الموضوع: تجربة التسارع في النيو أكسنت

اتمنى تقروا اللينك ده
عن السيراتو


http://www.fannat.com/Magazine.aspx?NewsID=327

المشاركة الأصلية كتبت بواسطة حماده المصري

زي الفل توكيل بيفهم وكسب بونت في صالح العربيه

بس اتمنى ينزل المتور 1.6 وينزل السعر شويه عشان يبقى زي النيو اكسنت
والعربيه تنتشر اكتر بكتير من الاول



على فكره السيراتو هي هي برضو قطع غيار وشاسيه الالنترا القدييمه والسيراتو عربيه محترمه
ممكن تستنى برضو شهر تقريبا وتجيب كيا فورتي
هي المفروض انها الموديل الجديد من السيراتو
بس في مصر هتنزل وتفضل السيراتو موجوده

المشاركة الأصلية كتبت بواسطة حماده المصري

اتمنى تقروا اللينك ده
عن السيراتو


http://www.fannat.com/Magazine.aspx?NewsID=327

شكراً يا أستاذ حماده بس الفكرة ان سواء السيراتو او الفورتي

أغلى وفرق كبير كمان مش أقل من 10,000 جنية

انا معاك في دي
بس ممكن برضو تلاقي حاجه كسر زيرو حلوه
وغير كده السيراتو او الالنترا القديمه هيستحملوا اكتر من النيو اكسنت والريو كمان
بحكم انهم اكبر وعفشه افضل والاتنين حلوييين جداا للاستخدام العائلي اكتر من النيو اكسنت

السادة الزملاء اسعدني ردكم
لكن في مقارنة الريو بالاكسنت اعتقد (لقدر علمي البسيط) انها ح تكون في صالح الاكسنت
الموتور الاكسنت 1600 سي سي الريو 1400
الهورس باور للاكسنت 121 حصان الريو 95
تقنية الموتور في الاكسنت 1600 حصان هي cvvt هذه الميزة رائعة فوق ما حضرتكم تتخيلوا لأنها اقتصادية جدا في الوقود تقنية الموتور في الريو هي dohc
الكماليات في الاكسنت اكتر من الريو بكتير
اما بخصوص الاير باج فمعلوماتي ان كل الكوري في الوقت الحالي نازل من غير المزايا ديه
السعر اقل حوالي 2000 جنيه لصالح الاكسنت
المانيول في الاكسنت 79000 الريو 81900
الاتوماتيك في الاكسنت 85000 الريو 86900
الاهم قطع الغيار حتى لو الهيونداي اغلى من الريو
لكن بالنظر لعدد مراكز الخدمة لكل نوع وانتشار قطع الغيار في السوق
فالبتأكيد لصالح الاكسنت عدد مراكز الخدمة تتفوق بها على اي مركز خدمة اخر وديه ميزة يعني في اي حي او مدينة في مصر اكيد ح تلاقي مركز هيونداي وده غير متوفر لكيا
في حالة انتهاء الضمان او في حالة الاستغناء عن الضمان انتشار قطع الغيار في مصر بالتأكيد وبدون تفكير لصالح الاكسنت
عدد انتشار السيارة الاكسنت في مصر وبدون اي شكوى من السيارة كان اكبر دليل على كده
السيارة في المقام الاول رياضية
ده مرة اخرى من وجهة نظري البسيطة

اضافة اخيرة معلش نسيت ان اضيفها
ضمان الاكسنت 3 سنوات وضمان الريو 5 سنوات
لكن في جميع الاحوال انت بتدفع فلوس يعني كلمة ضمان ديه مش بالمفهوم اللي الناس فهما
بمعنى انت لما بتروح صيانة بيقول لحضرتك انت ح تغير سير كتينة هل الضمان معناه انك مش ح تدفع ثمن السير لأ حضرتك ح تدفع بالاضافة لمصاريف التركيب في الموضوع واحد بالنسبة للسيارتين
يعني بعد الضمان لو حضرتك حبيت تكمل عند اي ميكانيكي اعتقد ان الهيونداي افضل
المقارنة اللي حضرتك شايفها مني لأني بالفعل كنت بقارن بين السيارتين قبل الشراء وكانت لصالح الاكسنت
اشكركم

بما انك بنت انصحك بالجيتز

انتشار اكتر مفهاش تنطيط قطع غيار ارخص

منتشرة بين البنات ومحدش بيشكى منها

ارخص من الاتنين وممكن فتحة سقف و1600

الأستاذ First Night

لو قرأت مشاركتى ، أنا ذكرت إن الريو 2009 نازلة ومعاها إيرباج للسائق سواء مانوال أو أوتوماتيك ، وده كلام أنا متأكد منه.

تانى حاجة نازلة ب أربعة زجاج كهرباء وكاسيت أصلى مدمج فى التابلوه ، مش زى الأكسنت.

حضرتك ذكرت إن الكماليات فى النيو أكسنت أكتر بكتيييير من الريو على حد تعبيرك ، ممكنأعرف إيه الكماليات الزيادة دى ؟

ثالث شيئ ، موضوع الضمان ده مهم لو انت ناوى تتعامل مع التوكيل ، ولو فيه حاجة اتغيرت مثلا مش تبع الصيانة الدورية ولكن لمشكلة فى الصناعة مثلا .. زى مساعدين .. مش هاتدفع عليها فلوس طول فترة الضمان.

وشكرا