| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 4 من 8 الأولىالأولى 1 2 3 4 5 6 7 8 الأخيرةالأخيرة
النتائج 31 إلى 40 من 71

  1. #31

    الصورة الرمزية abouelmaggd

    رقم العضوية : 3758

    تاريخ التسجيل : 18Dec2007

    المشاركات : 361

    النوع : ذكر

    الاقامة : faisal street

    السيارة: ----------

    السيارة[2]: Toyota Yaris 2007

    دراجة بخارية: no

    الحالة : abouelmaggd غير متواجد حالياً

    افتراضي -

    hasad">

    الموقف اللى منسهوش بجد بالرغم انى الحمد لله مبخفش خالص كان يوم خميس من حوالى 3 سنين فى الشتاءو الساعة كانت بعد 2 بالليل و كنا خارجين انا و اتنين صحابى و راجعين على الاوتوستراد من مدينة نصر و قولنا نتعشى عند زيزو نتانة و كنت عايز انزل على صلاح سالم ، جينا عند منشية ناصر كده و قولتلهم انا فاكر زمان ان كان فيه هنا نزلة على صلاح سالم و صحابى مكنوش عارفينها و انا اول مرة ادخل فيها ، و دخلت لقيتها سكة بين المقابر و الله العظيم محدش كان فى الطريق غيرنا و الطريق ملفات غبية جدا و الاقى بعد ملف جامد راجل عجوز ( الله اعلم كان راجل و لآ ايه ) قصير و شعره طوييييل وماسك شومة محترمة وجاى علينا من الجنب و رافع الشومة انا رحت رامى شمال برد فعل غريب و مقلكوش على الذهول و الخضه وكان كل رعبى العربية تعمل حركة نص كم ( كانت ساعتها 128 ) لحد الحمد لله ما طلعنا من الطريق و من يومها و الله ما دخلته تانى و لا حد من صحابى .


  2. #32

    الصورة الرمزية pro_samir

    رقم العضوية : 11181

    تاريخ التسجيل : 21May2008

    المشاركات : 5,568

    النوع : ذكر

    الاقامة : NULL value in a database

    السيارة: BMW E34 - 518i

    السيارة[2]: Toyota Starlet EP80

    دراجة بخارية: Toktok Coupe

    الحالة : pro_samir غير متواجد حالياً

    افتراضي -

    اية ياخوانا الرعب دة حرام عليكم انا قاعد لوحدى فى دور كامل :K_crying[1]:

    مش عارف احكيلكم اية ولا اية

    هحكيلكم الحاجات اللى مش ناسيها خالص


    أولا

    وانا صغير خالص فى البيت القديم بتاعنا كان عندى حوالى 10 سنين وكنا بنوضب الشقة دهانات وكدة يعنى ومعظم الأوض فاضية والعش ملموم

    و كنت لوحدى انا و والدى فى البيت ولما جينا ننام قالى هتخاف تنام لوحدك ولا اية ؟ قلتلة لا عادى

    المهم نمت انا فى اوضتى و هوا نام فى اوضتة جوا خالص فى اخر الشقة

    وكالعادة طفى نور الصالة و نور اللمبة السهارى الصغيرة خالص دى


    يدوب عنيا راحت فى النوم ....


    وصحيت على صوت واحد بيكلم واحدة بيقولها اية رأيك نبيت هنا مؤقتا لحد الصبح ونشوف مكان تانى !!!

    انا صحيت مفزووووع انا بخرف ولا اية يا جدعان


    جنب باب اوضتى من الداخل كانت المقشة محطوطة روحت ماسكها

    ولما بخرج من اوضتى الصالة قدامى و على اليمين بزاوية قائمة كدة باب اوضة تانية لو بصيت وانا خارج من اوضتى يعنى بشوف اللى داخل الأوضة


    والله شوفت شبحين سود كدة زى ميكون بنى ادمين واقفين فى الظلام بتبقى شايفهم عبارة عن شبح اسود كدة مش شايف اى تفاصيل

    انا عديت جررررى يدوب لمحتهم ودخلت نمت جنب ابويا

    قالى مش قلتلك هتخاف ولا اية

    انا منطقتشششششش ونمت من سكات معرفش عرفت انام ازاى

    المفاجأة بقى بعدها بكام يوم لما والدتى و اختى رجعو البيت وكدة كنا فى الأوضة دى و والدى لاقى اثار ايدين سودا على الحيطان اللى لسة مدهونة جديدة !!!

