هل السيدات فى مصر بيعرفوا يسوقوا!؟؟

**samirayad** · 14-02-2009 07:25 AM

المشاركة الأصلية كتبت بواسطة gemino

لما بتحصل حاجة اقل ما يقال عليها انها تصرف غبى باضطر ابص على مراية الصالون فى العربية اللى قدامى و :
90 % بتبقى واحدة ست
95 % شاب *******
99 % راجل او ست فى ارذل العمر
المحصلة النهائية ان 90 % من الناس فى مصر مش بتعرف تسوق

الكلام ده....فيه الشفاء ...من ناحية تقييم الموضوع....وبالذات الحته بتاعة النسب المئويه دى.....................:k49:

**Amrrr** · 16-02-2009 11:59 AM

في ناس بتسوق حلو بس مش باينين وسط الغابة
لو الستات دوول اتحطوا في ظروف السواقة الصح من حيث الشوارع والتخطيط والاشارات وكدة مش هيبقى مطلوب أكتر من الالتزام بقواعد المروم والباقي على ربنا
لكن اللي احنا فيه دا محتاج طبعا سواقة معينة مش هتلاقوا اي حد بيسوقها غير اللي غاوي العربية وحابب الموضوع فعلا مش راكب عربية عشان يروح مشوار وخلاص
الاجابة على سؤالك انهم مابيعرفوش يسوقوا بس الحق مش عليهم هما ! الحق على اللي بيسمح لأي حد بركوب عربية

**amir** · 16-02-2009 01:05 PM

المشاركة الأصلية كتبت بواسطة Amrrr

في ناس بتسوق حلو بس مش باينين وسط الغابة
لو الستات دوول اتحطوا في ظروف السواقة الصح من حيث الشوارع والتخطيط والاشارات وكدة مش هيبقى مطلوب أكتر من الالتزام بقواعد المروم والباقي على ربنا
لكن اللي احنا فيه دا محتاج طبعا سواقة معينة مش هتلاقوا اي حد بيسوقها غير اللي غاوي العربية وحابب الموضوع فعلا مش راكب عربية عشان يروح مشوار وخلاص
الاجابة على سؤالك انهم مابيعرفوش يسوقوا بس الحق مش عليهم هما ! الحق على اللي بيسمح لأي حد بركوب عربية

كلامك موزون و يدخل الدماغ
بس في نقطه
ليه العالم اجمع ان سواقه الستات خيبانه و ركيكه بالمقارنه لسواقه الرجاله

**lancerevolution** · 16-02-2009 11:39 PM

إنهاردة كنت بعدى عربية نقل محملة أنابيب من على اليمين بصيت فى المراية مشوفتش حاجة روحت ضارب إشارة يمين و إستنين 3 ثوانى عشان لو حد كان بيحاول يعدى و أنا مختش بالى منه يقلب نور يزمر يعمل أى منظر كدا مفيش حاجة حصلت يبقى فيه يبقى الطريق فاضى روحت دايس و داخل يمين حظى الحلو كنت بكلم الى كان جمبى فعينى جت فى المراية شوفت عربية كبوتها عند العجلة الى ورا روحت محود شمال و مهدى طبعا بصيتله و لسة حنزل عليه بوابل من التهزئ و كمان الى معايا فى العربية كانوا مستعدين لاقيناها واحدة فى العشرينات من العمر بتتكلم فى الموبايل أنا سكت و قولت معلش دى واحدة الى سايقة و حتلاقيها محتاسة أصلا روحت جاى وراها و قابد العالى

**ahmed_m_m** · 18-02-2009 02:29 AM

انا بصراحة بكرة سواقة السيدات د انا لما اختي بتسوق العربية بتعطل وراها شارع ويا سلام لما تيجي تركن يكون الشارع واقف وهما ولا في بالهم لكن في ناس سواقتها كويسة بس الغالبية حاجة تشل !!!

**mhkash** · 18-02-2009 10:00 AM

المشاركة الأصلية كتبت بواسطة ahmed_m_m

انا بصراحة بكرة سواقة السيدات د انا لما اختي بتسوق العربية بتعطل وراها شارع ويا سلام لما تيجي تركن يكون الشارع واقف وهما ولا في بالهم لكن في ناس سواقتها كويسة بس الغالبية حاجة تشل !!!

معاك حق والله

**emadkamel** · 18-02-2009 03:24 PM

انا بلاحظ حاجة - وطبعا الكلام على النسبة الاعم مش فى المطلق - ان دايما مشاكل السيدات والانسات فى السواقة بتبقى ناتجة عن مشاكل فى مبادئ السواقة (ركنة غلط، محاولة الركن بدءاً ببوز العربية بدل الظهر، رجوع بالظهر فى شارع عام علشان الفتحة عدت بدل يمين فى يمين من اللى بعدها، غلق المرايات!!، الاعتقاد خظئاً ان انا لما ادى اشارة يمين مواتير العربيات اللى ورايا بتقفل نفسها لوحدها لغاية مانا اعدى وبالتالى ماقيش مشكلة انى ادى اشارة "وانا بعدى اصلاً"، الإعتقاد خظئا انى لما ادور الموتور ممكن الدركسيون هو اللى يجرى مش العجل وبالتالى افضل وسيلة هى "احتضان" الدركسيون بكل جوانحى و"عضة بسنانى" ان امكن، ...إلخ ..

انما مشاكل الرجالة بتبقى ناتجة عن محاولة "الحرفنة" فى السواقة (غرز ضيقة، تعدية من اليمين مع غرزة علشان فى عربية راكنة، سرعة خزعبلية، محاولة المرور من خرم ابرة بين عربيتيتن نقل !!، الإعتقاد خطئا ان السيارة عبارة عن طائرة بس مش عايزة تقول ....إلخ

فى الاخر كل فئة فيها الكويس والوحش

**for_ever** · 18-02-2009 03:54 PM

موضوع جميل و الردود مضحكة جدا و في كتير منها موضوعي
بس اعتقد ان نسبة الاخطاء في السواقة هتقل كتيييييييير لو ان الطرق محترمة و منظمة. ما نقدرش نلوم الستات علي الطرق التعبانة.