتي محاولش يحط بنزين
سائق تاني ده بقي كان مفتري بجد مشي كويس اول اسبوع وبعدين خد العربية في يوم علي ان عنده مشوار مخصوص وفيه فلوس حلوة وحيغيب طوووول اليوم المهم صاحبي قاله ماشي
وخد العربية وطلع لميكانيكي وفك كل الحجات الجديدة وبدلها بحجات استعمال وباع الجديد !!!!!!
وتاني يوم ادانا مفاتيح العربية وقالنا انا حشتغل مع ناس تانية وعرفنا بعد فترة وكانت قصة لانه قال اا سايبكم من مده ومش انا وممكن يكون اي حد من اللي جم بعدي
من المحاولات بردو
صاحبي ده اتفق مع 2 سواقين اخوات وامنا جدا في الحقيقة ياخدوا العربية لحسابهم ويدفعوا 1500 في الشهر وتبقي الصيانة عليهم
مش الحال شهرين ومكنوش مقصرين في اي حاجة وبعد كده جابو العربية موتورها مفوت وقالوا احنا متفقين علي الصيانة العادية انما دي مش غلطتنا!
صاحبي راح بعدها غير الموتور والورق بتاع الموتور الجديد ضاع في المرور وكانت حوسة وكان الحل انه يركب القديم تاني علشان ميعاد التجديد قرب او يشتري غيره:_Alshmokh08[1]: بس ربنا ستر ولقي الورق بعد 6 شهور بحث وبتاع 1000 جنيه اكراميات
وخد من ده كتييييييييييييييييييييييي يير
ده غير المرور وبلاويه
ايه رايك بقي
يااستاذ موحا ..لو كانوا الناس بيخافوا من ربنا وعندهم
ضمير وبيطبقوا تعاليم الاسلام مكانش كل ده حصل وكان كل واحد كسب ...السواق هيكسب وصاحب التكسي هيكسب ...ولكن هنعمل ايه..
وانا فكرت ان اشتري تاكسي واشغل عليه سواق او اشتري عربيه واجرها لزياده الدخل ,,وفي الاخر لاعملت كده ولاكده علشان انعدام الضمير وهتعب قلبي على الفاضي
شركات تاكسى العاصمة اكبر مشكلة عندهم
التعامل ما السائقين
فما بالك لو مكنشى فيه خبرة فى الموضوع ده خالص
نحسبها بالراحة
إيراد التاكسي بيكون حسب سعر الوردية
مثلاً الشاهين النظيفة سعر الوردية من صاحب التاكسي للسواق 60 جنيه (رقم تقريبي من فم سائق تاكسي)
يبقى السواق هيشتغل 8 ساعات على التاكسي مقابل إنه يرجع يدفع 60 جنيه لصاحب التاكسي ويقوم بملئ خزان الوقود كما كان
نروح لسواق التاكسي
هيعمل كام كيلو في ال 8 ساعات ؟؟
نفترض على أفضل الأحوال في القاهرة هيمشي 200 كيلومتر على أساس إنه شغال ال 8 ساعات بالكامل على سرعة 25 كلم/س (وهذا فرض صعب لكن ممكن يحصل)
هيحتاج حوالي 25 لتر بنزين على الأقل سعرهم حوالي 45 جنيه بنزين 90
إذن المصاريف حتى الآن = 60 + 45 = 105 جنيه
طيب نفكر هو هيجيب كام جنيه في ال 8 ساعات من الشغل ؟؟
هنقول بزيادة أوي بالكتير حوالي 125 جنيه
صافي ربح السواق في الوردية الواحدة حوالي= 125-105= 20 جنيه (قد يزيد وينقص حسب رزقه)
يعني السواق الذي يأخذ ورديتين حوالي 16 ساعة يكون يوميته حوالي 40 جنيه
