الموضوع: ايه اغـــــرب حاجة شوفتها فى حياتـــــــــــك ؟

المشاركة الأصلية كتبت بواسطة kh_talaat

كنت مره في البيت بالليل لوحدي عمال اقلب في الدش فالقيت فيلم تسجيلي غريب قوي بيحكي عن بلد في امريكا الجنوبيه تقريبا المكسيك مش فاكر بالظبط اسمهاالمهم الحكومة هناك طلعت قرار بتنظيم المدافن واعادة بنائهاوان كل من له متوفين في هذه المدافن يدفعوا مبلغ معين للمساعدة في اعادة التنظيم وحذرت اهالي المتوفيين ان اللي مش هيدفع هيطلعوا اهاليهم من المقابر ويطردوهم منها

والفيلم جايب كم هائل من الصناديق الحكومة مطلعاه بره المدافن فوق بعض كله دة والواحد عمال يضحك عالم معندهمش دين صحيح

الأغرب بقى ان الناس لما فتحت الصناديق لقت جثث المتوفين لم تتحلل كل اللي حصل لها انها جفت من عدم وجود المياه في الجسم وبقت عامله زي المومياوات بتاعه الفراعنه بس شكل المتوفي اوضح كتير وممكن التعرف عليه على الرغم من موتهم من عشرات السنين وفسروا اللي حصل ده بسبب احكام غلق الصناديق وعدم تعرضها للرطوبة وعوامل الجو .....

الأغرب بقى انهم لقوا بعض الجثث فاتحه بقها وكأنها بتصرخ والتاني اللي ايده مرفوعه وفاتح بقه برضه وكأنه بيصرخ فعجبتهم الجثث قوي والحكومة راحت عامله متحف وحاطه فيه الجثث ووقفتها وبقوا يلبسوا دة طاقيه على دماغه والتاني بحطوا سيجاره في بقه

والمتحف بتذاكر وفيه اقبال كبير عليه من الناس

كل دة وانا مستغرب وعمال اضرب كف على كف وفجأة لقيت شاشه التلفزيون بتغمق وتغمق وبعدين اسودت تماما بس صوت الفيلم التسجيلي شغال فتنحت شويه وقولت لاء كفاية كدة وطفيت التلفزيون ودخلت نمت هههههههه

أصلي مبصدقش في الحاجات دي يمكن يكون الدش قطع ولا حاجه

بس تاني يوم التلفزيون اشتغل عادي جدا ولا كأن حصل حاجه

فكرتني بموقف من المواقف الغريبة برضه حصلي و انا صغير

كان والدي جايب مجموعة أفلام رعب علي شرايط فيديو منهم سلسلة evil dead .. للي شاف الفيلم خاصة الجزء الأول .. فيه حتة بيقروا فيها تعويذة من غير ما يعرفوا يتجلب عليهم العفاريت كلها .. الحتة دي عمري ما شغلت الشريط و عدت علي خير .. بيبتدوا يقروا التعويذة .. و الضوء و الموسيقي المرعبة في الفيلم .. و هوب :
1) مرة النور قطع .. و كان معايا إبن خالتي بيتفرج كان هيجيله جلطة فيها .
2) مرة الشريط سف جوة الفيديو .
3) مرة الفيديو قام دايس ستوب لوحده و مطلعلي الشريط!
4) و انا رايح أدخل الشريط قام الفيديو مدخله قبل ما أمد إيدي و دايس play لوحده !

و والدتي كان فعلاَ معتقدة إن الشريط ده فيه حاجة و كانت بتزعق اما أشغله :)

المشاركة الأصلية كتبت بواسطة MoToRiZeR

فكرتني بموقف من المواقف الغريبة برضه حصلي و انا صغير

كان والدي جايب مجموعة أفلام رعب علي شرايط فيديو منهم سلسلة evil dead .. للي شاف الفيلم خاصة الجزء الأول .. فيه حتة بيقروا فيها تعويذة من غير ما يعرفوا يتجلب عليهم العفاريت كلها .. الحتة دي عمري ما شغلت الشريط و عدت علي خير .. بيبتدوا يقروا التعويذة .. و الضوء و الموسيقي المرعبة في الفيلم .. و هوب :
1) مرة النور قطع .. و كان معايا إبن خالتي بيتفرج كان هيجيله جلطة فيها .
2) مرة الشريط سف جوة الفيديو .
3) مرة الفيديو قام دايس ستوب لوحده و مطلعلي الشريط!
4) و انا رايح أدخل الشريط قام الفيديو مدخله قبل ما أمد إيدي و دايس play لوحده !

و والدتي كان فعلاَ معتقدة إن الشريط ده فيه حاجة و كانت بتزعق اما أشغله :)

اسمه ايه الفيلم بالظبط علشان انزله

:k48::k48::k48:ربنا يسامحكو بسببكو حلمت بالعربيات اللي بتبقي ماشيه من غير ماحد يسوقها ومش قادره اوصفلكو الرعب اللي كنت فيه وقولت ايه بقي انا هقولهم اني شوفتها طبعا كل ده فالحلم والحمد لله
الغريب انه كان فشارع فيصل في عفريت يطلع فشارع فيصل مش خايف علي نفسه
:k48::k48::k48::k48:انا قولت اقولكو عشان تعرفو انتو عملتو فيا ايه

[QUOTE=Hacker5;660164حد حكالى ماكونتش هاصدق لكم انا شوفتها بعينى و بعدين جدى علق قال " الراجل دة شكله مخاوى "

سؤال مالوش علاقة بالموضوع..يعني اية (الراجل دة شكلة مخاوي)؟ بيحضر عفاريت يعني ولا هو بنفسة عفريت؟

المشاركة الأصلية كتبت بواسطة دينا أبوالعلا

:k48::k48::k48:ربنا يسامحكو بسببكو حلمت بالعربيات اللي بتبقي ماشيه من غير ماحد يسوقها ومش قادره اوصفلكو الرعب اللي كنت فيه وقولت ايه بقي انا هقولهم اني شوفتها طبعا كل ده فالحلم والحمد لله
الغريب انه كان فشارع فيصل في عفريت يطلع فشارع فيصل مش خايف علي نفسه
:k48::k48::k48::k48:انا قولت اقولكو عشان تعرفو انتو عملتو فيا ايه

ههههههههههههههههههههههههه ههههههههههههههههههههههههه ههههههههههههههههههههههههه هههههههه
مش ممكن ههههههههه