لو عربيتك اتخبطت هتاخد عوض؟؟؟؟؟

**ابو فرح** · 11-02-2009 06:06 PM

المشاركة الأصلية كتبت بواسطة pharonicking

من اتلف شىء فعليه اصلاحه دة مبدا فى الاسلام """
وقصة العوض دى سواقين التاكسيات والميكروباصات هما اللى اخترعوها عشان يطيحوا فى الناس ويخبطوا فيهم ومحدش يحاسبهم
انسى كلمة عوض دى اللى يخبطك خليه يصلح لك العربية"

كلام مظبوط

**mahmoudzaied** · 11-02-2009 06:22 PM

انا با جماعة عربيتى اتخبطت وهيا عاملة 1300 كيلو بالظبط
والصورة فى توقيعى
متوسيكل صينى دخل فى الرفرف اليمين
نزلت شاب عندى من 20 - 24 سنة
هوا ما اتكلمش
بس اللى حصل انى كنت قدام الشارع بتاعى
كل الجيران قالولى هتعلم ايه خلاص عوضك على ربنا وحصل خير
وفعلا انا سيبتو وبس طبعا كنت هموت من الزعل الععربية ادبهدلت وهيا جديدة
ومرة وانا فى الجامعة وواقف خالص مش ماشى ووقف فجأة
ولقت عربية 128 طاااااخ من ورا
انا قلت هلاقى الفانوسين بالاكصدام ضايعين نزلت لقت خرابيش بسيطة سيبت صلحبة العربية ومشيت ولما غسلتها طلعت كل الخرابيش
انا عن نفسى المواقف الىل حصلت كلها مختش فيها عوض
(بس انا لو جاتلى الفرصة هاخد عوض ليه لأ)
رغم انى صوت انى مش هاخد عوض
بس انا مش عاوز ابقى منافق واقول حاجة انا معملتهاش
ومعلش طولت عليكم

**Mar80** · 11-02-2009 06:31 PM

ليه ماخدش حق اللى اتكسر اذا كان في القران الكريم القتل الخطأ له ديه بتدفع وليها مقدار معين دا ربنا اللى قال كدة مش انا يبقى لو حد خبط عربيتي حقى اني اخد منه حق اصلاحها

**mo7a_mo7a** · 11-02-2009 11:29 PM

المشاركة الأصلية كتبت بواسطة Mar80

ليه ماخدش حق اللى اتكسر اذا كان في القران الكريم القتل الخطأ له ديه بتدفع وليها مقدار معين دا ربنا اللى قال كدة مش انا يبقى لو حد خبط عربيتي حقى اني اخد منه حق اصلاحها

خلينا ننتظر رد دار الافتاء

**dr_timo** · 12-02-2009 05:39 AM

لا ياجماعة اكيد يعي في فرق فعلا يعني لو حد خبط خبطة يعني سهو او حد كان مزنق عليه حجات كدة قهرية يعني وبتحصل لينا كلنا فمش هاخد عوض فيها لاني ممكن يحصل معايا كدة واغلط بردو لكن بقي اللي لازم مسكتش عليه لو كان غلط سببه رعونة او اهمال فادح او غباء فاضح يعني تخيل لو ماشي او حتي واقف قدام البيت ولقيت حد خبط عربيتك لا دة بقي سكران لا ولا بقي لو لقيت اللي خبطك عيل صغير سايق وابوه كان بيعلمه عليها لا دة انا اغرمه واغرم ابوه كمان

**pro_samir** · 12-02-2009 05:58 AM

والله مش دايما بتبقى بظروفها

انا لسة اول امبارح حصل معايا موقف سخيييييف

كنت راجع من الصلاة ومعايا تليفون فوقفت قدام العمارة شوية علشان الشبكة ضعيفة فى المكتب

العمارة اللى جنب اللى قدامنا كانو بيطعلو عفش وبيربطوة بحبل من تحت و واحد يشد من فوق وعربية لانسر واقفة

وبعدين حاجة من العفش وقعت جت ورا العربية اللى واقفة بالظبط

انا قلقت اديت المفتاح لواحد صاحبى كان واقف معايا قلتلة هات العربية هنا مع انها كانت بعيدة عنهم خالص اساسا ومتوقعتش خالص انة ممكن حاجة تقع عليها بس قلت احتياطى

اول ما جب العربية وجة وقف قدامى لاقيت الرفرف الشمال متدمر خالص ومطبق ، هوا نزل بيسألنى اية الخبطة دى

طبعا كنت اول مرة اشوفها

قلت اكيد حاجة وقعت عليها برضو وروحت اكلم الراجل اللى بيربط الحاجة فى الحبل وانا متوقع انة هيقولى لا مش احنا ، لأنها كانت بعيدة عنهم اصلا

اول ما روحت كلمتة لاقيت اصحاب العفش راحو جايين عليا ونظام بقى معليش وربنا ستر و اللى انت عايزة وحاجات كدة

مش عايز اقولكم يعنى قد اية كنت قرفان منهم لأن صاحبى وهوا بيجيب العربية هما شايفينة و واقفين جنببة ومع ذلك محدش فيهم راح كلمة ولا قالولة اى حاجة على اللى هببوة فى العربية

بجد منتهى السخافة وقلة الذوق يعنى مش عارف اقول اية والله حاجة تحرق الدم

وخدت الكارت بتاع الراجل علشان المفروض انه هيدفع فلوس التصليح طبعا

وبعدها بشوية روحت لسمكرى ردها على البارد مفيش عشر دقايق الحمد لله كانت رجعت تمام بس البوية اتقشرت وشكلها بايخ لأن التطبيقة واخدة الرفرف بالطول من فوق لتحت كلة بقى خط متقشر كدة فى البوية

بس هيا مكلفتش كتير يعنى السمكرى كان معرفة مكانش راضى ياخد فلوس اصلا وبعدين فى الأخر خد عشرة جنية ، مع اعتبار انة بعد كدة هيبقى يفكة يعملة على السخن ويترش علشان يرجع زى الأول

وطبعا متصلتش بالراجل هكلمة اقولة هات عشرة جنية ولا شيل حق رش الرفر كلة ؟ .. استبوختها جدا طبعا

لكن دة ميمنعش انة اللى يبوظ حاجة المفروض يصلحها

مش مسألة فلوس بس دة مبدأ ، بس طبعا لو مبلغ مش كبير الواحد بيتحرج

**Qamar** · 12-02-2009 11:56 AM

من أفسد شيئا فعليه اصلاحه

**ابوهاشم** · 12-02-2009 11:42 PM

والله حصلت معايا كتير ومابكونش انا اللى غلطان ومابرضاش اخد حاجه من حد عسى ان يرحمنى غيرى لو وقعت فى نفس الموقف

مشاهدة نتائج الإستطلاع: هتقبل العوض لو عربيتك اتخبطت

الموضوع: لو عربيتك اتخبطت هتاخد عوض؟؟؟؟؟

LinkBack

أدوات الموضوع

عرض

-

-

-

-

-

المواضيع المتشابهه

كنت هتاخد مخالفة سير عكس أونطه (مع اني ماشي سليم).

لو كسرت الاشارة هتاخد مخالفة و لو مكسرتهاش هتاخد مكافئة !!!

اتخبطت

عدلت فى عربيتك السيفيك من برة أو جوة؟ إنشر صور عربيتك.

ادخل هاخد من وقتك 5 دقايق و هتاخد فكرة عن جمعية رساله

الكلمات الدلالية لهذا الموضوع

المفضلات

المفضلات

ضوابط المشاركة