    زى متكون مثلا عملت ايدك فى التراب او فى حاجة مهببة وبعدين سندت على الحيطة فمكان ايدك معلم اسود

    والدى اتنرفذ جدا من ان الحيطة اتوسخت لأن لسة حتى مفرناش الشقة

    وقال مين اللى عمل كدة ! محدش مننا طبعا

    المهم قال خلاص كل واحد هيحط ايدة على مكان الأيد اللى على الحيطة دى ونشوف هيا قد ايد مين


    والمفاجأة التانية ان مطلعتش على قد ايد حد مننا !!!!


    وسكت باستغراب وعدى الموضوع على كدة

    فين بقى بعدها بفترة ابتديت اجمع الأحداث وافتكر شكل اللى كانو واقفين دول كانو واقفين ازاى وافتكرت كمان ان مكان الأيد دى كان واقف شابح منهم ظهرة للحيطة وحاطط ايدة ورا ظهرة وساند على الحيطة !!!


    والله يا جماعة بالظبط كدة !! واكتر حاجة مستغربها ازاى انا نسيت المووضوع دة تانى يوم زى ميكون حد لعب فى رامات مخى !!!




    الموقف الثانى وكفاية عليكم كدة



    احنا لينا قرايب فلاحين و عندنا عزبة وكدة عبارة عن غيط وجنينة برتقال وليمون وبيت قديم كدة قدامة ترعة على طريق ترابى مقطوع ومعزول فى منطقة لوحدة كدة

    وزمان مكانش الطريق دة منور كمان


    وحدث ولا حرج عن حكايات الرعب اللى بنسمعها من كل الجيل السابق لينا زى خيلانى مثلا و جدتى و والدتى وهكذا

    بجد حكايات بشعة توقف شعر الراس

    لدرجة اننا لما كنا بنسهر نلعب انا وقريبى فى العزبة دى ونيجى ماشيين كانت بتبقى مأساة وساعات كنا بنضطر نستنى لحد ما الصبح يطلع علشان نمشى

    ولو مشينا بالليل كنا بناخد الطريق جرى لحد ما نطلع على الطريق الرئيسى المتسفلت


    المهم علشان مطولش عليكم

    تخيلو انتو بقى الجو دة


    وفى مرة من المرات كان فى حد من قرايببنا بيتجوز وكنا فى العزبة فى البيت اللى بحكيلكم علية دة انا و ولاد خيلانى فقط ومكانش فى حد من الكبار خالص

    مش فاكر اية اللى خلانا نسيب الفرح ونروح وكنا لوحدنا هناك ومتجمعين فى الصالة اللى ورا الباب اللى على الطريق على طول ، دور ارضى طبعا وبيت قديم بالطوب النى

    وقاعدين بقى كل واحد ربنا يقدرة ويفتكر حكاية رعب يحكيها

    تخيلو بقى احنا قاعدين كان عددنا لا يقل عن 7 مثلا على كذا كنبة كدة كلنا فى الصالة دى وكل واحد يفتكر حكاية رعب حصلت فى المكان دة يحكيها

    لدرجة ان لو حد كح كنا كلنا بنتخض

    ومرة واحدة واحنا فى الحالة دى لاقينا باب أوضة من الأوض عمال يتفتح سنة صغيرة ويقوم مرزوع مقفول لوحدة .. يفتح سنة صغيرة ويقوم مرزوع لوحدة مقفول تانى


    شكينا انة هوا

    ومرة واحدة لاقينا الباب راح مفتوح شوية حلوين مستحيل يكون الهواء


    والله ما ناسى المنظر ..


    كل اللى قاعدين بدون ما يبصو يشوفو فى اية راحو قايمين جرى على الباب بتاع الطريق

    والجزم والشباشب كلها كانت قدام الباب

    واحد منهم اتكعبل وراحو كلهم متكعبلين واقعين فوقية


    وانا كنت هموت من الفضول مجرتيش وفضلت باصص على الباب اشوف اية اللى هيحصل

    وفجأة

    وهما كلهم واقعين متكعبلين على بعض على الأرض

    وانا باصص على الباب بتاع الأوضة !!