نفس الحسابات ممكن نضعها على تاكسي 128 سعر الوردية فيه = 25 جنيه
ننظر للموضوع من وجهة نظر مالك التاكسي
كل ما يهم مالك التاكسي هو سعر الوردية
لو عنده شاهين ورديتها ب 60 جنيه لو 128 ورديتها بحوالي 25 جنيه (أرقام تقريبية من فم سائقي التاكسي)
المفروض يشتغلوا في اليوم ورديتين يعني 16 ساعة
في هذه الحالة الشاهين تجيب في اليوم حوالي 120 جنيه وال 128 تجيب 50 جنيه
أكيد مش هتشتغل في الشهر 30 يوم
أكيد بتريح يوم على الأقل في الأسبوع للراحة والصيانة وتغيير الزيوت
وكذلك أيام الراحة الإجبارية في حالة العطل
ولذلك نفترض أن التاكسي سيعمل على أقصى تقدير 25 يوم في الشهر
ومتوسط الوردية حسب نوع السيارة (أغلب السائقين الذين سألتهم سائقي شاهين)
نفترض الشاهين 60 جنيه= ورديتين في 25 يوم
=60 *2 * 25 = 3000 جنيه
إخصم 50 جنيه زيوت إسبوعياً وحوالي 10% صيانة وسمكرة عامة شهرياً
بمعنى خصم = 50 * 4 = 200 جنيه و = 10% * 3000 = 300 جنيه
= 200 + 300 = 500 جنيه
صافي الربح الشهري لمالك التاكسي = 3000 - 500 = 2500 جنيه
والحسابات السابقة هي في الحالة المثالية لسائقين مثاليين وسيارة مثالية بدون ضرائب وتأمينات ومخالفات ورشاوى للمرور
لكن في الحقيقة لا يوجد سائق يحافظ على سيارة لا يملكها وبالتالي يقوم بهرسها
وكذلك إهلاك السيارة بنظام الورديتين يجعلها تتطلب الكثير من الصيانة
بمعنى أن الرقم الواقعي = 2000 جنيه شهرياً وأقل من ذلك
ولو 128 = 1250 جنيه
وحسب المقارنة بين الشاهين وال 128 ممكن أن تخمن رقم لأي سيارة بوضعها في موضعها الصحيح بينهما
والمسألة أرزاق
في واحد سائق فيات 1300 سألته فأخبرني أنه من هذه السيارة ربنا رزقه بسيارتين كمان مركب عليهم سواقين وهو بيركب ال 1300 عشان هي وش السعد
موضوع رائع جدا
انا بقي والدي عنده مكتب نقل
يعني عنده خبره في المجال ده وحاولنا اننا نجيب تاكسي وده لأهم سبب وهو المرور طبعا انتوا عارفين انهم منعين النقل يمشي في مناطق كتير
وطبعا ده مقصر جامد في الشغل ولو الواق طلع بالعربيه بيدفع مش اقل من 20 جنيه رشاوي للأمناء الشرطه وده في المشوار الواحد
طيب انا حاليا بفكر لو جبت تاكسي هل هينجح ولا لأ
مع العلم ان والدي ليه خبره طبعا مع السواقين اكتر من 30 سنه
وباردو هو مهندس ميكانيكا يعني كمان فاهم ميكانيكا
بس هو باصص من جهه اخري بيقولي شوف التاكسي هيعمل كام في الشهر
وهتدفع كام مخالفات والكلام ده
فكنت عايز اعرف هل هو مع خبره السواقين والصيانه هيكون مشروع ناجح ام لا
والارزاق بيد الله عز وجل
استاذي الفاضل
