بعد 280 الف كيلو من العناء ..

**max_ziro** · 12-02-2009 03:22 PM

يا باشا مهو لو نزل جاب المتور دة من بور سعيد مقفول مش هيعدى ال 1500 اصلا فى الحرفيين مغلوانية و اصلا المتور لو اتفتح عمرة مهيرجع زى الاول ..
يبقى متور جديد من بابة و يريح دماغة ..
انما لو على قد طقم الشنبر ف دى سهلة .. مش محتاجة متور يتغير ..

**umoussa** · 12-02-2009 04:38 PM

ايوه مختلفناش - الفكرة بس انه يجيب موتور حالته نضيفه لأن فعلاً عيب من عيوب اللانوس القاتلة هو الموتور والحمد لله ان متوفر

نصيحة فعلاً الموتور دا كدا مفروض تقوله شكراً وتبوسه وتركنه على جنب

تنزل بورسعيد وتاخد معاك ميكانيكي بيفهم
دور في السوق الاول - عمارات بنك الإسكان

شوف الموتور الي يعجبك والأحسن تاخد موتور راكب في نص لو لقيت.

متنساش تاخد المخالصة الجمركية وتصور رخصتك وبطاقتك علشان يبعتوا رقم الموتور الجديد على مرورك لأنك حتجتاج تغير بيانات العربية وتعمل بصمة موتور جديدة.

**khater87** · 13-02-2009 12:19 AM

شكرا يابو موسي انا فعلا ده الي انا هعمله هريحه من الشغل كفااااااااااااااايه عليه كده فعلا ...
وإن شاء الله هنزل اجيب واحد جديد كااامل ..
سألت عليه عندنا لقيته ب3.500 كااااااااااامل بكل حاجه وربنا يسهل ..

**umoussa** · 13-02-2009 12:56 AM

تجيبه كامل ليه؟

انت عندك مشكلة في الدينامو والكمبرسور وطرمبة الباور والفرن والمنافولد والبوابة؟

الحاجات دي لو سليمة عندك يبقى حرام تجيب غيرها وحتفرق معاك في الفلوس ولاحظ انك لسه حتحتاج تجيب بوجيهات وفلاتر وزيت وكاتينة وسيور غير المصنعيات ومش بعيد يكون طقم الدبرياج خلص وتحتاج تجيب واحد تاني

شوف السليم عندك الأول وبعد كده خد قرارك