الموضوع: إستفسار هام وعاجل جدا عن الزيت التخليقي

الموضوع سهل جدا
للتغيير من زيت تخليقي الي معدني او العكس
تجيب الزيت اللي انت عاوزه و معاه الفلتر و تغير الاثبيب سوا
بالنسبه للزيت التخليقي انا بحط شل الترا جميل جدا بس هو اغلي من موبيل 1 شويه

المشاركة الأصلية كتبت بواسطة eldeplomasy

الف الف شكر ليكو

عموما عربيتي عامله 50 الف كيلو 1600 سي سي وموديل 2006 فمش عارف اغير ولا لأ؟؟؟

ثانيا لو حبيت بعد كده اغير من تخليقي لمعدني سهل ولا ايه؟؟؟

أنا عندي شاهين 2008 عاملة حوالي 15000
وأنا ملينها على إيدي كما يجب
ورغم كده لن أستخدم معها زيت تخليقي
أستخدم معها زيت معدني طويل الأجل بيقعد 5000 كلم
مثل زيت فسكو الأخضر بمحطات كار جاز وكذلك زيت شيل الأصفر
وكلاهما بيقعد حوالي 5000 كلم أو أكثر حسب الحالة

لأن موتور الشاهين قديم التصميم حتى لو كان زيرو
لذلك فهو مصمم ليتقبل الزيوت المعدنية أكثر من أي زيوت أخرى

طيب أنا مش عارف حفدكم بالكلام التالي ولا لأ

موتور الشاهين والتمبرا والعربيات الي ظهرت في فترة التسعينات ما هو إلا موتور 131 و132 بعد تعديله عندما قامت شركة فيات ببيع خط الأنتاج ونقله من تورينو إلى تركيا.

قبل ما تسأل الموتور عايز زيت ايه، نشوف الأول كبس الموتور أد أيه وبعد كدا نبص على معدل انضغاط المحرك.

حضرتك بتقول ان العربية بتاكل بنزين ولمعلوماتك المعدل الي انت كاتبه عالي جداً ودا معناه ان الزيت التخليقي حيحصله تأكسد سريع ممكن بعد 3000 كيلو وحتحتاج تغيره لأنك لو سبتك كأنك مش حاطط أي حاجة في العربية.

نصيحة، العربية مش عايزة زيت تخليقي ياراجل دا اللانوس الي موتورها انعم مش عايزة زيت تخليقي ولا انت غاوي دفع وخلاص؟

شوف موضوع استهلاك البنزين لأن دا مؤشر غير صحي بالمرة على أداء المحرك.

انا سمعت ان كتالوج الشاهين بيوصى باستخدام زيت ال5000 لكن تخليقى لا

المشاركة الأصلية كتبت بواسطة eldeplomasy

ده لو المعلومة دي حقيقيه انا كنت بعت العربية دي فورا

هو جايز التصميم مش حديث نسبيا لكن ده موتور ايطالي مستورد ومتقفل هناك زي موتور السيينا وكل مواتير الفيات بالضبط

مش عيب إن موتور الشاهين قديم التصميم
إيه المشكلة يعني
أنا بعتبرها ميزة لأنه قليل الطلبات بيقبل بنزين 80 وأي زيت عادي ويمشي زي الفل