    لاقيت " قطة " صغيرة خارجة من الأوضة ورافعة ديلها وماشية تتمختر ههههههههههههههههههههههههه ههه

    انا كل ما بفتكر منظرهم وهما زى الشحوطة و واقعين على بعض فى الباب ومنظر القطة وهيا جاية من الناحية التانية هههههههههههههههههه


    وكفاية عليكم كدة .. المواقف كتير بس دول أشدهم الصراحة

    Mohamed Samir

    '


  3. #33

    الصورة الرمزية dr_timo

    رقم العضوية : 11611

    تاريخ التسجيل : 26May2008

    المشاركات : 735

    النوع : ذكر

    الاقامة : cairo

    السيارة: NO

    السيارة[2]: FIAT UNO

    الحالة : dr_timo غير متواجد حالياً

    افتراضي -

    ههههههه انا هقول موقف مرعب بس محدش يضحك انا بس اللي اضحك مرة وانا في اولي ابتدائي واخويا ابر مي بسنة وكنا بنروح مع بعض المدرسة وكان في جمبنا جراش كدة واخويا كان بيحب الكلاب الصغيرة وكان عايز يجيب واحد البيت بس طبعا مكش ينفع فهوة بقي كل يوم الصبح ابل المدرسة يروح عند الجراش دة ويلعب مع كلاب صغيرة هناك ومكنش بيفكر ان اكيد بدل في كلاب صغيرة يبقي في ابوهم وامهم اللي جابوهم وفي يوم وهوة بيلعب معاهم وانا واقف بعيد ولقيت اسد ههههه اصدي كلب بس اصله كبير اوي وبشعر كتير شبه الاسد فعلا وقام هوب جري هاو هاو هاوهاوتين اخويا وقع في الارض مربع من الخضة ولاني انا شجاع جدا وانسان الغاب طويل الناب قمت شوفت المنظر دة قمت جريت جري لحد المدرسة وسبت اخويا وفي الفسحة ببص لقيته بيلعب قلتله اية دة انت الكلب ماكالكش قاللي لا قلت لنفسي يااااه دة انا طلعت شجاع اوي هههههه


  4. #34

    الصورة الرمزية mohamed_kta

    رقم العضوية : 16499

    تاريخ التسجيل : 16Aug2008

    المشاركات : 355

    النوع : ذكر

    الاقامة : 6 octoper

    السيارة: نيسان صنى 2012

    السيارة[2]: ماروتى 2009

    الحالة : mohamed_kta غير متواجد حالياً

    افتراضي -

    من أكتر المواقف المرعبة فعلاً فى حياتى أنى كنت شغال من حوالى 7 سنوات فى شركة السلام للنقل البحرى و كنت على عبارة أسمها فخر السلام و كان فيه نوه بتيجى أسبوع واحد فى السنه فى البحر الأحمر و فجأة و أحنا فى الطريق لجده لقبنا أنذار معين معناه فى حد وقع فى البحر و جرينا كلنا كطاقم العبارة على السطح و كان الموج عالى فعلاً و ندور على الراكبة اللى وقعت مفيش أى أثر ليها خالص فالقبطان أمر ضابط بحرى وبعض البحرية من النزول فى البحر بقارب نجاة صغير فى وسط الظلام و الموج العالى ليبحثوا عنها وكان الضابط ده من أعز أصدقائى و بكيت فعلاً من الخوف عليه وبعد ساعة طلعناهم وطبهاً الست مظهرتش و لكن ربتا ستر الحمد لله و عدت لكن حصل مفاجأة الموتور بتاع العبارة قفش لنها كانت قديمة و أنتظرنا حوالى ساعتين فى رعب حتى تم الأصلاح . و ربنا يرحم أصدقائى اللى ماتوا فى السلام 98 .

    الحمد لله


  5. #35

    الصورة الرمزية maka

    رقم العضوية : 5950

    تاريخ التسجيل : 18Feb2008

    المشاركات : 8,108

    النوع : ذكر

    الاقامة : .

