ايه اغـــــرب حاجة شوفتها فى حياتـــــــــــك ؟

**karaktar** · 25-02-2009 04:14 PM

كنت قاعد فى مكتب الشغل بالليل ومعايا موظف والفراش لوحدينا فى المكتب
غرفة المدير مقفولة ومافيهاش حد واحنا عندنا فى المكتب نظام سنترال داخلى
ومرة واحده واحنا فى امان الله لقينا الرقم الداخلى بتاع مكتب المدير بيطلبنا واحنا قاعدين برة فى غرفة الاستقبال

روحنا خوفنا وقفلنا المكتب بسرعة ومشينا جرى

**medo_2060** · 25-02-2009 05:27 PM

يا جماعه اغلب القصص دى ناتجه عن الخوف انا ما بنكرش وجود الجن والعفاريت دا مذكور فى القرأن بس اغلب المواقف دى عقلك اللى بيهيألك كدا عشان انت خايف وانا هاحكيلكم خكايه حصلت مع خالى عشان تعرفوا وجهه نظرى
انا خالى عنده اراضى زراعيه وهو موظف اصلا فكان دايما يجى من الشغل الحكومى وينام شويه وبالليل يروح الارض يشوفها ويمكن يبات فيها ويشغل الميه والكلام دا وكان فى واحده اينها الوحيد مات فراحت بليل عند المقابر وقعدت طول الليل قدامه وفى الليله دى خالى مروح ومعدى من قدام المقابر وطبعا ضلمه كحل والست اللى قاعد عارفاه واسمه محمد تخيلوا بقى الموقف
هو ماشى ويدوب شايف طريقه وهى عايزه حد يقومها نادت عليه بأسمه قالتله تعالى عايزاك يا محمد
هههههههههههه
هو سمع طبعا وجرىىىىىىىىىىى وكان هيموتت فيها والناس تزوره يوميا تطمن عليه لحد ما الست دى كمان زارته عشان تطمن عليه بعدها بكام يوم وقالتله بقى انا انادى عليك تيجى تقومنى تسيبنى وتجرى
طبعا هو سمع كدا ونزل ضرب فيها
تخيلوا بقى لو مكانتش الست دى قالت او ماكنتش زارته وفسرت اللى حصل كانت بقت اسطوره والناس قالوا فى عفريت بينادى باسمك لما تعدى من الحته الفلانيه والكلام دا
اسف على الاطاله وياريت تكونوا فهمتوا وجهه نظرى

**RED_OCTOBER_IV** · 25-02-2009 06:12 PM

المشاركة الأصلية كتبت بواسطة mido01050

موضوع رهييب و مرعب خاصة لو بتقراه الفجر زيي
أنا هحكيلكوا أغرب حاجة حصلتلي . أنا كان آخر يوم ليا في الامتحانات و كان يوم امتحانات الشفوي المهم رجعت البيت قعدت شوية و بعديين قولت أنام على الساعة 5 المغرب و صحييت 10 بليل . أنا كنت نايم في شقة لوحدي و أهلى في الشقة اللي تحتي . نزلت تحت لقييت ابن عمتي قاعد معاهم فبسلم عليه لقيته بيقلي أنا مش لسه مسلم عليك فوق في الشقة قولتله انت هتشتغلني قللي و الله و قعدت معاك ربع ساعة أكلمك و بعديين نزلت و سبتك تنام . أنا طبعا كنت هتجن يا عم الحج أنا كنت نايم و مشفتكش الا دلوقت انت هتجنني , قعد يحلف بالله المهم أنا قعدت أقول ده أكيد بيشتغلني . لبست هدومي و نزلت لصحابي لقيت صحابي كلهم بيسألوني ميين الدكاترة اللي أنت قولت لمصطفى انك دخلتلهم دول في الشفوي . أنا كنت هجن قولتلهم أنا مشفتش خلقتوا عشان أقوللوا حاجة أساسا و أنا مدخلتش للناس دي أنا دخلت لكذا و كذا , لقيت مصطفى داخل بسألوا قللي أنت مش مكلمني في التليفون و قعدنا نتكلم حوالي ساعة و ربع و حكتلي دخلت لميين و سألوك في ايه و أنت جاوبت و قلت ايه , أنا زهلت ساعتها و من اليوم ده و الواقعة دي مش عارفلها تفسيير. أنا نمت خمس ساعات لكن اتضح ان أنا كنت بعمل فيها حاجات كتييييييييييييييييييير من غير وعي

المهم حضرتك دلوقتى كاتب الكلام ده وانت صاحى ولا

**mido01050** · 25-02-2009 07:24 PM

المشاركة الأصلية كتبت بواسطة RED_OCTOBER_IV

المهم حضرتك دلوقتى كاتب الكلام ده وانت صاحى ولا

كلام ايه دي أول مرة أخش الموضوع ده

**yehia** · 25-02-2009 07:34 PM

لا إله إلا الله .....