سواقين التاكسي غالبا لهم تجمعات سواء اكانت قهوة او موقف او جنينة او دورات المياه العمومية وحكايتهم كلها فشر وكذب انما هما اغلب من الغلب بمعني ان السائق يفضل يفشر لصاحبه ويسيب اكل عيشه ويروح اخر النهار هربان من القهوجي او واخد علبة سجا ير سلف اومنقص لصاحب العربيه في الايراد المهم انهم دنيا غير الدنيا اما بالنسبه للكويس او المحترم فيه ولكنه شبه التفاحة السليمة وسط تفاح شرك سرعان مايتلف ويتعلم الحركات الوحشه انما اكيد في كل مجال فيه ناس كويسه ويتبقي من المحترمين والامناء قليل القليل واذا حضرتك بتسال علي امين فهو انا
لان ده سواق ابن سواق ابن سواق
لكن حضرتك لانك (افندي) بتعبير السواقين حسبتها غلط
بص يا سيدي
الطرف (الوردية) مش بالوقت انما التاكسي بيقوم ب 3 طروف يوميا
الاولي من الساعة الخامسة او الخامسة والنصف صباحا الي الثانية عشر والنصف ظهرا (حوالي 7 ساعات) وتشمل توصيل طلبة المدارس (ابونيه) واي تاكسي يسع بين 7 الي 8 طلبة (5 ورا و 2 او 3 في الامام) لو طلبة ابتدائي و 5 للثانوي ودول بيدخلوا علي الاقل 600 الي 800 جنيه شهريا حسب المسافة والعدد واي تاكسي يمكن اي يكون معه 2 ابونيه
ثم ينطلق التاكسي من الثامنة الا الربع الي الموظفين وهوجة الاعمال ثم الافندية وهو مصطلح يطلق علي الزبائن بين التاسعة والحادية عشر ومعظمهم ممن يخلصون اعمالا حكومية ثم يستلم السائق الخارجين مبكرا من اعمالهم والسيدات في الفترة من العاشرة حتي نهاية ورديته
يمكن لسائق تاكسي عادي في هذه الفترة تحصيل 100 الي 150 جنيه بسهولة
ثم يتوجه لمكان تقابله مع زميله وصاحب السيارة وهي غالبا قهوة قريبة من بنزينة ويقوم بملئ التنك حتي الزور ويستلم السائق الثاني السيارة ويستلم صاحبها (الغلة) اي الايراد
هناك نوعين من الحساب
1- (مقطوعية) وهي الاسلوب الذي ذكرته انت وتتراوح بين 50 الي 80 جنيه حسب السيارة وحسب السائق لكن لا وجود للاسعار دون ذلك
2- التلت والتلتين وفيها يحصل السائق علي ثلث الايراد ويحصل المالك علي الباقي وهي تحتاج لصاحب سيارة خبرة وسائق كفئ
نعود للسائق الثاني الذي يعمل حتي الثامنة اي مدة اطول من الاول ويقوم بالتوجه فور خروجه لعمل دور او اثنين في طريقه للمدرسة لارجاع التلاميذ ثم يلحق بخروج الموظفين من الثانية والنصف حتي الخامسة ثم يتوجه لمناطق المطاعم لخدمة وقت الغذاء حتي نهاية ورديته
ويتوجه للقاء السائق الثالث (دون تفويل) ويقوم بمحاسبة صاحب السيارة بنفس الطريقة ولكن اليوم التالي اي ان السائق الثاني دائما يحاسب متاخرا 24 ساعة لكنه يترك الايراد بالكامل لصاحب السيارة وسنقول السبب لاحقا
يقوم السائق الثالث بالكشف علي السيارة بالكامل وتظبيطها وتبريدها وغسيلها (غالبا يكون صاحب السيارة هو سائق تلك الوردية او الطرف) ويتوجه للبنزينة للتفويل ويدون قيمة البنزين والتي سوف يخصمها اضافة الي الايراد من السائق الثاني اليوم التالي ويقوم بالتوجه لاماكن التنزه والسنيمات حتي بعد منتصف الليل حيث يعود بالسيارة مفولة وجاهزة لكي لا يتعطل السائق الاول صباحا
