الي كل من اشتري وجرب a516

**blazer** · 11-02-2009 10:49 PM

انا العربيه واحد صاحبى اشتراها وهقوللك على اللى انا عرفته عن العربيه
(انا ركبت شاهين برده قبل كدا)
العربيه شكلها حلو داخليا وخارجيا
من جوه فيها اوبشنز كتير على سبيل المثال
الزجاج كله كهرباء ممكن ينزل او يطلع كله بضغطه واحد
الشماسات فيها مرايات مضيئه
الكشافات الامامى عدسات و اضواء شبوره
تكييف بشاشه و شكله حلو جداا
كاسيت cd /tape / radio بس السماعا صوتها مش اد كدا
مخرجين كهرباء 12v
الكراسى الخلفيه ممكن تثنى
المرايات كهرباء
جنوط 15 بوصه
الحاجات اللى لاحظتها فى العربي
الفرامل بسم الله ما شاء الله قويه جداااا وبتوقف العربيه بسرعه و مزوده ب Abs
العربيه سحبها معقول مش قوى زى ما ناس ممكن تحس (انا حسيت كدا اول ما ركبتها)
العربيه تجمع لحد 140 بعد كدا التجميع بتاعها بطه بلدى بجد
اللى لاحظته ان الفتيس مش كويس يعنى حاسس انه بيطلع اصوات و مش مزبوط مش عارف هو كدا صح ولا ايه
عموما هى افضل من الافيو فى رأى والانوس والفيرنا (رأى شخصى بحت)
مع انى حاسس ان عمرها الافتراضى اقل منهم

**ahmedfadel** · 13-02-2009 12:14 AM

حبيب قلبي Blazer مشكور علي اهتمامك .
مش عارف ليه اتشديت اوي للعربية الي اسمها BYD F3 طالما كله صيني بقه يبقي اجيب الي شكله احسن . انته ايه رايك ؟؟؟؟

**ahmedfadel** · 13-02-2009 12:29 AM

يا خبر ابيضضضضضضضض يا خسارة فلوسي
شوفتوا اللنك ده يا جماعة ايه راكم في الموضوع ده يارتني مكنت قرييته من اساسه.
http://www.nilemotors.net/Nile/showthread.php?t=9173

**blazer** · 13-02-2009 02:49 PM

اولا هعلق على الموضوع اللى حضرتك كتبت اللينك بتاعه
) سحبها ضعيف جدا خاصة عند تشغيل التكييف وياسلام لو كنت محمل معاك ناس في العربية وطالع كبري في عز الظهر (فضيـــــــــــــــحة)، وحتلاقي في الأحوال العادية والله بلا مبالغة الـ 128 بتسبقك في الطلعة وكذلك جميع السيارات الـ 1300 والـ 1600 طبعا ، وموضوع انها 117 حصان وانها 147 نيوتن ده كلام فاضي وكذب عن تجربة وهي من واقع التجارب تقدر تقول انها فعليا 90 حصان ، 130 نيوتن/م
(العربيه سحبها سريع جدااااا وانت لو سقتها هتقول كدا لان وزنها خفيف وماتورها فى حدود كام حصان انا مش عارف بصراحه )
) الباغة الخاصة بالكلاكس في الدركسيون غير حساسة وأحيانا بتعلق ونوعيتها رديئة .
(فعلا ضعيفه ودا لان فى مكان ان ال airbag تركب بس مش راكبه ففى فراغ تحتيها)

اى حاجه بتعلق تانيه ممكن تتعمل فى التوكيل و بتحصل فى كل العربيات الزيرو انك تلاقى حاجه مش شغاله
حضرتك كل العربيات بتتهاجم لو كنت اخدت باللك كنت لاقيت مقاله فى قسم سوبارو ان واحد اشترى سوبارو 2008 وكاتب كميه مشاكل واتضح فى الاخر انها غير صحيحه حسب ما قيل فى القسم والله اعلم
لو بتقارن بينها و بين ال byd مقدرش افيدك لانى مركبتهاش بصراحه بس هى شكلها حلو بصراحه و منتشره على استحياء فى الشوارع

**ahmedfadel** · 13-02-2009 08:50 PM

الاخ الفاضل blazer مشكور كل الشكر علي اهتمامك
جاري الدراسة والمقارنة بين speranza و BYD F3 .
انا بسراحة ناوي اتاني شوية وادرس كويس علشان احط فلوسي في حاجة تماام ! . شكرا ليك تاني blazer .

**blazer** · 14-02-2009 02:29 AM

لا شكر على واجب
عموما نصيحه اخويه
اصبر شويه لان باذن الله الاسعار نازله نازله
والفلوس اللى معاك تخليك تجيب اسبرانزا بكره ممكن تخليك يجيب اوبترا ولا النترا

**evram** · 14-02-2009 09:40 PM

انا معيا اسبرانزا a516 عربية جميلة و ناعمة و مفيش احسن من كدة و لو عايز اي استفسار دة ايميلي evramandbavly@yahoo.com و انا هفيد اي واحد عايز حاجة عن اسبرانزا

**keko123** · 17-02-2009 01:26 PM

بص يا استاذ احمد عشان تفصل نهائيا فى الموضوع ده لازم تجرب العربية بنفسك سواء مع حد من اصحابك او حد من المنتدى هنا ممكن يخليك تجرب عربيته و تفرج عليها عادى يعنى
بس صدقنى الحاجة الوحيدة اللى هتخلصك من الحيرة اللى انت فيها انك تقعد فى العربية و تسوقها و شوف كده الشعور اللى هيطغى عليك ساعتها
لانك يا اما هتحب العربية اوى اوى يا اما هتصرف نظر عنها
----------------------------------------------------------
والله يا باشا كلامك دا عين العقل فعلا الكلام دا فى محله تمام
ودا علشان نقطع الاشعات

اشكرك على الرد الجميل دا

**elshaba7** · 17-02-2009 08:01 PM

bos ya basha
ana garrabt el4arabya we so2tha we 2arast 3leeha we 3malt beeha mnawrat we kol 7aga
el3arabya zy elfol
bas fe esha3a gamda bt2ool enha ba3d 30 2lf kelo bt7sal feha 7agat we7sha fe elbody wel3afsha
fanta shof elnas elly b3d 30 2lf dool
law la2etha tmam eshtreeha bdon tafkeer