أنا كنت شاركت قبل كده فى الموضوع بما يفيد تعجبى ... ازاى ما بيحصليش الحاجات اللى بتحكوا عنها ديه ؟!!!!!

تقريبا كده حسدت نفسى .. المهم ....

احنا غيرنا سكننا من سنة كده من شقة إلى أخرى ... بس لسة الشقة القديمة فيها شوية حاجات فاضلة منها كتب بتلزمنى فى شغلى .. فا كل ما تيجى فرصة وأبقى عايز كتب منهم أعدى على هناك وأجيبها ... لحد ما فى النهاية حاجيبهم كلهم ان شاء الله.....

النهارده من 3 ساعات كده رحت هناك.. الشقة فاضية طبعا .. هسسسس ... عادى هو أنا منتظر ايه ؟!!!

دخلت دورت فى الكتب اللى حاجيبها ولميتهم فى كرتونة ... وبطلعها لحد قدام بابا الشقة ... سمعت صوت سرسبة مية جاية من المطبخ ....
حطيت الكرتونة ودخلت على المطبخ .... لقيت خلاط المية جايب سرسوب ومسمع جامد -خللوا بالكوا أنا معدى من قدام المطبخ وأنا داخل.. ولا الهوى - قلت أكيد جلدة سابت ولا حاجة عشان ماحدش لعب فى الخلاط مسافة دخولى وخروجى لأنى ببساطة لوحدى..... وبالتالى الحل إنى أقفل المحبس لحد ما أجى تانى على رواقة أشوف الموضوع ده... وقلت الأول أقرط على حنفية السخن والبارد فى الخلاط... لقيت الناحية السخنة بتلف معايا لحد ما قفلت والمية قطعت ........

مين بقى اللى فتحها... وامتى ... وازاى؟!!!

أنا ساعتها افتكرت الموضوع ده و كل حكاويكم الممتعة صراحة .. وعنها .....على الكرتونة وقلت يا فكييييييييييييييييكككككك .....

**just_poss** · 25-02-2009 07:52 PM

المشاركة الأصلية كتبت بواسطة medo_2060

يا جماعه اغلب القصص دى ناتجه عن الخوف انا ما بنكرش وجود الجن والعفاريت دا مذكور فى القرأن بس اغلب المواقف دى عقلك اللى بيهيألك كدا عشان انت خايف وانا هاحكيلكم خكايه حصلت مع خالى عشان تعرفوا وجهه نظرى
انا خالى عنده اراضى زراعيه وهو موظف اصلا فكان دايما يجى من الشغل الحكومى وينام شويه وبالليل يروح الارض يشوفها ويمكن يبات فيها ويشغل الميه والكلام دا وكان فى واحده اينها الوحيد مات فراحت بليل عند المقابر وقعدت طول الليل قدامه وفى الليله دى خالى مروح ومعدى من قدام المقابر وطبعا ضلمه كحل والست اللى قاعد عارفاه واسمه محمد تخيلوا بقى الموقف
هو ماشى ويدوب شايف طريقه وهى عايزه حد يقومها نادت عليه بأسمه قالتله تعالى عايزاك يا محمد
هههههههههههه
هو سمع طبعا وجرىىىىىىىىىىى وكان هيموتت فيها والناس تزوره يوميا تطمن عليه لحد ما الست دى كمان زارته عشان تطمن عليه بعدها بكام يوم وقالتله بقى انا انادى عليك تيجى تقومنى تسيبنى وتجرى
طبعا هو سمع كدا ونزل ضرب فيها
تخيلوا بقى لو مكانتش الست دى قالت او ماكنتش زارته وفسرت اللى حصل كانت بقت اسطوره والناس قالوا فى عفريت بينادى باسمك لما تعدى من الحته الفلانيه والكلام دا
اسف على الاطاله وياريت تكونوا فهمتوا وجهه نظرى

انا معاك في التفسير ده..

