التكييف وسنينه

**human** · 16-02-2009 01:37 PM

المشاركة الأصلية كتبت بواسطة Sherif Khalifa

حاجة تبسط طبعا ان نعرف ان مشكلتك مع التكيف اتصلحت بعد معاناة

بس ياريت تكون الردود اكثر افادة من كدة
بمعنى تعرفنا كانت اية المشكلة الى قعد تصلح فيها شهر
و حلتها ازاى

عندك حق انا قعدت اضحك لما قريت اللى كاتبه
اليوم متعب فى الشغل شويه و ميت حاجه فى نفس الوقت

بس يا سيدى
1- الفريون يقل كل شويه و التكييف يتعب و اروح اشحن و برضه يبقى حلو و يخلص
طلعت حاجه فى الكومبروسور
غيرته و قعد كام يوم و برضه رجع وحش
الراجل غيرهولى تانى
و الشحن فضى على طول بعد اسبوع
قاعدو يشوفوا و قالولى لا هو كويس بس فيه تسريب
فضلوا ماشيين وراه لغايه مالقوه فين
و فكو السربنتيه ونضفوا كل حاجه و قفلوا
الكلام ده من 3 سنين و الحمد لله انا بشغل التكييف طول فتره الصيف مش بقفله ابدا و عمره ماشتكى
والعربيه بعتها لواحد صاحبى و لسه كويس

الصنايعى ده فى الحرفيين
مقرف جدا فى مواعيده و لازم تقعد فوق دماغه (فيه قهو قدامه عشان لو زهقت) و الموضوع خد وقت محترم
بس فى الاخر مبسوط
ز عربه والدى ووالدتى و صحابى بيعملوا عنده برضه

**kh_talaat** · 16-02-2009 01:59 PM

المشاركة الأصلية كتبت بواسطة حمادة المصري

انت لو في الهرم او حته قريبه قولي وانا اودييك عند واحد زي الفل ومش غالي وامييين كمان

أستاذ حمادة أنا من سكان الهرم وعندي مشكله في التكييف وكنت محتاج واحد يكون أمين وشغله مضمون يا ريت توصفلي الصنايعي ده فين في الهرم

**Shiref_mohamed** · 16-02-2009 02:00 PM

طيب ماتشوفو المراكبى في شارع جسر السويس امام فندق السلام ناس شكرت فيه كتير

**ElKattan** · 16-02-2009 02:04 PM

المشاركة الأصلية كتبت بواسطة حماده المصري

زي ما قال شريف طبعا

وزود على كده المعلومه دي
في عربيات كتير بتبقى الفلتر بس عايز يتنضف وهما يقولك لا نشحن ويقوم منضف الفلتر عشان يكسب

عموما الفلتر من الاسباب الرئيسيه الي بتضعف قوه التكييف
لكن مادام التكييف بيبرد يبقى كويس
والفلتر لازم يتنضف كل فتره مش كبيره يعني كل شهرين مثلا
والشهر التالت تقوم مغييره
انا كان بيحصل معايا كده بس قولت له في مره لا انا هغير الفلتر بس مش هشحن وطلعت زي الفل فعلا

وعامه انت لو في الهرم او حته قريبه قولي وانا اودييك عند واحد زي الفل ومش غالي وامييين كمان

شغال يا باشا بس أهم حاجة يكون تمام

**ElKattan** · 16-02-2009 02:04 PM

المشاركة الأصلية كتبت بواسطة Shiref_mohamed

طيب ماتشوفو المراكبى في شارع جسر السويس امام فندق السلام ناس شكرت فيه كتير

وفيه ناس اشتكت منه برضه
تقريبا عنده شغل كتير فمش مركز قوي

**wesam_salom** · 16-02-2009 02:11 PM

المشاركة الأصلية كتبت بواسطة msobhy

هو شحن الفريون بيكون بكام تقريبا
وبالمناسبة بتوع التكييف هيجونى النهاردة علشان الصيانة ينفع انهم هما اللى يشحنوه ونوفر تمن الشحن
بالمناسبة انا التكييف شغال عندى بنسبة بروده 40% فقط من العادى والغريبة ان مطنش ومش عايز اعمله
ياريت ترشحوا حد كويس للموضوع ده

