الموضوع: المشى على الرصيف بالعربية

السلام عليكم
ازيكم يا شباب
مفتقدكم جدا والله
طبعا الحمد لله اصبحت الان بسوق كويس الى حدا ما وتحركت بالسيارة ولو قلنا ان من مصر الجديدة لاكتوبر ده يعتبر سفر فيمكن ان اقول اننى سافرت بالعربية ايضا رحت ابو رواش والعبور وقليوب ومشيت على الدائرى من اوله لاخره ومشيت على المحور.
والحمد لله اصبحت هادئ وانا اقود السيارة وابتعد عنى التوتر
المهم يا شباب اصعب شئ اواجهه الان هو الاتى واريد النصيحة فيه بشدة
لما اريد ان اخد ريتيرن على شارع سريع بخاف جدا وانا بلف ان فيه عربية هتاتى بسرعة وتخبطنى فى الرفرف
اوضح اكثر وقد يعرف المكان اهل مصر الجديدة والزيتون
يوجد شارع اسمه شارع العزيز بالله متقاطع مع شارع جسر السويس
شارع جسر السويس شارع عريض وواسع وتاتى فيه العربيات مسرعة جدا
اللى بيخرج من شارع العزيز بالله ويريد ان يذهب الى اليسار من جسر السويس متجها الى موقف العاشر والعبور فانه يقطع الشارع وامامه يجد ريتيرن.
وهذه هى المشكلة
فى هذا الريتيرن بالذات
السيارات تاتى مسرعة جدا من اول طريق جسر السويس ويجب ان الف حتى اسير فى نفس الاتجاه وانا غالبا الف بجوار الرصيف يعنى باخد الريتيرن على الضيق ولا الف على الواسع
لكن حينما الف اشعر اننى لم الم العربية جيدا فاشعر ان احدى السيارات ممكن تخبطنى
او الم العربية اوى لدرجة ان العجل بيخبط فى الرصيف او ممكن اكون بلمها كويس لكن شعور بالقلق رهيب يطاردنى
وممكن مشفش الطريق لو عربية نصف نقل جت وقفت على يمينى وعاوزة تلف على الواسع
واشعر ان الناس تعطينى كلكسات جامدة وكاننى غريب ان اتوقف
ولكنى اشعر انى لو مشيت ممكن اتخبط
فما الحل فى هذه الرتيرنات ؟
هل من الطبيعى انى امشى علطول واحضن بجوار الرصيف بدون ان انظر الى الطريق لانه من البديهى ان السيارات اللى جاية بتبعد عن التريرن ولا انتظر لغاية لما اكشف الطريق؟
هل لو فيه عربية على يمينى ادخل وانا مطمئن لانها كده مغطيانى؟ ولا انتظر حتى تمشى اولا ؟
بصراحة الموضوع ده مارقنى جدا يا شباب
لدرجة من خوفى انى عند هذا الرتيرن ممكن احضن على الرصيف لدرجة ان اللى بجوارى يقولى انتا هتمشى على الرصيف ولا اه ؟
وممكن مرة خبط فعلا فى الرصيف وانا بلف
ما الحل يا اهل الخبرة ؟ افيدونا افادكم الله
المشكلة ان ده ريترن غبى وزحمة وكلكسات وتوتر عصبى ونفسى

والله انت فكرتنى بنفسى فى اول ماركبت عربيه كنت زيك بالظبط
هو بس الخوف والقلق بعد كده جمدت قلبى وبقيت اكلها على طول بشجاعه وفعلا المفروض ان اللى جاى هو بيبقى عامل حسابه على كده ان فى يو تورن قدامه جمد قلبك انت وبرضه الحظر مطلوب