الموضوع: اتمسكت سير عكس الاتجـاه !!!

المشاركة الأصلية كتبت بواسطة karim_monir

والله في الامارات ودي ناس عارفين يعني ايه مرور صح ممكن تمشي 6 كم جوة المدينة مش على الصحراوي عشان تلف وتكون البلد زحمة وكمان اللي هايلف شمال هما الصف الاول شمال وماينفعش تكون في تاني حارة وتلف شمال واما الكاميرا تصورك
ومع ذلك الكل ملتزم عشان هما شايفين ان كدة اصلح للمواطن والمرور
واحنا كمان لو التزمنا ومشينا صح هانكون ملتزمين ونوصل اسرع

اللي بيمشي عكس الاتجاه ده بيروع امنين لانك بتكون مطمئن ان ده طريقك وتفاجيئ بواحد ماشي عكسي عشان يوفر الجهد والمال وماتعرفش تتصرف وهو يفاديك واللي ماشي صح يلبس في شجرة ولا عامود
اكيد انت بتقول كلام مش مقتنع بيه

وبعدين برضه في الدول المتقدمة اللي اصلا زحمة الحكومة مش ملزمة توفر لكل اصحاب العربيات اماكن انتظار
حتى ولو بفلوس

طيب و ايه رأيك لما تكون ماشي علي طريق القطامية العين السخنة الجديد في المغربية - يعني الدنيا بدأت تليل- و تلاقي بيه من بتوع النصف نقل جايلك عكسي و كمان طافي النور ؟؟؟


أما موضوع اليو تيرن ده , فبصراحة مش عارف أيه اللي بيحصل في مصر , تعرف حضرتك نظام المقص ( اللي في اليمين عايز يدخل شمال فجأة و اللي في الشمال عايز يدخل يمين فجأة) و كله من غير أشارات و لا مرايات , ماهو مقص أو أكروبات بقي

المشاركة الأصلية كتبت بواسطة mo7a_mo7a

بصراحة يا استاذ فادي موقفك ده غريب جدا
الاعتراف بالحق فضيلة يا اخي
كل محاولاتك لتبرير السير عكس الاتجاه لا يقبلها المنطق او العقل باي شكل من الاشكال

يا سيد فادي تعريض ارواح الاخرين للخطر وخرق القانون ليس له ما يبرره ابدا ابدا بعيدا عن حالات الاضطرار والطوارئ وفي اضيق الحدود كسيارات الاسعاف والمطافئ ....الخ
لكن لو كان السير عكس الاتجاه لمجرد التوفير فانه تصرف غير مسؤول وفوضوي

يا سيدي الفوضي والاستخفاف وخرق القانون هم من يجرون هذا البلد لاسفل واسفل وهي حقية الواقع المر في مصر سواء في المرور او التعليم او الصحة وحتي الصناعة ونحن من نصنع هذا الواقع

سيد فادي ان كنت تجد توفير المال والجهد مبررا كافيا لنفسك لترتكب بسببه خطيئة كتلك فهل يا تري ستلتمس نفس المبرر لشخص اخر في نفس موقفك هذا عندما يعرض حياتك انت للخطر؟؟؟؟ لا اظن وبالطبع لا
فلم تقبل لنفسك ما تستنكره علي غيرك
فلنفترض جدلا انك تخرج مساءا من بيتك مصطحبا اسرتك للسينيما مثلا او اي مكان عام وفجاة تجد امامك سيارة نقل تتجه نحوك (قرر صاحبها ان يفعل مثلك ويوفر جنيه) ولان الطريق ضيق والسائق لم يستطيع تفاديك ولا انت بالتباعية ......... طااااااااااااااخ

والنتيجة تلفيات في سيارتك جسيمة وربما مصابين ايضا
ماذا ستفعل به؟ هل ستقول له حصل خير !

سيد فادي لا يبرر السير عكس الاتجاه وجود الملف علي بعد كيلو او عشرة ما دام الملف موجود
واسمحلي ان اقولها بالعامية
امال سيادتك راكب عربية ليه؟ علشان تشيلك ولا انت اللي تشيلها!

وختاما للموضوع اقول .. وبالطبع ليس للنقاش فاهلا بك ومرحبا للنقاش دوما

السير عكس الاتجاه متعمدا تصرف مجرم قانونا وارعن وفوضوي وغير مسؤول ويعرض حياة الاخرين وممتلكاتهم للخطر الجسيم

استطيع ان اري انك لن تجد من يعارض هذا بالمنتدي فالسواد الاعظم من الاعضاء اناس محترمين لا يقرون السير عكس الاتجاه
وبكل احترام وتقدير لشخصك اسمحلي ان اطلب منك بكل لطف وحب :
سيد فادي من فضلك التزم بتعليمات المرور والقانون ولا تعرض حياتك وحياة الاخرين للخطر فهي اغلي من تكلفة الوقود وحتي الوقت

تحياتي

حضرتك بتحاسب على جريمة قبل وقوعها؟!
مين يقول انى اتحاسب على جريمة لم تقع, و اللى بيمشى عكسى بيبقى واخد باله من الطريق احسن من اللى ماشى صح,
و أنا شخصيا لما بمشى عكسى ببقى حاسب كل حاجة.
للأسف الكلام اللى حضرتك بتقوله بتاع همجية المرور هو اللى شجع الحكومة على وضع هذه القوانين الجائرة.
و عموما الناس مش هتبطل تمشى عكسى و تركن فى الممنوع طالما الشوارع مخططة بهذا السوء,
أعتقد انو الهدف من تخطيط الشوارع بهذا الشكل هو تحصيل أكبر قدر ممكن من المخالفات,
نحن يا سادة ضحية عملية نصب محترفة من الحكومة لتحصيل أموالنا ووضعنا فى السجون,
و انت جاى تقولى اللى بيمشى عكسى بيهدد الامن العام و بيتسبب فى كوارث!