لذا فان السائق الثالث هو اهم سائق فهو يربط بين السائقين جميعا ويجب ان يتصف بالامانة حتي يحاسب السائق الثاني علي البنزين ويقوم بغسيل السيارة لتلائم وردية الليل ويتركها بحالة ممتازة تسمح للاول بالانطلاق دون مشاكل
تغيير زيوت السيارة يتم بين السائق الثاني والثالث اذا كان المطلوب زيادة منسوب الزيت فقط في فترة راحة السيارة او يتم في نهاية اليوم ليلا او بالاحري فجرا اذا كان المطلوب تغيير الزيت بالكامل
اذا احتاج سائق لراحة يقوم سائق اخر بالتطبيق والعمل ورديتين فسيارة التكسي لا ترتاح
يتناوب السائقين في دفع ثمن الزيوت وخصمها من الايراد
في حالة احتياج السيارة للصيانة لمدة طويلة يتم الغاء الطرف الثالث
في الصيف يتم تعويض فرق الابونيه بتوصيل الموظفين او عمل الطلبات الخاصة
الفلوس:
3 *50 = 150 يوميا علي الاقل
150*30 = 4500 شهريا + 700*2 = 1400 ابونيه
المجموع 5900 جنيه
السيارة تتكلف زيوت بحوالي 300 جنيه شهريا وكاوتش يتغير كل 3 شهور بالاضافة للسيور وتيل الفرامل وباقي بنود الصيانة
وفي المجمل سيارة التاكسي تحتاج صيانة بحوالي 2000 الي 2500 جنيه شهريا في الاحوال الطبيعية
ويتم ايقافها 4 ايام للصيانة الجسيمة كل 6 شهور وتقف اسبوعين كل سنة للعمرة الكاملة
ارجو ان اكون قد اوضحت
http://www.nilemotors.net/Nile/image...s/viewpost.gif
اوضحت ....واوضحت....اوضحت.....واوضحت
بارك الله فيك
بس في عندي بعض الاشياء غير واضحة:11:
اولا: بخصوص الابونيه:
([3 *50 = 150 يوميا علي الاقل
150*30 = 4500 شهريا + 700*2 = 1400 ابونيه
المجموع 5900 جنيه)
بخصوص موضوع الابونيه هل هو من حق صاحب العربية كامل ؟
يعني صاحب العربية بيحصل 50 *3 من كل وردية + الابونيه كامل !!! رغم ان حضرتك ذكرت ان الابونيه بيوصله سواق الوردية الاولى .. وبيرجعهم سواق الوردية الثانية !!!...يبقى المفروض ان طلما صاحب العربية بيحصل 50 من كل سواق اذن ليس له دخل بما يحصل عليه كل سواق من الايراد سواء كان ابونيه او ايراد زيادة من طلبات خاصة في الصيف ؟!!! (في الصيف يتم تعويض فرق الابونيه بتوصيل الموظفين او عمل الطلبات الخاصة )
ثانيا : مصروفات الصيانة الدوريه اعتقد انها عاليه شوية [B](وفي المجمل سيارة التاكسي تحتاج صيانة بحوالي 2000 الي 2500 جنيه شهريا في الاحوال الطبيعية )
[/B]انتظر من حضرتك توضيح وشكرا جزيلا على المعلومات المفيدة التى ذكرتها ... ولكن لمن يريد عمل دراسة جدوى للموضوع لابد من مناقشة كافة المعلومات قبل اعتبارها مسلمات :U_thin1[1]:..
