بص كده من الاخر فيه حاجه اسمها Volumetric efficiency
او الكفاءه الحجميه ودى معناها مدى امتلاء اسطوانات الموتور بالشحنه اللى هى (هواء + بنزين).
بص بقى ياسيدى علشان تدخل الشحنه داخل اسطوانات المحرك لازم يكون فيه فتحات , الفتحات ديه هى اللى بتدخل الشحنه داخل الاسطوانات بتاعه الموتور , فاذن طبيعى ان كل ماتزيد عدد الفتحات ديه هايخش هواء وبنزين اكتر وبالتالى هاتزيد الvolumetric efficiency وبالتالى هاتزيد قدره الموتور بدرجه كبيره حلو الكلام.
طيب يعنى لو انت عندك فتحه واحده لدخول الشحنه وفتحه واحده لخروجها هايبقى احسن من لما يكون عندك فتحتين او تلاته للدخول وفتحتين تلاته للخروج . اكيد منطقى كل ما زاد عدد الفتحات كل مايكون احسن وهو ده سبب استخدام ال dohc علشان تقدر تدخل كميه اكتر من الهواء والبنزين نتيجه لزياده عدد الصبابات .

وطبعا ال DOHC افضل من ال SOHC
معلش انا حاولت ابسط الموضوع قوى مع العلم انى فاششششل فى الشرح