الرجاء المساعدة السريعة وخصوصا من سميروممدوح

**samirayad** · 12-02-2009 09:10 PM

المشاركة الأصلية كتبت بواسطة KoDaK_Gti

كلامك حضرتك سليم طبعا 100%
ومش بقول ان اللى عنده عيب فى الرشاشات لأن انا مش عارف بصراحة
كل اللى كان قصدى ان حضرتك قولتله طالما العربية بتدور الصبح من اول مرة يبقة استبعد الرشاشات من الموضوع
وانا حبيت اوضح ان انا كان عندى عيب فى الرشاشات والعربية كانت بتدور من اول مره الصبح عادى جدا
هو ده بس اللى كان قصدى
تقبل تحياتى

طيب معلش سؤال صغير أخبار كبس المحرك أيه وهل فيه نفخ ولا حاجه من منطقة التاكيهات أو فيه نسبة تفويت للكرتير.....لأن ده برضه يخللى تسييل البنزين فى فترة ركن العربيه ميبقاش موجود ...على أساس البلنزين اللى بيسيل من الرشاشات ممكن يروح لمنطقة التاكيهات لو فيه نفخ لفوق...وممكن يهرب للكرتير لو فيه تفويت بسيط بين الشنبر والشميز .....والعربيه ممكن تدور عادى برضه(على الرغم من وجود عيب فى الرشاشات)......منتظر تعليقك

**samirayad** · 13-02-2009 12:17 AM

المشاركة الأصلية كتبت بواسطة lol656

الله ومش عايز اقتنع براي حد تاني ينور عليك والله انا مستني ردكم لاني الميكانيكي قاللي رشاشات بالنظر

شوف ياسيدى....فيه أختباربيتعمل علشان تعرف الرشاشات بتسيل ولا لا......وممكن الميكانيكى يعمله وأنت واقف على طول ....حتفتح كونتاكت لحد الطلمبه ماتحضر بنزين والخطوط تبقى مليانه(زى مابتعمل قبل مدور)....حتخللى الميكانيكى يحل مسطرة الرشاشات بالرشاشات وهى راكبه.....لو فيه تسييل حتلاقى الرشاشات بتسيل بنزين قدامك....ده أختبار التسييل فقط وده بيعتبر أطمئنان مبدئى على حالة الرشاشات............. فيه أختبار تانى بيتعمل على جهاز أختبار لمعرفه شكل عملية التزرير....وده علشان تعرف كفاءه الضخ والتزرير(على أساس لو شكل التزرير على الجهاز هرمى(شكل هرمى)...وقوى بتعرف أن الرشاش كويس....ولو الشكل ضعيف وهزيل بتعرف الرشاش ضعيف......على فكره دى الوجهه النظريه انما على الطبيعه الأمور بتختلف....بس حقيقى أنا ماعملتش الموضوع ده وشوفته الا لرشاشات محركات الديزل نظرا لطبيعة عملى...(على اساس ان جهاز الأختبار حيكون مختلف)................وفيه حاجه تانيه برضه لاختبار الرشاش وهو أختبار قوة المقاومه بتاعة ملف الجذب الكهربى الداخلى........وبيتم فيها فقط قياس مقاومة الملف للأطمئنان على أنها فى الحدود المطلوبه ومفيهاش مشاكل......بس عاوزه كهربائى كويس ويكون شغال فى المجال ده.......تحياتى لك

**MMamdouh** · 13-02-2009 05:10 PM

دى مشكلة رشاشات

MMamdouh

**samirayad** · 13-02-2009 09:26 PM

فيه يرضه حالة أخ /فاضل .....ياريت نقراها بتمهل...علشان منوجهش أصابع الأتهام للرشاشات بس فى دايرة البنزين........اليكم الرابطhttp://www.nillemotors.com/Nile/showthread.php?t=58393

**samirayad** · 13-02-2009 09:51 PM

أما أعيد الرابط مره تانيه علشان الحبايب.....أصل بجربه ألاقيه مش شغالhttp://www.nilemotors.net/Nile/showthread.php?t=58393

**samirayad** · 15-02-2009 01:56 PM

.....+90004(أنا مازلت مقتنع برأيى للمره ال90004 )

**MMamdouh** · 15-02-2009 02:08 PM

المشاركة الأصلية كتبت بواسطة samirayad

طالما بدور من أول مره الصبح .....يبقى شيل الرشاشات من الموضوع...................

العربية حتدور الصبح عادى لان البنزين اللى الرشاشات نزلتة اتبخر و خرج من غرفة الحريق... اما لو القصة بتاعت التاخير بتحصل بعد نص ساعة الى ساعتين تلاتة تبقى رشاشااااااااااااااااااااا اااااات

MMamdouh

**samirayad** · 15-02-2009 02:39 PM

المشاركة الأصلية كتبت بواسطة MMamdouh

العربية حتدور الصبح عادى لان البنزين اللى الرشاشات نزلتة اتبخر و خرج من غرفة الحريق... اما لو القصة بتاعت التاخير بتحصل بعد نص ساعة الى ساعتين تلاتة تبقى رشاشااااااااااااااااااااا اااااات

MMamdouh

طبعا الكلام ده مظبوط ....فى حاله وجود نسب تفويت من غرف الحريق للكرتير ..أو من الغرف برضه الى منطقه التاكيهات(لو كانت الصبابات مش مطبعه كويس).......

أما لو كانت كفاءة الأ حكام عاليه....فالعربيه حتتعبه فى الدواره(لأن البستم اللى صباباته حتكون قافله ...حيحوش بنزين).........طبعا الكلام ده بالنسبه للدواره الصبح أو بعد فترة تبطيل طويله(لأن حيكون هناك فرصه لتجميع بنزين).....................

وعموما هو ممكن يختبر تسييل الرشاشات بأخراج المسطره بعد ملأ الخطوط بالبنزين المضغوط ويشوف وضع الرشاشات......لو مفيش تسييل يبقى الأحتمال الأرجح ...عيب فى كفاءه البوبينا....على أساس أن الطلمبه عنده كويسه بسبب كفاءة الدواره فى الصباح(يعنى ضغط الطلمبه كويس).....مع ملاحظة أن الأخ بيقول أن كفاءة السحب كويسه وأستهلاك البنزين فى الحدود المقبوله..........تقبل تحياتى