الموضوع: الي كل من اشتري وجرب a516

( ارجوكم هموت من الحيرة )

speranza a516

أرجوكم اخواني اعضاء منتديات Nilemotors المحترمن
انا عندي عربية شاهين موديل 2002

وده صورتها ......
زهقت من قلة الكماليات.... وكل اما اركب عربية فيها اوبشن اقول ان شاء الله العربية الي هشتريها بعد كده لازم تكون فيها كل الاوبشن علشان انا زهقت من الشاهين من غير اوبشن اصل انا مبحبش العب في العربية طالما هيا نازلة من غير اوبشن ملعبشي فيها واعد اعدل واحط اوبشنز علشان لعب الكهربائية مبيطلعشي زي المصنع او زي متكون العربية جاية من بلادها بكمالياتها .

المهم ................
فكرت اجيب افيو...... طلع الشبابيك الي ورا بكر مش كهرباء وكمان يفرق الافيو الفاضية عن الي فيها اوبشن تقريبا 6 او 7 الاف جنيه . وكذلك اليارس بين سعر الفاضية والي فيها كماليات فرق كبير اوي في السعر بتاع 10 الاف كده ....
المهم لما سمعت عن الاسبيرانزا ده هبلتني من جمالها وكمالياتها ورخص ثمنها.....
عربية فيها كل الكماليات وكبيرة وشكلها جاااامد جدا جدا .
وتمنها علي قد ميزانيتي بالظبت في حدود 70 الف جندي

مشكلتي بقه ان ال 70 الف جندي دول شقي عمري
وسمعت ناس كتير بتقول عنها كلام يخلك تطفش منها ومن كل مميزات الي انا بقول عليها .
مثل ( العفشة ناشفة جدا وتحس بكل زلطة في الطريق وتسمع أصوات غريبة وانت بتلف يمين أو شمال حتى بعد تعديل العفشة )
(التابلوه بدأ يتقوس ويقب من الشمس ولسة العربية ما كملتش سنة)
(الدوكو الخاص بالسيارة خفيف جدا لو عملتوا بأظافرك حيطلع علطول والاكصدام الأمامي والخلفي بدأوا في التقشير بعد الشهر الأول )
(يوجد حدفة يمين لوجود عيب في الشاسيه باعتراف التوكيل وكثير من مالكيها سواء شعروا بها أو لم يشعروا وليس لها حل )

وحاجات تانية كتير مش لازم اكتبها علشان انا الي سمعته كتييير اوي ومش فاكره

انا عارف دلواتي شعور كل واحد قرأ الكلام ده وكان في نيته يشتريها ( طبعا خيبت اماله وحس ان الدنيا كلها اسودت في وشه )
اخر حاجه قريها موضوع بعنوان :-
قبل أن تشتري اسبيرانزا - احذر
وكانها قنبلة سوف تنفجر ..........

وبعدين لما اقرا التعليقات علي الموضوع الاقي الناس بتقول بطلوا افتري بقه ده عربية زي الفل وجربناها ولقيناها مفيهاش اي من العيوب ده .
طيب بالله عليكم نسدق مين.......... شوفتوا بقه الحيرة الي هتموتني

ارجوا من اخواني الكرام الي جربوا العربية يقولولنا بالظبت حكايتها ايه اقصد يعني ( عيوبها ايه بالظبت ) ( ومميزاتها ايه )

ويكون الكلام عن تجربة فترة طويلة مش لسه جايبها خاصتا ان الواحد لما بيكون لسه جايب عربية جديدة بيبقي منبهربيها اوي مش بيرضي يمسك عليها اي عيوب

وبلاش ياجماعة علشان خطري حد يقول رايه عن سمع علشان انا سمعت كلام متناقد كتتتتييير اوي اوي ... وقريت كلام يعقد وخليك تكره العربية وتكره الصين كلها .
في حين ان في ناس بتقولك ده عربية زي الفل مفيهاش غلطة . يعني من الاخر انا استويت

اسف جدا جدا علي الاطالة وياريت مكونش ازعجتكم بكلامي بس اعتقد ان في ناس كتيرة برده محتارة في امر هذه السيارة زيي كده .

بص يا استاذ احمد عشان تفصل نهائيا فى الموضوع ده لازم تجرب العربية بنفسك سواء مع حد من اصحابك او حد من المنتدى هنا ممكن يخليك تجرب عربيته و تفرج عليها عادى يعنى
بس صدقنى الحاجة الوحيدة اللى هتخلصك من الحيرة اللى انت فيها انك تقعد فى العربية و تسوقها و شوف كده الشعور اللى هيطغى عليك ساعتها
لانك يا اما هتحب العربية اوى اوى يا اما هتصرف نظر عنها