الموضوع: أرخص كمبيوتر في العالم تطرحه الهند بسعر 11 دولار

المشاركة الأصلية كتبت بواسطة tutankhamoun

الموضوع مليان مغالطات عن مصر و عن المعلومات الخاصة بالتصنيع المصري
الأخ الفاضل مزجنجي 2010 أتكلم في موضوع الأستيكة
و لكن أتذكر عندما كنت في الابتدائية زمان ........ كان كل أقلامي مصري الصناعة و الأستيكة و البرجل و الحاجات الخاصة بالهندسة

و فيه مصنع أقلام رصاص مصري موجود من زمان بس بقى الحكومة بتاعتنا فاتحة الأستيراد على البحري و مش بتحمي المصانع المصرية أو على الأقل بتطورها زي حكومات العالم المتقدم و حتى النامي منهم زي الهند .

فيه صناعة في مصر و لكن لا يوجد من يطورها و لا يهتم بها ....... فالأسهل هو الأستيراد و أي واحد مش لاقي شغل يبيع حتة أرض و ينزل الصين يشتري شوية هالاهيل و شوية خردة من الصين و ييجي يبيع في مصر ....... و أهي فلوس رايحة في الأرض لأنه بيروح يشتري حاجات خردة زي ما قلت في الأول . و ده فيه خسارة للعملات الصعبة .


المصانع الحربية عندها أبحاث كتيرة و لا تطبيقها بيتم في المجال العسكري فقط و نادرا أن يتم أستخدام أي شئ في المجال المدني .

مصانع أحمد بهجت تقوم بصناعة لوح ألكترونية و بتصمم لوح كمان بدون المكونات التر تركب عليها و بيتم أستيراد المكونات من كوريا و ماليزيا و تايلاند .

يوجد مصنع في العاشر من رمضان يقوم بتصنيع كباسات الثلاجات صغيرة القدرة .

يوجد مصانع تغذية للسيارات مثل : مرايات ... كاوتش .... طاسات بلاستيك .... صاج .... ضفائر الكهرباء .... بطاريات ....فلاتر زيت .....

مصنع كويك تل للأتصالات بيقوم بصناعة ( و ليس تجميع ) عدد هواتف متقدمة و لاسلكي جيد جدا ..... و يقوم بتصدير بعض من إنتاجه ..... و أيضا يقوم بصناعة راوتر الأنترنت اللي تي اي داتا بتوزعه أو تبيعه و عليه علامة تي اي داتا و مش مكتوب عليه صناعته أيه ......

المصانع الحربية لها محاولة لصناعة محرك بنزين في الثمانيات تقريبا بالاشتراك مع الشركة الفاشلة النصر للسيارات و لكن لم تُكتب الأستمرارية للتجربة مش عارف ليه
تقوم المصانع الحربية بصناعة محركات ديزل مصرية بتصميم ألماني بيتم تركيبها في جميع أتوبيسات النصر التي تعمل في هيئة النقل العام و سيارات نصر النقل . و كلمة نصر محفورة على جسم المحرك نفسه ( مش مكتوبة ... دي محفورة على الجسم )

و فيه أمثلة كتير
بس المصيبة أن أغلب الناس مش عارفة معلومات عن صناعة مصر
و الحكومة مش بتطور الصناعة المصرية اللي في مصانع الحكومة و طبعا القطاع الخاص بيدور على الاستثمار السريع المكسب و هو التجميع من مكونات محلية أو أجنبية و مفيش خطة أبحاث .

أحنا بلدنا محتاجة خطة من الحكومة و تعاون الناس على النظام و أتباع نظام معين للنهوض بالبلد .

الهند متقدمة تكنولوجيا ............ و لكنها دولة يعيش أغلب سكانها في فقر شديد .بسبب الانفجار السكاني .و لكن الحكومة هناك عندها خطة و بتصرف على البحث العلمي .

