بالنسبة لل 1400 حتلاقي جديد أصلي واستيراد
ال 1600 حتتمرجح (لا جديد أصلي ولا استيراد)
عرض للطباعة
بالنسبة لل 1400 حتلاقي جديد أصلي واستيراد
ال 1600 حتتمرجح (لا جديد أصلي ولا استيراد)
يا باشا أنا مش عارف هو إنت المشكلة طلعت عندك في العلبة الخلفية ولا إيه، لو فعلا كدا قوللي عشان أنا عندي زي ماقولتلك العلبة الخلفية الأصلية للإبيزا 98 وجديدة خالص لأني أول لمل إشتريت العربية فكيت العلبة وغيرتها بعلبة سبور ولما بعت العربية إحتفظت بالعلبة، عشان كدة أنا مستخسرها وممكن أديهالك بسعر كويس جدا بس إنت أكد عليا
السلام عليكم
انا لسه حتي الأن ما كشفتش علي الشكمان هروح اكشف عليه واشوف ايه اللي محتاج يتغير وأكيد ان شاء الله لو العلبة الخلفية هيا اللي محتاجه التغيير هاخد بتاعتك ومتشكر جدا لتعاونك ومساعدتك بس هيا العلبة اللي عندك دي هتعمل كام بالضبط عشان أعمل حسابي لما أطلبها منك .
وشكرا لإهتمامك
وجزاك الله خيرا
ايه رايكم يا جماعة فى العربية البولو موديل 98
واشكركم
لا طبعاً حاجته مش متوفرة
يعني انت وانت بتسقط الموتور لقيت شكمان 1600؟ لو لقيت تبقى محظوظ بس لو حصله حاجة مش حتبقى محظوظ. وانا بتكلم على شكمان كامل مش نص ونص..
ثانياً انت لما شغلت الموتور 1600 شغلته على ضفيرته ولا ضفيرتك؟
ثالثاُ: انت مشغل الموتور على فتيس 1300؟ طيب مستنينك في الحرفيين قريب!!!
رابعاً: لو رشاش واحد في العربية باظ، مش حتلاقيه في السوق
خامساً: طقم الدبرياج بتاعه مش موجود في السوق والتجار بيبيعوا بتاع ال 1400 وخلاص
دي بس أمثلة
شوف ياباشا أنا مركب الموتور من 3 شهور
على نفس الشكمان....ياريت تقولى لو جبت شكمان 1600 هيفرق فى ايه؟
على نفس الفتيس القديم وقالوا بتاع ال1300 يشتغل عادى.وجبت بيه سرعة لحد 180 بسهولة ماشاء الله فى طريق مصر اسكندرية وكان معايا 2 كمان وشنط ولابتوبات وكدة.بتاع ال 1000 سى سى هوه اللى ماينفعش خالص ومش بيجيب اكتر من 150 بالعافية وحصلت مع واحد بالمنتدى قابلتوة عند الميكانيكى بالصدفة.
بالنسبة للضفيرة أنا من حظى كان موجود عندة نص 1600 وفية ضفيرة كاملة اخدتها بالكامل بالفيش بتاعتها لحد علبة الفيوزات..فيه ناس بتشغل على القديم والكهربائى كان عايز يعمل معايا كدة بس دة شغل عك.علشان كمان أنا ضفيرتى بتاعت موتور كاربراتير
وبدلت الكنترول بتاعىال 1300 aj بكنترول ال1600 اللى هوه كود بيبدأ ب 030 وأسود.
مش عارف بصراحة موضوع الرشاش دة ربنا يستر وماتوصلش لكدة.
طقم الدبرياج هوه هوه وأنا شارية قريب فاليو العلبة الخضراء ب 500 جنيه و كان مكتوب عليه 1300
و1600 بولو وقرطبة و سكودا ومش فاكر أنواع تانية فأعتقد مفيش فرق.
المهم أنا لما جبت الموتور جبته بطقم الدينامو وكمبريسور التكييف و باور كامل بالخراطيم والضفيرة وسلك الأكسراتير وفرن الشكمان بالحتة اللى قدام.
وركبت على نفس المارش والفتيس وطلمبة البنزين والعفشة والفرامل القدام.
ولما ركبت الموتور الجديد كان الأر بى ام بيهيس شوية والراجل غيرلى البوابة بعد اسبوعين من غير فلوس والحمد لله الدنيا زبطت.
أنا كان عندى أصلا ال 1300 بدون باور وراكبلوة تكييف كان مطلع عينى وكل شوية العربية تبطل وقعدت 3 سنين عذاب مع القصة دية من مشاكل ايديل وخلافة.
بس الحمد لله دلوقتى حاسس انى راكب عربية تانية خالص بسم الله ماشاء الله سحب فظيع مشفتوش فى اى عربية مش حاسس انى راكب بولو خالص.
ومع التكييف بسم الله ماشاء الله مفيش اى تأثير نهائى وأنا مشغل التكييف وبجيب 180 بردة.
مع ال 1300 كنت بحس انى راكب بطة مع التكييف والعربية كانت خانقانى.
ولسة عايز اغير فلتر بنزين و بوجيهات علشان دول بتوع الموتور القديم كنت بجرب بيهم.وبفكر اجيب السبليت فاير اللى بيقولوا عليها بس من غير سلك بس مش عارف بقى هيفرقوا فى السحب ولا ايه.
انا بالنسبة لملحوظاتى على الموتورفى الفترة دية انه صوتوة عالى بطريقة ملحوظة. عكس ال 1400 ملوش صوت خالص. لكن انا عندى عامل زى موتور الألنترا ال 1600 و تحس انى مركب فلتر سبور.
وأنا عندى جنوط 14 وكاوتش 185/60 والحمد لله الثبات معقول. بس بينى وبينك حاسس ان الفرامل ضعيفة شوية على الموتور دة ...عايز أقويها علشان أنا بحب أجرى,,,,ياريت تشور عليا أعمل ايه. معلش أنا دوشتك بس حبيت أشرح الموقف كامل وأى سوال أنا موجود.
وياريت لو تقولى اى نصيحة أو معلومة أستفيد منها.
وشكرا لتعاونك... :Ob_mak1[1]:
الشكمان بتاع ال1600 هيفرق معاك فى السحب ودا لأن القطر بتاعو مختلف عن ال1300وال1000أما الفرامل فكان لازم تاخد الطنابير بتاعت النص الى انت أخدت منو الموتور قوه فرمله موتور 1300 غير 1600 تماما والمفروض بردو أنك تغير الطنابير ورا والأفضل تجيب طنابير سكاكين ورا ولا أيه يابشمهندس أسامه