الموضوع: قصة شرائي لميجان 2005

وأخيرا وبعد طول انتظار استلمت التقرير
تخيلو 7 ساعات مستني عشان في الاخر يديني حتت ورقة معفنة

المهم
هبدأ معاكم من الأول دا تقرير استلام العربيه (اللي بيكتب في الحاجت الي موجودة واللي مش موجودة ودا في أول مجيت خالص

اطار احتياطي :: موجود
عدة :: غير موجودة
رافعة :: موجودة
مفاتيح :: موجودة
مفتاح عجل :: غير موجود
الطفاية :: موجودة
الولاعة :: موجودة
الايريال :: غير موجود
التابلوه :: موجود
ارضيات السيارة ::موجودة
ملاحظات :: لا يوجد حرف في كلمة megan
يوجد طبة ناقصة في العجلة الامامية شمال
لا يوجد دواسة يمين امامية


وجابلي الورقة وقالي امكضي يا باشا
ومضى الباشا
اعتدت وزي مقلتلكو قبل كدا الاعدة كان شكلها ازاي
لحد مجالي كشف الحالة بعد 7 سشعات او 6 ونص يعني
جابولي العربية مغسولة ومتنشفة وكللو تمام
اخدت الريبورت وقريت
وهدهيلكو زي مجالي بالظبط مع ملاحظاتي بين الاقواس

كفاءة المحرك /
1 : 8
2 : 10
3 : 10
4: 10.5
(الارقام الي على اليمين دي الاستواناط الاولى التانية وهاكذا والي على الشمال بتاعت التقييم لكل اسطوانة من حيث الضغط والحرق والحاجات دي وبتبقى من 12 وع العلم ان العربيو لو زيرو وكشفت عليها هتلاقيها 11 )

العفشة و الاطارات /
كاوتش عجل + جنوط + تيل خلفي + قاعدة شكمان وسط + قاعدة محرك + قاعدة فتيس + شدادة سفلية + طنابير امامي عند انتهاء لالتيل الامامي +مقص امامي + علبة دركسيون + 2 بطاحة امامي + 2 مساعد + 2 كاوتش
(الحاجت دي مش معناها انها خربانة خالص بس هي فيها زي تأكل او حاجة زي كدا )

الفتيس /
df126
(ودا مش عيب في الفتيس الراجل قالي الفتيس شغال زي الفل بس دا سنسور جوا الفتيس لمما بيقرو للكمبيوتر بيهنج يعني العيب في السينسور مش في الفتيس )


كهرباء السيارة والتكيف والبطارية/
مراجعة الانوار + ريش مساحات + موتور مياه مساحات + بطارية + صوت بمروحة البلاور+ فلتر تكييف + مراجعة شحن تكيف

(انا جربت التكيف ولاقيتة شغال زي الفل والبطارية المفروض انها متغيرة )

السمكرة والدهان /
صوت من موتور مراية الصالون
(اللي قلتلكو عليه امبارح )

تسريب زيوت وسوائل /
كوعة مياه كبيرة + عمل سيليكون لغطاء التكيهات

الفرش الداخلي والطابلوه والكاسيت /
الكاسيت (cd ) لايعمل + اريال
(هوا الراديو شغال والكاسيت اعتقد شغال هي المشكلة انو مش بيدخل السيدي كلوو بيدخل سنة ويطلع تقريبا في مشكلة في الموتور بتاعو )


كشف بالجهاز /
df083
(ودا قالي سينسور بيبقى في العربية من تحت بس مش فاكر بتاع ايه بالظبط بس قالي مفيش خوف منو )

الشكمان /
خبطة بعلبة الشكمان الوسط

ملاحظات أخرى /
لباد محرك + بوجيهات + ديفيسور + طقم كاتينة+ غطاء محرك



__________________________
وخلص الريبورت بالختم الجميل بتاعهم دا
مش عارف يا جماعة انا محتار هو تقريبا كتب كل حاجة في العربية

بس
العربية معروضة عليا ب 70 الف ماشية 51 الف كيلو

والست صاخبتهاكانت متابعاها في التوكيل الكشوفات بتاعت صيانتها شوفتاها

غير كدا انا ركبت العربية وسوقتها مسافه كبيرة
ملاحظتش اي حاجة على سحبها ولا عفشتها بتطلع اصوات ولا فراملها ضعيفو وبتدور من اول مرة وبتمشي كويس والتكيف شغال
معرفش بقى الحاجات دي ايه نظامها

اشيرو عليا يا وحوش اخدها والا ..
ولو هخدها انزل اد ايه من سعرها بس متقارنوش بالسعر الي قالهولي قارنو بسعر العربية فيالسوق يمكن يكون هوا عامل حسابو على المصاريف دي
اشيروني وانا في انتظار ردودكم

استخير + توكل

ودلوقتي أعتقد ان قصتي الجميلة والشوقة شارفت على الانتهاء بس انا معاكم لحد اخر لحظة لحد لمما انقل الملكية باسمي وارجع من المرور واركن العربية تحت البيت

انا دلوقتي في مرحلة التخليص
انا شفت العربية سوقتها كشفت عليها سألت على قطع غيارها استخرت ودلوقتي قررت إن شاء الله انضم الى الوحوش هي المفروض ان العربية دلوقتي هتخلص على 68 الف جنيه بس انا برضو ناوي اطلع تييييت الراجل لحد مخدها ب 67 زي مكنت عامل حسابي على الاول

