العربيه دى مايشتريهاش تاجر - بمعنى ان اللى يشتريها يكون عايز يركب عربيه حلوه ومايفكرشى كل شويه يبيعها لان بيعها اكيد فيه خساره لكن لو خليتها معاك وصرفت عليها هتديك اكتر من اللى صرفته عليها
لان العربيه من وجهه نظرى انضف فى الصناعه والتقفيل بمراحل كتير من اللادا والشاهين اللى على الزيرو وصالونها اوسع واريح منهم ( فما بالك بباقى الفيات من 131 و 132 وخلافه ) والعربيه لما تظبطها موش هتتعبك ان شاء الله ( الحمد لله موش بروح للميكانيكى الا عند الصيانه الدوريه كل 10000 )
المهم لما تشتريها لازم تعمل حسابك على مايلى :
- تصرف عليها وماتبخلش عليها وماتفكرش فى سعرها اللى اشتريتها بيه وانت بتشترى قطع الغيار
- ماتخليش حد يقرب منها الا اللى فاهم فى ال 305 بالزات
- لازم تعرف ازاى تجيب قطع غيارها الاستيراد اللى موش موجوده جديد حاليا من بتوع الاستيراد
لو موش عامل حسابك على اللى قلته فبلاش تشتريها وخليك فى عربيه تانيه احسن
المفضلات