لذلك ارجو من حضرتك الاستفاضة في التوضيح لتعم الفائدة
انت كنت شغال سواق تاكسى ولا اية ههههههههههههههههههههههههه ه بجد الله ينور عليكاقتباس:
لان ده سواق ابن سواق ابن سواق
لكن حضرتك لانك (افندي) بتعبير السواقين حسبتها غلط
بص يا سيدي
الطرف (الوردية) مش بالوقت انما التاكسي بيقوم ب 3 طروف يوميا
الاولي من الساعة الخامسة او الخامسة والنصف صباحا الي الثانية عشر والنصف ظهرا (حوالي 7 ساعات) وتشمل توصيل طلبة المدارس (ابونيه) واي تاكسي يسع بين 7 الي 8 طلبة (5 ورا و 2 او 3 في الامام) لو طلبة ابتدائي و 5 للثانوي ودول بيدخلوا علي الاقل 600 الي 800 جنيه شهريا حسب المسافة والعدد واي تاكسي يمكن اي يكون معه 2 ابونيه
ثم ينطلق التاكسي من الثامنة الا الربع الي الموظفين وهوجة الاعمال ثم الافندية وهو مصطلح يطلق علي الزبائن بين التاسعة والحادية عشر ومعظمهم ممن يخلصون اعمالا حكومية ثم يستلم السائق الخارجين مبكرا من اعمالهم والسيدات في الفترة من العاشرة حتي نهاية ورديته
يمكن لسائق تاكسي عادي في هذه الفترة تحصيل 100 الي 150 جنيه بسهولة
ثم يتوجه لمكان تقابله مع زميله وصاحب السيارة وهي غالبا قهوة قريبة من بنزينة ويقوم بملئ التنك حتي الزور ويستلم السائق الثاني السيارة ويستلم صاحبها (الغلة) اي الايراد
هناك نوعين من الحساب
1- (مقطوعية) وهي الاسلوب الذي ذكرته انت وتتراوح بين 50 الي 80 جنيه حسب السيارة وحسب السائق لكن لا وجود للاسعار دون ذلك
2- التلت والتلتين وفيها يحصل السائق علي ثلث الايراد ويحصل المالك علي الباقي وهي تحتاج لصاحب سيارة خبرة وسائق كفئ
نعود للسائق الثاني الذي يعمل حتي الثامنة اي مدة اطول من الاول ويقوم بالتوجه فور خروجه لعمل دور او اثنين في طريقه للمدرسة لارجاع التلاميذ ثم يلحق بخروج الموظفين من الثانية والنصف حتي الخامسة ثم يتوجه لمناطق المطاعم لخدمة وقت الغذاء حتي نهاية ورديته
ويتوجه للقاء السائق الثالث (دون تفويل) ويقوم بمحاسبة صاحب السيارة بنفس الطريقة ولكن اليوم التالي اي ان السائق الثاني دائما يحاسب متاخرا 24 ساعة لكنه يترك الايراد بالكامل لصاحب السيارة وسنقول السبب لاحقا
يقوم السائق الثالث بالكشف علي السيارة بالكامل وتظبيطها وتبريدها وغسيلها (غالبا يكون صاحب السيارة هو سائق تلك الوردية او الطرف) ويتوجه للبنزينة للتفويل ويدون قيمة البنزين والتي سوف يخصمها اضافة الي الايراد من السائق الثاني اليوم التالي ويقوم بالتوجه لاماكن التنزه والسنيمات حتي بعد منتصف الليل حيث يعود بالسيارة مفولة وجاهزة لكي لا يتعطل السائق الاول صباحا
لذا فان السائق الثالث هو اهم سائق فهو يربط بين السائقين جميعا ويجب ان يتصف بالامانة حتي يحاسب السائق الثاني علي البنزين ويقوم بغسيل السيارة لتلائم وردية الليل ويتركها بحالة ممتازة تسمح للاول بالانطلاق دون مشاكل
تغيير زيوت السيارة يتم بين السائق الثاني والثالث اذا كان المطلوب زيادة منسوب الزيت فقط في فترة راحة السيارة او يتم في نهاية اليوم ليلا او بالاحري فجرا اذا كان المطلوب تغيير الزيت بالكامل
اذا احتاج سائق لراحة يقوم سائق اخر بالتطبيق والعمل ورديتين فسيارة التكسي لا ترتاح
يتناوب السائقين في دفع ثمن الزيوت وخصمها من الايراد