    السيارة: .

    السيارة[2]: .

    دراجة بخارية: .

    الحالة : maka غير متواجد حالياً

    افتراضي -

    اقتباس المشاركة الأصلية كتبت بواسطة mohamed_kta مشاهدة المشاركة
    من أكتر المواقف المرعبة فعلاً فى حياتى أنى كنت شغال من حوالى 7 سنوات فى شركة السلام للنقل البحرى و كنت على عبارة أسمها فخر السلام و كان فيه نوه بتيجى أسبوع واحد فى السنه فى البحر الأحمر و فجأة و أحنا فى الطريق لجده لقبنا أنذار معين معناه فى حد وقع فى البحر و جرينا كلنا كطاقم العبارة على السطح و كان الموج عالى فعلاً و ندور على الراكبة اللى وقعت مفيش أى أثر ليها خالص فالقبطان أمر ضابط بحرى وبعض البحرية من النزول فى البحر بقارب نجاة صغير فى وسط الظلام و الموج العالى ليبحثوا عنها وكان الضابط ده من أعز أصدقائى و بكيت فعلاً من الخوف عليه وبعد ساعة طلعناهم وطبهاً الست مظهرتش و لكن ربتا ستر الحمد لله و عدت لكن حصل مفاجأة الموتور بتاع العبارة قفش لنها كانت قديمة و أنتظرنا حوالى ساعتين فى رعب حتى تم الأصلاح . و ربنا يرحم أصدقائى اللى ماتوا فى السلام 98 .

    ربنا يرحمهم ويدخلهم فسيح جناته

    بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ


  6. #36

    الصورة الرمزية ASKAFRAWY

    رقم العضوية : 14214

    تاريخ التسجيل : 05Jul2008

    المشاركات : 3,640

    النوع : ذكر

    الاقامة : ALEX

    السيارة: -------

    السيارة[2]: ELANTRA 2011

    الحالة : ASKAFRAWY غير متواجد حالياً

    افتراضي -

    انا بقى الحمد لله عشت نفس تجربة السفينة السلام 98
    واتكرر معايا الموقف دة مرتين!وغصب عنك حتى لو قلبك جامد لازم تتهز من وجوه الناس المعاك المستنية الموت والغرق فى اى لحظة!!
    بس الحمد لله بعد ما بتعدى الأزمة الواحد بيستفاد!!



  7. #37

    الصورة الرمزية memoo_1st

    رقم العضوية : 190

    تاريخ التسجيل : 25Apr2007

    المشاركات : 759

    النوع : ذكر

    الاقامة : nasr city

    السيارة: Opel corsa 1999 1.0

    السيارة[2]: CIVIC 2005 EXI

    الحالة : memoo_1st غير متواجد حالياً

    افتراضي -

    ياة ايه الرعب دا انا بردوا حصلي كام موقف مرعبين هحكي الي انا فاكرو .
    في مرة كنت مع اتنين صحابي وكنت الساعة 2 بليل وطلبت معانا نطلع المقطم المهم كان معايا حبيبة قلبي 128 وانا ساكن في مدينة نصر فبنطلع المقطم من طريق المقابر المهم واحنا ماشيين ومعليين الكاسيت ومبسطوين وكلو تمام وكنا منورين نور الصالون الي هوا في القايم وبعدين مرة واحدة واحنا في نص المقابر كدا النور طفى لوحدة واحنا اترعبنا وطفينا الكاسيت وشغلنا قران وكملنا لحد المقطم وقعدنا فوق شوية وبعدين واحنا راجعين في نفس المكان اللمبة نورت تاني لوحدها وكنا هنموت من الرعب .
    طبعا انا مش بؤمن بالحجات دي يعني ممكن نكون خدنا مطب هوا الي عمل كدا يعني بس في ساعتها الواحد بيكون مرعوب جدا .

