بص يا استاذي واضح ان فكرة التوكيل بالنسبة لحضرتك ضخمة جداً مع إن العملية أبسط من كدا مفيش.

أولاً كل الأجهزة إلي حضرتك بتقول عليها موجودة برة. أنا نفسي عندي Vas 5052 وبكشف وأكود عربيتي وعربيات أصدقائي وعندي أجهزة تانية مش موجودة في التوكيل بطلع أكواد وبترجع عدادات وحاجات تانية.

وبعدين أيه الفرق بين دقة الصنايعي في التوكيل ودقة الصنايعي برة التوكيل هو هو نفس الصنايعي وبعدين هو انت رايح عند ميكانيكي فيات و128 انت رايح مكان محترم ونظيف والي شغالين فيه أصلا مهندسين. ولو انت معندكش فكرة بالموضوع ده. أحب أقول لحضرتك إن كل الناس بتشتري الجيتا الخليجي وبتروح عند مراكز محترمة ومعروفة بالاسم

أما موضوع التوكيل والتضخيم والهالة المعمولة حوليه فولا حاجة. أخرك ايه محتاج قطع غيار موجودة أصلي عند أشرف الشهابي ولو مش عند أشرف تقدر تشتريها من التوكيل محدش يقدر يقولك لأ ولو مش موجودة في التوكيل ولا عند أشرف فبرضو أشرف يقدر يجبهالك في خلال أسبوعين من ألمانيا لأنه بيتعامل مع المخزن هناك وأرخص من التوكيل كمان.

عرفت بقى ان فيه جوانب كتير مش باينة لحضرتك

وياريت حد من الأخوة الي معاهم عربيات خليجي يشاركونا ويحكوا عن مغامرتهم مع صيانة عربيتهم خارج التوكيل


وبعدين انت متعرفش ايه الفرق في الكماليات بين العربية بتاعة الوكيل في مصر والعربية الي جاية من الخليج؟ دا فرق الزينون لوحده في الجيتا في مصر 25 ألف جنيه!!!!