الموضوع: هل السيدات فى مصر بيعرفوا يسوقوا!؟؟

أنا شايف أن النسبه متساويه يعنى نسبة الرجاله ( ده لو عدينا أشباه الرجال معاهم ) إللى ما لهمش فى السواقه أو ليهم زياده عن اللزوم (فاكر نفسه مايكل شوماخر بس نسى أن إللى هو ماشى فيه ده شارع مش حلبه سباق) هى نفس نسبة النساء إللى مالهمش فى السواقه و بعدين أصلا دلوقتى عدد الستات إللى بيسوقوا كتر جدا خصوصا أن فى ناس كتير وأنا واحد منهم بيعطى الأولويه فى أستخدام السيارة لأهل بيته من النساء(نظرا لظروف الشوارع الحاليه من أنعدام أمان و غيرها ) و بصراحه أنا شايف أن الجمله دى أتقالت لسبب بسيطه أن الست بطبيعتها ملفته للنظر فا الناس مركزه معاها و أى حاجه بتتعمم يعنى مثلا شوفت بنت فى الشارع فى وضع مش كويس يبقى ( البنات كلهم دلوقتى أخلاقهم مش تمام) زى ما كلنا سمعنا وهنسمع رغم أن ده مش حقيقى

90% من الستات مالهومش فى السواقة من اساسه...

و حوالى 50% من سائقى الملاكى فى جمهورية مصر العربية عندهم مشاكل كبيرة فى السواقة....(و اكيد مش كلهم ال 90% بتوع الستات )

و طبعا السبب الرئيسى مش بس انعدام المهارة و التدريب و الذوق والتمييز و ركز على اخر اتنين دول قوى.....لكن كمان سوء حالة الشوارع و انعدام استخدام الأختراع اللى اسمه بره "تخطيط عمرانى"....... و طبعا المرور و رجاله ليهم فضل كبير فى التردى و البهدلة دى....

بس انا عندى احساس مش متأكد منه...ان الحوادث اللى بتحصل عشان ال 50% الضايعيين اقل من اللى المفروض يحصل!!!
و ده متهيألى عشان ال 50 % الكويسيين اغلبهم بيعرفوا يسوقوا كويس قوى و بقوا محترفين فى تفادى البلاوى...

90% من الستات ملهومش سوااااااااااااااااااااااا ااااقة .........
بس للأسف لو حد من أهل بيتك بيشتغل او حتى بيدرس .. وإنت فى مقدرتك انك توفرله عربية يبأه عمرك ماهتتأخر عن ده ..
والسبب كلنا عارفينه .. إننا فى بلد الامن والامان ههههههههههههههههه
المواصلات بأت زفت .. الناس بأت متوحشة ..
حاجة بأت تقرف .. بلد تيييت خالص ..
عموماً ربنا يستر علينا جميعاً والستات تتعلم السواقة وده هيجى بالممارسة .. بس الاحسن الستات ماخدوش طريق سفر عشان بجد ممكن تتسبب فى كارثة .. ربنا يستر .