استفسارات لإخواني أعضاء المنتدى

**ahmed1981** · 24-08-2007 08:18 PM

الدكتور أحمد قال:

ماهو لو هيتكثف والسيارة باردة يبقى طول ماهى راكنة هيئذيها وكل ليلة هياكل منها حتة!!

التكثيف بيحدث بعد الإحتراق (من نواتج الإحتراق) يعني والعربية شغالة والموتور داير وهو في فترة برودة التشغيل في الصباح

ثانيا: درجة حرارة 110 داخل غرفة الاحتراق بالموتور يتم الوصول اليها بسرعة جدا فى ثوانى..

يوجد عدد لا نهائي من توزيع درجات الحرارة على جدران غرفة الإحتراق وبالذات عند التشغيل في الصباح (يتراوح ما بين 1200 إلى 70 درجة مؤوية)
وبعد عملية التسخين يحدث إنتظام وتوزيع كامل لدرجات الحرارة في غرفة الإحتراق

معلش اعذرنى أنا مش متخصص لكنى مش مقتنع بخطورة عدم التسخين من وجهة النظر دى

كلام سليم إنت مش متخصص
مش مقتنع: (مش هتفرق لأنك غير متخصص)
وجهة النظر دي: (دي مش وجهة نظر دا علم مجرب يدرس في كليات الهندسة مش الطب) وأهل مكة أدرى بشعابها

مع كامل إحترامي

**Dr Ahmed** · 24-08-2007 08:43 PM

شكرا يا باشمهندس أحمد، ولى عتاب معك نتكلم فيه بعدين.

**ahmed1981** · 24-08-2007 11:17 PM

أوعى تزعل مني يا دكتره
أنا مقدرش على زعلك

**ahmed1981** · 25-08-2007 06:39 PM

من تواضع لله رفعه يا دكتور أحمد
ومش عيب إنك تلاقي حد عارف أكتر منك في مجاله وتخصصه
العيب إنك تصر على رفض كلامه لمجرد إنك متبقاش خدت منه أو لأنك شايف نفسك أكبر منه أو لأن اللي متعرفوش ميصحش حد يقولهولك

**emad10** · 25-08-2007 08:06 PM

جزاكم الله خيراً إخواني الكرام

**Ahmed Anwer** · 25-08-2007 08:20 PM

سؤال ساذج بس يا جماعة ، كنت قريت في المنتدي قبل كده إن لازم تبدل الكاوتش و من ضمنهم الإستبن عشان كاوتشه ماينشفش و يبوز
في كارتك م/الزوايا قاللي مينفعش اركبلك الإستبن مينفعش اركب عجلة جديدة مع عجل قديم !!!!
و العربية مكانتش عملت 2000 كم
ايه الصح ؟؟؟

**ahmed1981** · 25-08-2007 08:27 PM

الإستبن بيكون حالته مختلفه عن بقية العجل في النشوفية وعدد الكيلومترات المقطوعة
ولذلك لما تيجي تغير مكان العجل بعد 10000 كلم مثلا أو حسب الكاتلوج التغيير يقتصر على العجل اللي راكب بدون الإستبن
إلا في حالة لو الكتالوج قال غير كده (لا أظن ده يحصل)
المهم لو موجود كاتالوج السيارة يبقى هو المتحكم الرئيسي واللي مكتوب فيه هو الصح