انا عربيتي شاهين موديل 2006 والسي سي 1600 وعامل بيها تقريبا 50 الف كيلو وبستعمل زيت معدني وعايز اغير لزيت تخليقي وعندي شوية اسئلة قبل ما اغير

اولا في حاجه لازم اعملها قبل ما اغير ولا اروح اغير من الزيت ده لده على طول؟؟؟

ثانيا لو الزيت طول عندي عن 6 شهور اغيره ولا ممكن يطول؟؟؟

ثالثا سمعت ان لو الموتور تعبان مينفعش استعمله مع العلم ان الموتور عندي كويس جدا بس استهلاك البنزين فيه عالي شوية يعنى بعمل في الصفيحه تقريبا بالمكيف حوالي 150 كيلو ومن غير 170 كيلو ودي طبعا نسبه عاليه

رابعا هل هيفرق في معدلات سخونة المحرك والسحب والاداء واستهلاك البنزين؟؟؟

خامسا هل بيحتاج تسخين في الاول كتير ولا زي المعدني اشغل وامشي؟؟؟

سادسا ايه افضل نوع زيت تخليقي موبيل - شل ولا امارات مصر؟؟؟

عفوا طولت عليكوا بس اصلي محتار اغير ولا ممكن يعمل حاجه في الموتور وانا معنديش وقت اصلح وده من اهم الاسباب اللى هتخليني اغير لزيت تخليقي وشكرا مقدما