ياه دانتا حكيت قصة كفاح
طيب أنا انهاردة مش فاضي بصراحة، ححاول ارد عليك بكل التفاصيل إن شاء الله
عرض للطباعة
ياه دانتا حكيت قصة كفاح
طيب أنا انهاردة مش فاضي بصراحة، ححاول ارد عليك بكل التفاصيل إن شاء الله
أنا آسف للتأخير، محتاج أعرف من حضرتك شوية معلومات علشان ردي عليك يبقى صح..
حروف الموتور الي انت مسقطه أيه؟
لو مش عارف حروف الموتور، هو كام كامة؟
حروف الفتيس أيه؟
رقم الكنترول الي راكب إيه؟
ردلي على الكام سؤال الرخميين دول وندردش سوا زي منتا عايز
Polo from 1995 to 2000 (MK3 – 6N1)
YearEngine CodeCCKW / HP1995ADX129040 / 54AEA159855 / 74AEV104333 / 451996ADX129040 / 54AEA159855 / 74AEE159855 / 74AEV104333 / 45AEX138944 / 59AFH139074 / 1001997ADX129040 / 54AEA159855 / 74AEE159855 / 74AER99937 / 50AEV104333 / 45AEX138944 / 59AFH139074 / 100AHS159755 / 741998, 1999, 2000ADX129040 / 54AEA159855 / 74AEE159855 / 74AER99937 / 50AEV104333 / 45AEX138944 / 59AFH139074 / 100AFK139074 / 100AHS159755 / 74AHW139055 / 74AJV159788 / 118AKV139844 / 59ALL99937 / 50ANX138940 / 54APQ138944 / 59
الجدول أعلاه يبين التالي:
- المواتير 1600 بدأت في الظهور من سنة 1996 وكانوا متورين بس وقدرة الموتورين متساوية وهي 74 حصان والناس بتقول 75 حصان.
- المواتير 1600 من 1996 لحد 2000 كلها ليها نفس القدرة وهي 74 حصان ماعدا الموتور AJV ودا قدرته 118 حصان ومش الموجود في عربيتك لأن الموتور ده لونه أحمر.
- انت بتقول إن موتورك 102 حصان يبقى أقرب حاجة للمعلومة دي هما الموتورين ال 1400 AFH وAFK ومعلومة ليك برضو، الموتورين دول المنافولد بتاعهم حديد مش فبر.
- صوت العربية العالي يرجع إلى الشكمان الضيق ودا على فكرة خطر على الموتور.
- الفرامل مفروض تتغير، بمعنى أصح تغير المساعدين الأماميين والخلفيين والركبتين الأماميتين بطنابرهم.
- متستعملش بوجيهات غير البوجيهات الي فولكس قالت عليها بلاش التأليف بتاع العربيات التانية.
- طالما انت كمان مشغل الموتور على فتيسك فحاسب كويس لأن فتيسك ممكن يتفرتك في أي لحضة نتيجة اختلاف عزم الموتور. وكمان فتيسك طقم الدبرياج بتاعة نص قطرة 19 سم المواتير 1400 و1600 طقم الدبرياج بتاعها نص قطره 20 سم ودا سبب آخر من اسباب ارتفاع صوت العربية والي كان مكتوب على علبة الطقم ده هجص مينفعش يكون في طقم واحد لموتور 1300 وموتور 1600 والطقم دا حيفوت منك بسرعة لو قرصت على العربية وحتاكل بنزين وحتحس انها فعلا بتستهلك بنزين عالي.
دا الي في دماغي دلوقتي وعلشان نقطع الشك باليقين قولي حروف موتورك إيه وانا اقولك الفتيس الي يركب عليه حروفه إيه
وأي خدمة ياسيدي وماتنسانيش من الدعاء
ياباشا ألف شكر ليك على ردك و معلوماتك ديه وتعبك معايا وربنا يستر.
أنا بصراحة معرفش حروف الموتور ايه...بس فى أقرب وقت هشوفهالك
ومش عارف كام كامة...ولا حروف الفتيس....شكلى مش عارف حاجة خالص..هههههه.
بس كل اللى أعرفة انه موديل 98 و 102 حصان MPI. دة طبعا على كلام الراجل.ممكن يكون هوه مش عارف.
لو قصدك المانافول دة اللى هوه البوابة عندى حديد فعلا.
بالنسبة للكنترول هوه 030 تقريبا AH بيرلى ايطالى لونة أسود هتأكدلك بردة.
القديم بتاع ال 1300 كان Aj بوش ألمانى.
بالنسية للشكمان تنصحنى أعمل ايه فى الموضوع دة؟ وهيتكلف فى حدود كام؟؟؟
و طقم الدبرياج انا هستنى عليه لحد مايجيب أخرة وابقى اجيب بتاع ال 1600 ان شاء الله.
وربنا يستر على الفتيس....تنصحنى أعمل ايه؟؟؟
الفرامل انا فى دماغى انى أغيرها ان شاء الله فى أقرب وقت.
أنا سمعت ان الدنجل بتاع الجولف 3 بيركب على البولو وسكاكين.
صح الكلام دة ولا ايه رأيك؟
على فكرة أنا طلعت من أوكتافيا A5 وموتورها 1600 102 حصان.فى الطريق اللى بين المنصورة وطنطا.
فامعتقدش ان موتورى ممكن يكون 75 حصان أعتقد ماكنتش هشوفوه.ولا مش شرط؟؟؟
على فكرة أنا مش خبرة أوى فى موضوع المواتير والعفشة والشد والكلام ده. وأسف لو كنت دوشتك.:Ob_mak1[1]:
شوف هو لو Mpi يبقى 8 صباب
حروف الموتور حتلاقيها مكتوبة على غطاء سير الكاتينة
استيكر لنه أبيض ملصوق على الغطاء من برة
حتلاقي عليه ثلاثة حروف لو لقيت الاستيكر ده ومعرفتش تقراه صوره وبعتهولي وانا اقولك
بالنسبة للسكودا حتى لو عربيتك موتور 75 حتطلع منه لأن عربيتك أخف
أنا نازل دلوقتي
لما أرجع حرد عليك بالتفصيل
بس بيني وبينك في الخباثة كدا، إنسى موضوع 102 حصان ده :k38:
آخر سؤال
جبت الموتور من عند مين وسقطه فين وكان سعره كام
بقلك أيه بشمهندس هو حضرتك هتبقى موجود أمتى فى الحرفيين أصل بصراحه كده أنا حبيتك فى الله وعايز أقابلك وأتعرف عليك دا لو مش هيديقك
نرتب مع بعض ونتقابل هناك