المفروض اننا هنتقابل بكرا عشان نخلص ولو هدفع عربون او هنمضي عقود هستلم او لا كدا يعني

وبما اني اول مررة اشتري عربية مستعملة حبيييييييت اسأل الوحوش عن تفاصيل الشراء ؟؟؟
او هيتم ازاي هدفع اد ايه هجيب ورق ايه همضي على ايه
يعني ايه الي بيتم بالظبط
ولو عايز استلم ومش معايا غير 40 الف مثلا والباقي هقدر اسحبهم في 10/3/2009 ينفع ادهملو واكتب بالباقي وصل امانة لحد التاريخ دا
وبالنسبة لنقل الملكية بيتم ازاي
ياريت لو حد يشرحلى اعمل ايه بالظبط عشان اتجنب النصب والذي منه ( دا شقى عمري يا راجل )

ارجو الافادة من الوحوش وخاصة انو انا مليش غيركم دلوقتي بعد رب العالمين




تشكرات

أولا لازم تكون هناك شهادة براءة الذمة ( يعنى شهادة من نيابة المرور التابع لها البائع بتقول إنه لا يوجد مخالفات أو تم تسديد كل المخالفات بالفعل )
الحاجة التانية اسمها شهادة بيانات
لما تطلع شهادة البيانات
بتطلع أوتوماتيك من نسختين
و فى نموذج طلب للشهادة
بتكتب فى النموذج ده الشهادة دى موجهة لمين
تأكد إن النسخة الأولى تكون موجهة للمرور إللى أنت تابع ليه
و النسخة الثانية لمكتب الشهر العقارى التابع له " البائع " و هو ده إللى إنت هاتسجل فيه

لو رحت تسجل فى الشهر العقارى من غير شهادة البيانات الموجهة لذلك المكتب ...مش هاتمشى ( خصوصا لو الرخصة إللى على ورق مش كمبيوتر )
هو كده كده البائع لا يحتاج شهادات البيانات دى...فإنت تطلع نسخة لمرورك و نسخة للشهر العقارى بتاع البائع...

فى الشهر العقارى يوجد نماذج ثابتة لمسألة بيع العربيات و الإجراءات واضحة و محددة...فلا تقلق

موضوع الفلوس....لازم تتفق مع البائع على طريقة التسديد مقدما طبعا

اولا مرحبا بك في خظيره الوحوووووووش
ثانيا مبروك مقدما علي العربيه ربنا يدلك خيرها و يكفيك شرها
ثالثا
1 عقد ابتدائي من نسختين و يتم تسجيل جميع البيانات و المبلغ و انت هتدفع كام و الباقي كام و الاستلام امتي و كل حاجه و يتم التوقيع من البائع و المشتري لكل واحد نسخه
2 شهاده مخالفات (شهاده براءه الذمه) دي اللي بيجبهالك صاحب العربيه لو الرخصه ساريه
3 توكيل بيع للنفس و للغير و التعامل مع المرور او عقد مسجل بس ده مصاريفه زياده شويه بس ده الاحسن و الاضمن ليك
بالنسبه لشهاده البيانات مش هتحتاجها لا في الشهر العقاري و لا في المرور لو الرخصه ساريه هتبقي مصاريف علي الفاضي اصلي لسه مسجل عربيه المدام و اخدت يوم كامل في مرور فيصل عشان اطلع شهاده بيانات و في الاخر الشهاده معايا في البيت الشهاده الواحده بتاع 30 جنيه
4 تروح علي المرور و معاك العقد المسجل لو هتنقل الملكيه باسمك و تعمل اجراءات المرور لو العربيه عليها فحص او تجديد و لو المرور اللي هي تبعه غير المرور اللي انت تبعه بتفك النمر و بتعيش حياتك في المرور
اخيرا ربنا يوفقك و الف مبرووووووووك يا وحش
معلش انا طولت عليك

المشاركة الأصلية كتبت بواسطة mirageman

المفروض ان العربية دلوقتي هتخلص على 68 الف جنيه بس انا برضو ناوي اطلع تييييت الراجل لحد مخدها ب 67 زي مكنت عامل حسابي على الاول

المفروض اننا هنتقابل بكرا عشان نخلص



تشكرات

متنشفاهش أوي عراجل. وعمل حساب اليوم الحتنزل تبيع فيه

لو فلوسك مش كاملة فرصتك فالفصال بتكون أضعف

الله الموفق

الف شكررررررررر للوحوش فعلا ونعم التعاون والاخوية
وعلى فكرة حتى لو البيعة دي متمتش انا فعلا كسبت
اخوان جداد نادرا محد يلاقيهم


عمرو باشا انا مش بنشفها عليه والا حاجة بس انا فعلا مش شايف ان العربية تستاهل اكتر من كدا وهو الراجل لو لقى حد يديلو اكتر كان ادالة
هوا اعلى سعر جالو فيها 65
يعني انا مش بظلمو حاش لله انا الحمد لله مش كدا
وبالنسبة للفلوس هي جاهزة وكل حاجة هما كلهم بالظبط اسبوعين عشان اقدر اسحب باقي الفلوس من الوديعة عشان هيبقى في خسارة كبيرة لو كسرتها
ومش هيكون فاضلو غير 25 الف بس
يعني كللو تمام ان شاء الله بس انتا ادعيلي


ومعاكم حتى النهاية


تشكرات