في حالة احتياج السيارة للصيانة لمدة طويلة يتم الغاء الطرف الثالث
في الصيف يتم تعويض فرق الابونيه بتوصيل الموظفين او عمل الطلبات الخاصة
الفلوس:
3 *50 = 150 يوميا علي الاقل
150*30 = 4500 شهريا + 700*2 = 1400 ابونيه
المجموع 5900 جنيه
السيارة تتكلف زيوت بحوالي 300 جنيه شهريا وكاوتش يتغير كل 3 شهور بالاضافة للسيور وتيل الفرامل وباقي بنود الصيانة
وفي المجمل سيارة التاكسي تحتاج صيانة بحوالي 2000 الي 2500 جنيه شهريا في الاحوال الطبيعية
ويتم ايقافها 4 ايام للصيانة الجسيمة كل 6 شهور وتقف اسبوعين كل سنة للعمرة الكاملة
ارجو ان اكون قد اوضحت
بص سعادتك الابونيه بيتقال عليه انه من حق العربية
بمعني ان المشارك في العربية او بياخد من ايرادها له فيه نصيب
يعني ايه بردو؟
يعني لو السواق شغال باليومية = ملوش
لو السواق شغال بنسبة في الايراد بحد اقصي = ملوش
لو السواق شغال بنظام التلت والتلتين = له نصيب
انما ازاي؟؟؟ هو ده السؤال؟
غالبا صاحب العربية بياخد المبلغ بالكامل ويفوت لسواق الطرف الصباحي والسواق بتاع النص (فترة الظهيرة) مبلغ الاكرامية واللي بيكون كبير علي فكرة لان لو انت بتبعت ابنك مع سواق اقل اكرامية حتديهاله في الشهر مش اقل من 30 او 40 جنيه عن كل طفل ويمكن اكتر
وفي بعض الاحيان بيطلب صاحب العربية عدد معين من الطلبة والسواقين يتقاسموا في الزيادة
او ياجر السواق الكرسي الامامي لحسابه وياخد صاحب العربية الكرسي الخلفي
لكن في كل الاحوال وفي كل طرق الحساب مش حياثر علي مبلغ صاحب العربية ابدا ابدا لان الاكرامية الشهرية ممكن تعدي 700 الي 1000 جنيه لوحدها دا غير الطلبة الزيادة
بس كملحوظة الابونيه محتاج سواقين صاحية وملتزمة وسريعة وخبرة ودقيقة جدا في المواعيد غير كده الموضوع بيفشل
بالنسبة للصيانة 2000 الي 2500 مبلغ مش قليل ابدا لان العربية اللي بتجيب 5900 في الشهر بتمشي الاف الكيلومترات في الشهر وده بيهلك زيوت وسيور وكوتش وفلاتر والحجات دي بتتغير دوري بغض النظر عن حالتها علشان تتجنب ان العربية تقف
الي جانب ان في حاجة اسمها عمرة صغيرة (وتشمل طقم كهربا كامل وسيور وزيوت وفلاتر وربط عفشة وزوايا) ودي بتتعمل كل شهر وفي عمرة متوسطة (بطارية وكهربا وكوتش وتيل فرامل امامي وبوجيهات وفلاتر وصيانة فتيس وردياتير وتشحيم بالاضافة الي كل ما ذكر في الصيانة الصغيرة) وده بيتم كل 4 الي 6 شهور حسب نوع العربية
وفي عمرة جسيمة ودي بتم كل سنة وبيتفتح فيها موتور وبيتغير دبرياج وعفشة كاملة امامي وخلفي وطنابير وتيل خلفي وفرش داخلي ودوكو نظافة الي جانب كل ما ذكر في العمرة المتوسطة) وبتطلع من العمرة دي علي الفحص في المرور عدل
وطبعا الحجات دي بتكلف
ولو الوالعربية حالتها ممتازة وشغالة صح بتصرف مش اقل من 20 الي 25 الف في السنة صيانة دورية بدون حوادث بدون مشاكل
لو عربية بتصرف اقل يبقي مش بتشتغل صح لان التاكسي المظبوط ممكن يقفل 120 الف كيلو في السنة
وبعدين زي ما ذكرت صاحب العربية بيغير حجات كتير في الصيانة الدورية وهي سليمة وبيرجع يبيعها استعمال وده ايراد تاني لكن هو بيتجنب انه يسيب حاجة في العربية كفائنتها مش 100% لان لو العربية وقفت وعطلت علشان بوجيه ولا فلتر ولا سير اتقطع تمنه 20 او 30 جنيه حيضيع عليه طرف ب 150 جنيه!