حاجه من الحجات الي حصلتلي وانا في تالته اعدادي كنا في السعوديه سهرت بليل لوحدي واتفرجت على فيلم رعب مصاصين دماء بس كانو قمه في الادب مكانوش يدخلو اي بيت غير لما ييجوا عند الشباك ويخبطوا ولازم حد من اهل البيت ده يفتحلهم والا ميدخلوش..
المهم الفيلم كان جامد وخلاني متلبش ومرعوب لدرجة اني اقنعت نفسي اني اطفي النور واروح انام بالعافيه..

طفيت النور وقفلت الأوضه ورحت انام على سريري (الي تحت الشباك وباصص على بلكونه) وركبي بتخبط في بعضها وقريت قران وحاولت ابعد المناظر الي شفتها في الفيلم بأي شكل وجربت كل الطرق الي بتحتال بيها على جسمك عشان ينام من عد الخرفان والبحلقه في سقف الاوضه.. شويه يا عم واذا بي اسمع صوت تخبيط جاي من الشباك.. حد بيخبط عليا من بره تخبيط منتظم ومتواصل.. شويه وصوت خربشه.. معاهم صوت فحيح غريب.. وصوت دربكه
بيني وبينكم دفست نفسي تحت البطانيه وحسيت اني عايز اعيط قعدت حوالي ساعه او اكتر بالمنظر ده وقريت كل القران الي حافظه.. المهم الفجر ادن وسمعت بابا و ماما قايمين يتوضوا رحت ناطط من السرير وجريت على ماما حكيتلها طبعا مصدقتش وقامت جت اوضتي وسمعت الصوت وبكل جرأه فتحت الشباك تخيلوا لقيت ايه؟؟؟؟؟؟؟

لقيت حبل الغسيل الي ورا الشباك عليه مشابك وكان فيه هواء جامد بيهز الحبل ويخلي المشابك تخبط في الشباك وانا زي العبيط كن بتجنن مع كل خبطة مشبك.. وصوت الفحيح ده كان صوت الهوا..

ده مثال من الاشتغالات الي ممكن عقلك يشتغلك بيها وانت تصدق عشان كل الملابسات بتقول لازم تصدق..

فيه حكمه بتقول "اذا ضعفت النفس استسلمت للخرافه" او بالبلدي الي يخاف من العفريت يطلعله.. يعني لو مكنتش ماما فتحت الشباك كان زماني بحلفلكوا بأغلظ الايمان ان مصاصين الدم كانو بيخبطوا على شباك اوضتي

موضوع تحفه بجد استمتعت بيه

**medo_2060** · 25-02-2009 09:02 PM

المشاركة الأصلية كتبت بواسطة just_poss

انا معاك في التفسير ده..

حاجه من الحجات الي حصلتلي وانا في تالته اعدادي كنا في السعوديه سهرت بليل لوحدي واتفرجت على فيلم رعب مصاصين دماء بس كانو قمه في الادب مكانوش يدخلو اي بيت غير لما ييجوا عند الشباك ويخبطوا ولازم حد من اهل البيت ده يفتحلهم والا ميدخلوش..
المهم الفيلم كان جامد وخلاني متلبش ومرعوب لدرجة اني اقنعت نفسي اني اطفي النور واروح انام بالعافيه..

طفيت النور وقفلت الأوضه ورحت انام على سريري (الي تحت الشباك وباصص على بلكونه) وركبي بتخبط في بعضها وقريت قران وحاولت ابعد المناظر الي شفتها في الفيلم بأي شكل وجربت كل الطرق الي بتحتال بيها على جسمك عشان ينام من عد الخرفان والبحلقه في سقف الاوضه.. شويه يا عم واذا بي اسمع صوت تخبيط جاي من الشباك.. حد بيخبط عليا من بره تخبيط منتظم ومتواصل.. شويه وصوت خربشه.. معاهم صوت فحيح غريب.. وصوت دربكه
بيني وبينكم دفست نفسي تحت البطانيه وحسيت اني عايز اعيط قعدت حوالي ساعه او اكتر بالمنظر ده وقريت كل القران الي حافظه.. المهم الفجر ادن وسمعت بابا و ماما قايمين يتوضوا رحت ناطط من السرير وجريت على ماما حكيتلها طبعا مصدقتش وقامت جت اوضتي وسمعت الصوت وبكل جرأه فتحت الشباك تخيلوا لقيت ايه؟؟؟؟؟؟؟

لقيت حبل الغسيل الي ورا الشباك عليه مشابك وكان فيه هواء جامد بيهز الحبل ويخلي المشابك تخبط في الشباك وانا زي العبيط كن بتجنن مع كل خبطة مشبك.. وصوت الفحيح ده كان صوت الهوا..

