الموضوع: هل يوجد قطع كاويتش فوق المساعدين الخلفيين ؟

انا مغير اتنين خلفى Kyp ب 160 جنيه من عتد الزقازيقى فى التوفيقة

أنا غيرت المساعدين الخلفيين باليايات في الأول ولقيت المشكلة زي ما هي ، العربية مايلة ميل غبي !!!

فرجعت اليايات وركبت اليايات الأصلية والراجل قاللي المساعد الأمامي يمين مش بيطلع بسرعة وهو ده اللي عامل الميل
واشتريت مساعدين أمامي وركبتهم .
فلقيت إن الجنب اليمين بطل ينزل وميطلعش ، والحكاية اتظبطت نسبياً ، لكن حاسس إن في مشكلة ، أنا مش قادر أمشي زي زمان حاليا على الوضع الجديد ده أخري 70 وأكون متحكم في العربية أكتر من كده باحس بعومان.

رجعتله وقلت له يظبط زوايا وكان مصر إن الشغل اللي اتعمل ده ملوش علاقة بالزوايا ، وبعد مظبط الزوايا وطلعت أجرب لقيت العربية اتظبطت حلو جدااااااااااا والدريكسيون بيرد لوحده بسرعة في الملفات ، وحاسس إن الأمور رجعت لوضعها الأصلي

لكن وقعت في مشكلة وهي إن لو الدريكسيون عدل العربية بتمشي يمين لازم احوده سنة شمال علشان تمشي للأمام.
فرجعتله تاني وقلت له على الحكاية دي وقالي بسيطة جدا هافك الطارة وهاحودها شوية الأمور هتتظبط ،فحاول بكل الطرق وبكل الوسائل إنه بفكها مقدرش ، فقالي لو ظبطته من غر فك الطارة هيغير في زوايا الملفات لكن أنا مرضيتش قلت له لازم تظبطها سليمة من غير ما تيجي عند زوايا الملفات ، وظبط شوية وطلعت أجرب لقيت العومان رجع تاني ومش قادر أمشي فوق ال 70 !!!!

طبعا أنا اشتريت مساعدين أمامي Kyp ياباني بـ 330 جنيه
ومساعدين خلفي Kyp بـ 205
ويايات خلفية (اللي رجعتهم ) بـ 280 جنيه
وكاويتشة كوبلن بـ 25 جنيه
(ممكن يكون أرخص في القاهرة ياريت اللي يعرف سعرهم يقولي )

طبعا اجابة سؤالي لا يوجد قطع كاويتش فوق المساعدين الخلفيين بمعنى إن مفيش كاويتش ممكن يتقطع لكن قطعة الكاويتش اللي فوق ده بيربط بس مش عليه أي حمل ، وصعب أو مش ممكن يتقطع .

معلش أنا طولت علكم بس علشان اللي يحب يستفيد

فدلوقتي عايز أعرف إزاي نفك الطارة علشان أعرف أظبط الزوايا ؟

وشكرا ليكم جميعا