شحن الفريون بيتكلف 120 الى 150

بس كان ليا واحد صاحبى ربنا يمسيه بالخير عمل معايا خدمه

كان معاه العدادات بتاعت مقاس الضغط

اشتريت انبوبه الفريون(اسمها تقريبا a213 اوa113)
ب 55 جنيه وشحن لى منها تكييف العربيتين
كانوا ناقصين ولسه الانبوبه مخلصتش
والبلف جابهولى من عند واحد بتاع قطع غيار بوتوجازات
وكان رخيص

وقاللى كده انت عرفت سر الصنعه
(كان مسافر الامارات وخلاص مش فارقه معاه)

يعنى ممكن اى حد بتاع تكييف يعرف يزودهولك
بس يكون عارف المفاس
هى على فكره لها مقاسين
واحد والكمبوسر مقفول وواحد وهو شغال
لو كلمنى ممكن اسأله لحضرتك
بس المهم تعرف نوع الفريون لانه انواع وغالبا مكتوبه على الكمبروسر بتاع العربيه

**wesam_salom** · 16-02-2009 02:12 PM

المشاركة الأصلية كتبت بواسطة Sherif Khalifa

الانوس مفهاش فلتر
الا اذا كان الكلام على نوبيرا

ممكن صوره لمكان الفلتر
علشان افكه وانظفه
هو مش عامل معايا مشكله
بس حاسس انها ضعيفه شويه
وانا بحب اعمل الحاجه اللى اقدر عليها
انا عارف انه تحت التابلوه تقريبا بس مش لاقيه

**KoDaK_Gti** · 16-02-2009 02:27 PM

المشاركة الأصلية كتبت بواسطة mobitek

ممكن صوره لمكان الفلتر
علشان افكه وانظفه
هو مش عامل معايا مشكله
بس حاسس انها ضعيفه شويه
وانا بحب اعمل الحاجه اللى اقدر عليها
انا عارف انه تحت التابلوه تقريبا بس مش لاقيه

الفلتر هتفتح كبوت العربية هتلاقى في غطا اسود كده فى اقصى الشمال من فوق تحت المساحة الشمال) فك المسمارين واسحب الفلتر
اللى انت قصدك عليه فى التابلوه من جوه دى المروحة لازم تفك الدرج اللى يمين التابلوه من تحت علشان توصل للمروحة

**wesam_salom** · 16-02-2009 02:31 PM

المشاركة الأصلية كتبت بواسطة KoDaK_Gti

الفلتر هتفتح كبوت العربية هتلاقى في غطا اسود كده فى اقصى الشمال من فوق تحت المساحة الشمال) فك المسمارين واسحب الفلتر
اللى انت قصدك عليه فى التابلوه من جوه دى المروحة لازم تفك الدرج اللى يمين التابلوه من تحت علشان توصل للمروحة

مشكور على الرد السريع
وجارى التجربه ان شاء الله

**MMamdouh** · 16-02-2009 02:55 PM

انا اتعاملت مع محل اسمة كار كوندشن خلف السوق الحرة اللى فى اخر جامعة الدول و هما ناس كويسة

و المراكبى ناس كويسة برضة و قريب اوى حاخد عربية الوالد ليهم عشن التكييف فيها عايز يتشحن

MMamdouh

الموضوع: التكييف وسنينه

LinkBack

أدوات الموضوع

عرض

-

-

-

-

-

-

-

المواضيع المتشابهه

الجراج وسنينه !

...... الفوتوشوب وسنينه ....!!!

الجيش وسنينه

التكييف وسنينه

الردياتير وسنينه.....

الكلمات الدلالية لهذا الموضوع

المفضلات

المفضلات

ضوابط المشاركة