ده مثال من الاشتغالات الي ممكن عقلك يشتغلك بيها وانت تصدق عشان كل الملابسات بتقول لازم تصدق..

فيه حكمه بتقول "اذا ضعفت النفس استسلمت للخرافه" او بالبلدي الي يخاف من العفريت يطلعله.. يعني لو مكنتش ماما فتحت الشباك كان زماني بحلفلكوا بأغلظ الايمان ان مصاصين الدم كانو بيخبطوا على شباك اوضتي

موضوع تحفه بجد استمتعت بيه

iiiiiiiiiiiiiii

تقريبا زى القصه اللى حكيتها وبرضه لولا التفسير من والدتك كان زمانك دلوقتى مرعوب
فعلااذا ضعفت النفس استسلمت للخرافه
دا التفسير

**sa3dawy** · 25-02-2009 09:11 PM

المشاركة الأصلية كتبت بواسطة just_poss

يعني لو مكنتش ماما فتحت الشباك كان زماني بحلفلكوا بأغلظ الايمان ان مصاصين الدم كانو بيخبطوا على شباك اوضتي

موضوع تحفه بجد استمتعت بيه

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هه

**EZABY** · 25-02-2009 11:17 PM

وأستمر الوضع لمدة 5 أيام .... كل يوم أصحى الصبح ... الاقي 50 جنيه ... لدرجة أني أبتديت أحلم أنا وأخويا ... 1500 جنيه في الشهر ... قسط عربية ..... وبعدها مابقيتش منتظمة ... يعني يوم آه ويوم لاء ... مرة 20 جنيه ( والله العظيم مش بهزر .... إلى أن حكيت الموقف لأحد أقربائي .... وبينما أنا أحدثه وجدت ( 10 أو 20 مش فاكر) جنيهات في جيبي .... وكانت آخر( 10 \ 20 ) جنيهات

طب متسلفني القميص ده بتاع اسبوعين تلاته سنه كده على الاقل

**aif** · 25-02-2009 11:21 PM

المشاركة الأصلية كتبت بواسطة thebraveeagle

هذه قصة حدثت لي وأنا في 3 ثانوي ....إختصارها أنه حصل نوع من أنواع الزعل من ماما وكدة بسبب إني كنت محتاج فلوس وكدة .... بس أنا سكت... وحبيتش أزعلها على شان هيا كانت مسافرة السعودية .... إستيقطت صباحا لأجد في جيب قميصي خمسين جنيها .... ظننت أن أمي تركتها لي علشان متزعلنيش وكدة .... تاني يوم لقيت خمسين جنيه تانية .... ظننت أن أخي أعطاها لي .... وعندما سألته نفى هذا الأمر تماما .... وعند أول أتصال لأمي سألتها إن كانت وضعت لي 50 جنيها فنفت الأمر تماما ....

وأستمر الوضع لمدة 5 أيام .... كل يوم أصحى الصبح ... الاقي 50 جنيه ... لدرجة أني أبتديت أحلم أنا وأخويا ... 1500 جنيه في الشهر ... قسط عربية ..... وبعدها مابقيتش منتظمة ... يعني يوم آه ويوم لاء ... مرة 20 جنيه ( والله العظيم مش بهزر .... إلى أن حكيت الموقف لأحد أقربائي .... وبينما أنا أحدثه وجدت ( 10 أو 20 مش فاكر) جنيهات في جيبي .... وكانت آخر( 10 \ 20 ) جنيهات

فضلت شهر كدة عامل زي المجنون ... أصحى الصبح أجرى على القميص أشوف حد سابلي حاجة ولا لاء

مع العلم إن أنا كنت عايش لوحدي أنا وأخويا

وان أقول ال خمسينات بتاعتي بتروح فييييين

شوف المجموع كام وابقى ابعتهملي ..... ع الفاكس

الموضوع: ايه اغـــــرب حاجة شوفتها فى حياتـــــــــــك ؟

LinkBack

أدوات الموضوع

عرض

-

-

-

-

-

-

المواضيع المتشابهه

هوا نقل الملكية حاجة والرخصة حاجة والفحص حاجة ولا ايه بظبط

موبايل فيه كل حاجة تتخيلها ومتتخيلهاش (كلللللل حاجة أيوة كللللللل حاجة)

حاجة غريبة شوفتها وعايز رأيكوا

حاجة شوفتها فى الصنى

سؤال على حاجة شوفتها فى عدادات الاوبل

الكلمات الدلالية لهذا الموضوع

المفضلات

المفضلات

ضوابط المشاركة