    الحمد لله و الشكر لله


  8. #38

    الصورة الرمزية AhMeD EzZ

    رقم العضوية : 14275

    تاريخ التسجيل : 06Jul2008

    المشاركات : 3,032

    النوع : ذكر

    الاقامة : cairo

    السيارة: MERCEDES 190 D

    السيارة[2]: SPERANZA A 516

    دراجة بخارية: ------------

    الحالة : AhMeD EzZ غير متواجد حالياً

    افتراضي -

    ايه خلاص مفيش اي مواقف تاني و لا ايه

    عضو 6 ابريل و افتخر !

    6 Of April Member & Proud !


  9. #39

    الصورة الرمزية memoo_1st

    رقم العضوية : 190

    تاريخ التسجيل : 25Apr2007

    المشاركات : 759

    النوع : ذكر

    الاقامة : nasr city

    السيارة: Opel corsa 1999 1.0

    السيارة[2]: CIVIC 2005 EXI

    الحالة : memoo_1st غير متواجد حالياً

    افتراضي -

    انا بردو في موقف رعب تاني حصلي .
    احنا اصلا من الارياف من المنوفية وبنسافر علطول في الاعياد وكدا والبيت في البلد بيت كبير واكتر من دور وجنينة وشجر وحاجة زي الافلام كدا ومقفول طبعا بيتفتح مرات قليلة في السنة المهم في مرة كنا هنسافر ولازم حد ينزل يفتح البيت علشان البنت الي هتنضفوا يكون حد معاها المهم انا اتبرعت ونزلت وبعدين خلصت تنضيف وكلمت صحابي طبعا وقضيناه لحد الساعة 3 بليل وصحابي قالولي انهم خلاص هيروحو هما وانا قلت خلاص مش مشكلة المهم نزلت معاهم وقفلت وراهم وطلعت الدور التاني ونمت على السرير كدا بس حسيت حاجة غريبة .
    حسيت ان انا خايف مع ان انا مسمعتش اي صوت ولا اي حاجة بس احساسي ان انا قاعد لوحدي كان كافي اني كلمت صحابي وقلتلهم ارجعوا بسرعة طبعا هما قلقوا عليا ورجعوا بسرعة وقعدوا يسألوني حصل اية وانا اقولهم محصلش حاجة بس انا خايف وبس وطبعا قعدوا معايا لحد الصبح .

    الحمد لله و الشكر لله


  10. #40

    الصورة الرمزية memoo_1st

    رقم العضوية : 190

    تاريخ التسجيل : 25Apr2007

    المشاركات : 759

    النوع : ذكر

    الاقامة : nasr city

    السيارة: Opel corsa 1999 1.0

    السيارة[2]: CIVIC 2005 EXI

    الحالة : memoo_1st غير متواجد حالياً

    افتراضي -

    hasad">

    وفي كمان موقف بس انا في الشغل دلوقتي لما ارجع هقولكو علية إن شاء الله .

    الحمد لله و الشكر لله



 
صفحة 4 من 8 الأولىالأولى 1 2 3 4 5 6 7 8 الأخيرةالأخيرة

المواضيع المتشابهه

  1. اكتر انسان محظوظ ممكن تشوفه في حياتك
    بواسطة eng.m7md.ali في المنتدى مقــاطـع الفيــديـو و الكليبات و صـور للسيارات
    مشاركات: 11
    آخر مشاركة: 03-11-2012, 08:13 PM
  2. اكتر عربيه مشنه ركبتها فى حياتك قديم و جديد
    بواسطة minicooper20 في المنتدى المنتــــــدى العـــــــــــام للسيــارات
    مشاركات: 69
    آخر مشاركة: 15-05-2012, 03:44 PM
  3. ايه أكتر موقف محرج حصلك فى حياتك ؟؟؟؟
    بواسطة kono في المنتدى المنتــــــدى الاجتمــاعى
    مشاركات: 7
    آخر مشاركة: 20-04-2011, 01:03 AM
  4. موقف مرعب اوى حصلى دلقوتى
    بواسطة Fadi Ezzat في المنتدى المنتــــــدى الاجتمــاعى
    مشاركات: 45
    آخر مشاركة: 23-09-2009, 04:09 AM
  5. ايه اصعب موقف مريت بيه فى حياتك
    بواسطة data_call في المنتدى المنتــــــدى الاجتمــاعى
    مشاركات: 6
    آخر مشاركة: 13-03-2009, 05:29 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2