اقتباس المشاركة الأصلية كتبت بواسطة حماده المصري مشاهدة المشاركة
Drkiven

ربنا يخليك يا باشا على كلام حضرتك الجميل

واحنا هنا كلنا اخوات واصدقاء مع بعض وبنفيد وبنستفاد

النيو اكسنت ياباشا السنتر فعلا بيتقفل في مصر ولكن الله اعلم ايه هو صناعته مهو ممكن برضو يكون صيني هو مش السنتر الاصلي تقريبا
وفي 06 كانو اربع مفاتيح 2 كوري و2 مصري بريموت ومعفنين لدرجه ان واحد فيهم اتكسر والتاني بتعوجه بايدك بالاضافه وبستعملهم فقط في الفتح والغلق عن بعد
وفي ال 09 بقى الريموت منفصل واعتقد حضرتك هيبقى معاك مفتاحين فقط للسياره وليس 4
بالاضافه الى ان الكاسيت كان شرايط في 06 Jcv وبعد كده بقى سي دي نفس الماركه لسه والله شايف من كام يوم ال 09 كانت تقريبا بالسي دي الاصلي الاسود بتاع العربيه
ولعلمك بقى ياباشا ده انا اكتر واحد بيحب ومتعصب للنيو اكسنت ومش هاين عليا ابيعها واركب حاجه تانيه حتى لو هيونداي برضو من كتر ما العربيه دي بحبها وبموت فيها بس الحق برضو بيتقال وكل واحد وليه طلبه وغرضه من العربيه
بالاضافه الى اني مينفعش اقول للناس النيو اكسنت افضل عربيه في الدنيا مع انها في نظري الافضل معلش بقى طولت عليك
مراكز الصيانه بصراحه زي غبور ابو رواش مشفتش خصوصا في ظبط الزوايا لان الجهاز الي عنده تقريبا مفيش زييه في مصر
بس عيبه زحمته المهووله الي احيانا بتخليهم يكروتوا عربيات
في بقى في العبور وهي طبعا مش بعيده من مدينه نصر ولا من مساكن شيراتون
مركزين صيانه وهما ابو غالي وكارتك انا افضل كارتك شغال في سكودا وهيونداي انا روحته مره بصراحه مهندس محترم ومكان مش زحمه ومركز كويس برضو وريسيبشن
المركزين طريقهم واحد وقريبين من بعض اول ما تدخل دخله العبور الي من طريق الاسماعيليه بعد موقف السلام تقريبا بكام كيلو
هتلاقي الاعلانات بتاعه ابو غالي او كارتك هتدلك على الطريق وهو برضو مش بعيد كارتك مش شغال يوم الجمعه فقط
واي حاجه تاني ياباشا انا بجد تحت امرك في اي وقت
شكرا ياباشا وكمان على الرد السريع من حضرتك هو انا فعلا اتصلت بصيانة غبور الصبح وسئلتهم وهما ردو عليا ان صيانة الاف كيلو من الافضل ان تتم فى ابو رواش للاسباب التى ذكرتها حضرتك وبعد كدة انت حر فى اى مركز صيانة عايز تروحو يعنى زى ماحضرتك قولت بالظبط انا ح توكل على الله الصبح بدرى واروح ابو رواش وزحمة زحمة ربنا معانا انا خدت اجازة وخلاص بس لو كروتو العربية على النعمة ح عمل قلق ليهم
ههههههههه يالاة مش ح طول عليك ياباشا سلام مؤقت
د/احمد