طالما دخلت فى كويك تل وبهجت يبقى دخلت فى سكتى برضه
ياباشا اللى عايز اوضحه ان ده مش تصنيع ده تجميع للبورد ويافرحتى لما يعرفوا يعملوا برنتد بورد والسلام
ماهو ده كله بالمكن -جمع ماكينه- انا اقصد اننا مبنعرفش نعمل المكونات الاساسيه من اول المقاومه لل ic و micro controller وبرضه فى العربيات النصر بنعمل كل حاجه لكن مبنصنعش صندوق التروس مثلا لان اساسا الموضوع مش سهل فى يوم وليله عايزين نعمل عربيه يبقى نعملها بكره لا طبعا والدليل الرمسيس
ياجماعه احنا معندناش ابحاث ولا اى معرفه عن الخامات والتصنيع من اول المواد الاوليه للمنتج النهائى احنا اخرنا تقفيل وتشكيل وهى برضه خطوه فى اول المشوار بس مش ملاحظين انه طول قوى

المشاركة الأصلية كتبت بواسطة tutankhamoun

طيب و هو أنا قلت حاجة مخالفة للكلام ده
أنا قلت بهجت بيصنع البوردة أو اللوحة و قلت بيستورد المكونات اللي عليها من ماليزيا و كوريا و تايلاند ........

بالنسبة لموضوع صندوق التروس
مفيش مصنع في العالم بيصنع العربية من أولها لأخرها
و بالنسبة لموضوع التروس
مصانع سيارات كتيرة في العالم مش بتصنع صندوق التروس لنفسها
كل الل بيعملوه بيصمموا الصندوق و بعد كدا فيه شركات متخصصة هي اللي بتصنع صندوق التروس
زي ميستوبيشي و نيسان و بروتون بيعتمدوا على مصنع ياباني في توريد صندوق التروس لسيارتهم خصوصا اللانسر و الجين 2 و دول اللي أنا متأكد منهم
و نيسان و ميستوبيشي مش بيصنعوا صندوق تروس
الشركات دي بتعمل مواتير و بتصمم العربية بس و بقية المكونات بتيجي من مصانع تانية .و الكلام ده بينطبق على أغلب مصانع العالم

و أنا مقلتش أن مصر متقدمة و لا حاجة ......... كل اللي قلته أن فيه صناعة و لكنها غير متطورة و محتاجة دعم حكومي كبير علشان تقدر تقف على رجلها زي ما ماليزيا عملت مع بروتون لغاية ما صنعوا الموتور بتاعهم و صمموا عربيات خاصة بيهم و أصبحوا عندهم أستقلالية
مع أن بروتون تأسست سنة 1981 و النصر تأسست 1960 و هيونداي سنة 1967

يعني النصر أقدم من هيونداي و بروتون
و شوف هيونداي بقت من أكبر خمسة منتجين في العالم
و بروتون ليها سوق عالمي و أصبحت ماركة عالمية و ليها تصميمتها الخاصة بيها و اللي تملكها .

و النصر لسة بيجمع و كمان ياريت تجميعه على المستوى

يلا ربنا يهدي الحكومة و يهدي الشعب و يهدينا جميعا

انت كلامك كله صح وفيش عربيه بتتعمل فى مصانع الشركه كلها
انا اللى اقصده ان تصنيعنا عبيط واخرنا التقفيل حتى التقفيل زفت زى مانت قلت
انا اللى بيغظنى تليفزيون جولدى مثلا ومكتوب عليه صنع فى مصر وهو كله من جوه من جنوب شرق اسيا
وبرضه العربيات كل الصناعات المغذيه (كاوتش النسر وزجاج جريش وفرش علياء وموبيكا ) كل ده على دماغنا وتمام قوى بس نفسى نعمل محرك ولو اتعمل المحرك يبقى احنا عدينا لان معنى كده اننا درسنا كل المواد اللى تستحمل فى صناعه المحرك والفناها وصنعناها
التصميم سهل نسبيا وصندوق التروس هاته من اى حد بره
مشكلتنا الاستسهال وياريتنا فالحين فيه