وانا في انتظار الاسئلة التانية
سؤال تاني
واضح إلمامك بمشروع التاكسي
بخصوص العداد
ما رأيك في المقترح بالموضوع التالي:
http://www.nilemotors.net/Nile/showthread.php?t=38595
بص سعادتك الموضوع ملوش دعوة بالفلوس
بدليل ان في بورسعيد والصعيد ودمنهور ابعد مشوار بجنيه وبيشغلوش العداد
وبردو تكسي العاصمة اللي بنديرته غالية بردوا مش بيشغلوا العداد
والحكاية صعبة جدا
انت عارف لو عينت موظف من وزارة المالية علي كل عداد مش حينفع بردوا
الحل ان يبقي في قاضي لكل عداد زي قاضي لكل صندوق كده
الاسباب
1- بنديرة غير منطقية وحكاية الكيلو ابو 10 صاغ ده كلام فارغ
2- الفهلوة وكل برغوت علي قد دمه والسواق بيعتمد علي شطارته في حلب الزبون لاخر قطرة
فممكن يعمل مشوار ب 3 جنيه مع طالب مثلا وياخد في نفس المشوار من افندي 10 جنيه
3- الضريبة علي دخل التاكسي بتتحسب بالعداد
4- محدش بيسال عليه لا في المرور ولا في اللجان ولا في التراخيص
مما يعد موافقة ضمنية من الحكومة علي الوضع القائم
الحل
1- بونديرة موحدة لكل محافظة علي حدي
2- عداد الكتروني لا يمكن ايقافه متصل بالكونتاكت وفي حال تعطله لا يمكن فتح الكونتاكت لاكثرمن 24 ساعة
3- رقابة من المرور
4- توحيد نوع الوقود لكل سيارات التاكسي (غاز) لتوحيد التكلفة
5- الكثير من الضمير للسائقين
6- الكثير من الوعي للمواطنين
وانا معنديش امل كبير في النقطتين الاخيرتين
انا عيشت الموضوع ده بس علي كبير شوية
كنت شغال في شركة نقل جماعي الميني باص الاخضر
وكان الشركة شغالة ب 130 عربية يعني 260 سواق في اليوم
وعد عندك بقي
مشاكل لا حصر لها
سرقة مكونات العربية بيبدلو الكاوتش الداخلي الجديد بواحد استهلاك 50 سنة
وسرقة للكاوتش الخارجي
ولعب في البطاريات
ياراجل دول كانو بيسرقو الكلاكس
ويفوت الادوار ويزوغ ويروح يعمل مشاوير خاصة بالاتوبيسات وشغل بالمزاج و................................................ .................................................. .................................................. الخ الخ الخ الخ الخالخالخالخالخالخالخالخا لخالخالخالخالخالخالخالخال خالخالخالخالخالخالخالخالخ الخالخالخالخالخالخالخالخا لخالخالخالخالخالخالخالخال خالخالخالخالخالخالخ
مهو ده اسمه المال السايب
260 اتوبيس عايزين جهاز اداري ورقابي ميقلش عن 500شخص
الزملاء جابو من الآخر
لو انت اللي ح تسوق ح يبقى مشروع مربح وح تاخد خبرة عملية مع مرور الوقت تؤهلك لتشغيل سيارات اخرى
مع موافقتي التامة لكل التفاصيل التي ذكرتها .... دي فعلا واقع بيحصل كل يوم
لكن المشكلة بقى ....
افرض انك ح تسوق بنفسك ...... ح تستحمل السواقة في مصر والضغط العصبي وغباوة السواقين اللي حولك و الكلاكسات وتعسف بهوات المرور و مفاصلة الزباين واستقطاع امناء الشرطة ... الخ الخ
ده احنا بنسوق ساعتين تلاتة في عربيات ملاكي ... أفندية يعني واعصابنا بتتدمر